Yeremiya 41:5 - BIBELE Mahungu Lamanene

⁵ ku humelela vavanuna va 80, va huma eXikeme ni le Xilo ni le Samariya, va ta ni mavele ni mirhi ya risuna, va ta swi humesela HOSI Xikwembu endlwini ya xona; a va byewurile malebvu, va handzulerile swiambalo, va tixekelerile hi mikwana.

Xitsonga (Bibele)

⁵ ku fika vanhu va Xikeme, ni va Xilo, ni va Samariya va 80, va byewurile malebvu, ni swiambalo swa vona swi handzukile va va va titlhavele miri, va tamele tinyiko, ni maakha, va swi tisa endlwini ya Yehovha.

Yeremiya 41:5 Referans Kwoze

1 TIHOSI 16:24

Kutani Omri a xava xintshabyana xa Samariya eka loyi a a vuriwa Xemere, hi mali ya tisilivhere to tlula 7 000. A biyela xintshabyana lexi, a aka muti eka xona, kutani a thya muti wa kona evito ra “Samariya”, a thyela Xemere loyi khale a a ri n'wini wa xintshabyana lexi.

2 TIHOSI 25:9

A hisa yindlu ya HOSI Xikwembu, ni tindlu ta le ntsindza, ni tindlu tin'wana ta Yerusalema, ngopfu ngopfu tindlu hinkwato ta vanhu lavo chaviseka.

Yoxuwa 18:1

Loko Vaisraele va tekile tiko hinkwaro ra Kanana, ntshungu hinkwawo wu hlengeletana eXilo wu dzima Ntsonga lowo Hlawuleka.

Duteronoma 14:1

“N'wina mi vanhu va HOSI Xikwembu xa n'wina, kutani loko ku tshuka ku lovile munhu, mi nga tlhaveli tinhlanga kumbe ku byewula nhloko,

1 TIHOSI 12:1

Rhobuwamu a ya eXikeme, hikuva Vaisraele hinkwavo a va hlengeletanile kona ku ya n'wi veka a va hosi.

Vaavanyisi 9:1

Abimeleke n'wana Yerubaali a ya eXikeme laha mana wa yena a a huma kona, a fika a byela vakokwa wa yena hinkwavo, a ku:

Genesa 33:18

Loko Yakobo a ta a huma hi le Padani-Aramu, ú fikile hi ku rhula emutini wa Xikeme, etikweni ra Kanana, kutani a gova kusuhi ni muti lowu.

Esaya 15:2

Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

1 TIHOSI 16:29

Hi lembe ra 38 ra ku fuma ka hosi Asa etikweni ra Yuda, Akabu n'wana Omri a sungula ku fuma tiko ra Israele, a fuma malembe ya 22 a ri eSamariya.

1 TIHOSI 12:25

Kutani Yerobuwamu a pfuxa rirhangu ra Xikeme emagangeni ya tiko ra Efrayimi, a tshamanyana kona; kutani a rhurha kwalaho, a ya pfuxa rirhangu ra Penuwele.

1 SAMIELE 1:7

Timhaka a ti fambisa sweswo lembe rin'wana ni rin'wana: Loko va ya endlwini ya HOSI Xikwembu, Penina a a tala ku n'wi dyisa mbitsi, Hana a ko a rila, a ala ni ku dya.

Yeremiya 7:14

Hikokwalaho yindlu leyi vito ra mina ri gandzeriwaka eka yona, leyi mi titwaka mi hlayisekile eka yona, yi nga yona ndhawu leyi ndzi yi nyikeke n'wina ni vatata wa n'wina, ndzi ta yi endla leswi ndzi swi endleke muti wa Xilo:

Yeremiya 7:12

“Yanani exivandleni xa mina lexo hlawuleka xa le Xilo, laha vito ra mina ri nga rhanga ri tiviwa kona, mi ta vona leswi ndzi swi endleke kona hikwalaho ka vubihi bya Vaisraele vanhu va mina.

Pisalema 102:14

Hina malandza ya wena, hi rhandza ni maribye ya muti wolowo, leswi wu hundzukeke rhumbi, hi twa ku vava lokukulu.

2 SAMIELE 10:4

Kavaloko Hanunu a khoma varhumiwa va Davhida, a va byewula malebvu ya tlhelo rin'we ntsena, a tsema ni swiambalo swa vona hi le xisutini, va sala va nga ambalanga nchumu ku ya ehansi, kutani a va hlongola.

Yoxuwa 24:32

Marhambu ya Yosefa lawa Vaisraele va humeke na wona etikweni ra Egipta, va ma celerile eXikeme, endhawini leyi Yakobo a yi xaveke eka vana va Hamoro tata wa Xikeme hi mali ya tisilivhere ta 100. Kutani ndhawu leyi yi vile ndzhaka ya vatukulu va Yosefa.

Genesa 34:2

Kuteloko Xikeme a n'wi vona, o n'wi pfinya a etlela na yena, a n'wi nyamisa. Xikeme a a ri n'wana Muhivhi loyi a va ku i Hamoro, yena ndhuna ya ndhawu yoleyo.

Genesa 37:12

Siku rin'wana vamakwavo wa Yosefa va ya va ya risa swifuwo swa tata wa vona kusuhi ni muti wa Xikeme.

Vaavanyisi 18:31

Xifaniso lexi Mika a tivatleleke xona, va ka Dani va xi tshikile xi yimisa sweswo, nkarhi hinkwawo lowu yindlu ya Xikwembu yi veke emutini wa Xilo.

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

Yeremiya 16:6

Etikweni rero, vanhu lavakulu ni lavatsongo va ta fa enkarhini wun'we; a va nga lahliwi kumbe ku riliwa. Vanhu a va nga byewuli tinhloko kumbe ku tixekelela, ku komba leswaku va le ku rileni.

Yeremiya 41:4

Hi siku leri landzaka ku dlayiwa ka Gedaliya, timhaka ta kona ti nga si tiviwa hi munhu,

Yeremiya 47:5

“Va le Gaza va byewurile tinhloko, va rila; va le Axikeloni a va ha vulavuli. N'wina masalela ya Vaanakimi, swa ku tixekelela hi mikwana enkosini, mi ta va na swona ku fikela rini ke?

Yeremiya 48:37

Hinkwavo va le ku rileni ka nkosi, va byewule misisi ni malebvu, va tixekelele mavoko va ambala swo khwaxa.

Yuwele 2:13

Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

1 TIKRONIKA 19:4

Hiloko Hanunu a khoma varhumiwa va Davhida, a va byewula misisi, a tsema ni swiambalo swa vona hi le xisutini, va sala va nga ambalanga nchumu ku ya hansi, kutani a va hlongola,