Yeremiya 41:2 - BIBELE Mahungu Lamanene

² Hiloko Iximaele n'wana Netaniya ni vavanuna va khume lava a va ri na yena, va suka va yima, va tlhava Gedaliya n'wana Ahikama wa Xafani hi matlhari, va n'wi dlaya (kasi Gedaliya loyi a a vekiwile hi hosi ya Babilona ku va mulanguteri wa tiko).

Xitsonga (Bibele)

² Kutani Iximaele, n'wana Netaniya, ni vanhu va khume lava ngi a ri na vona, va yima, va tlhava Gedaliya, n'wana Ahikama, n'wana Xafani hi fumu, va n'wi dlaya, a ri loyi hosi ya Babilona yi n'wi vekeke ku risa tiko.

Yeremiya 41:2 Referans Kwoze

2 TIHOSI 25:25

Kambe, hi n'hweti ya vu-7 ya lembe rero, Iximaele n'wana Netaniya wa Elixama, munhu wa yindlu ya vuhosi, a fika eMispa a ri ni vavanuna va khume. Va juma Gedaliya, va n'wi dlaya, swin'we ni vanhu va Yuda ni Vakalediya lava a va ri na yena.

Yeremiya 40:5

Loko Yeremiya a nga si hlamula, Nebuzaradani a engeta a ku: “Tlhelela eka Gedaliya n'wana Ahikama wa Xafani, yena loyi hosi ya Babilona yi n'wi hlawuleke ku va mulanguteri wa miti ya Yuda. Famba u ya tshama na yena exikarhi ka varikwenu; kumbe u ya lomu u tsakelaka ku ya tshama kona.” Kutani ndhuna ya vasirheleri yi longela Yeremiya etimbuva, yi n'wi tamerisa ni nyiko yin'wana, kutani yi n'wi tshika a tifambela.

Yeremiya 40:7

Vafambisi hinkwavo va mavuthu lava a va ha tumberile enhoveni ni masocha ya vona, va twa leswaku hosi ya Babilona yi vekile Gedaliya n'wana Ahikama ku va mulanguteri wa tiko ra Yuda, a fuma vavanuna ni vavasati ni vana va vona, va nga vanhu va swisiwana lava a va nga yisiwanga evukhumbini le Babilona.

Pisalema 109:5

Vunene bya mina va byi hakela hi leswo biha, rirhandzu ri hakeriwa hi rivengo.

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

2 SAMIELE 3:27

Kuteloko Abinere a fikile eHebroni, Yowabu a n'wi kokela etlhelo kusuhi ni nyangwa ya muti, wonge hi loko a lava ku vulavula na yena exihundleni, kutani a n'wi tlhava khwiri a fa. Yowabu a a rihisela swa ku dlawa ka Asahele makwavo.

Yohane 13:18

“A ndzi vulavuli ndzi katsa n'wina hinkwenu; ndzi tiva lava ndzi va hlawuleke; kambe Tsalwa ri fanele ku hetiseka, leri nge: ‘Loyi a dyaka vuswa bya mina, ú ndzi hundzukele, a ndzi khadlanya.’

Yeremiya 40:8

Hiloko vafambisi lava va ya eka Gedaliya le Mispa. Lava yeke i Iximaele n'wana Netaniya, ni vana va Kariyaka va nga Yohanani na Yonatani, na Seraya n'wana Tanahumeti, ni vana va Efayi loyi wa Munetofa, na Yezaniya loyi wa ka Maaka, hinkwavo va ri ni malandza ya vona.

Yeremiya 41:3

Iximaele a engeta a dlaya ni va ka Yuda hinkwavo lava a va tshama na Gedaliya eMispa, a dlaya ni masocha ya Vakalediya lawa a ma ri kona kwalaho.

Yeremiya 40:14

va fika va n'wi vutisa va ku: “Xana wa swi tiva leswaku Baalisi hosi ya Vaamoni ú rhumile Iximaele n'wana Netaniya leswaku a ta ku dlaya xana?” Kambe Gedaliya n'wana Ahikama a nga yingisanga marito ya vona.

Yeremiya 40:16

Kambe Gedaliya n'wana Ahikama a hlamula Yohanani n'wana Kariyaka a ku: “Mhaka leyi u nga tshuki u yi endla, hikuva leswi u swi vulaka, u lumbeta Iximaele!”