Yeremiya 41:1 - BIBELE Mahungu Lamanene1 Hi n'hweti ya vu-7, Iximaele n'wana Netaniya wa Elixama, munhu wa yindlu ya vuhosi loyi a a ri un'wana wa tindhuna ta hosi Sedekiyasi, a teka vavanuna va khume, a ya na vona eka Gedaliya n'wana Ahikama le Mispa. Kutani Gedaliya a tshama na vona eswakudyeni kwale Mispa. Gade chapit laXitsonga (Bibele)1 Hi n'hweti ya ntlhanu na timbirhi, Iximaele, n'wana Netaniya, n'wana Elixama, wa rixaka ra tihosi, ni ndhuna ya hosi, a ta eka Gedaliya, n'wana Ahikama, eMispa, a ri ni vanhu va khume, va tshama eswakudyeni swin'we eMispa. Gade chapit la |
Loko Yeremiya a nga si hlamula, Nebuzaradani a engeta a ku: “Tlhelela eka Gedaliya n'wana Ahikama wa Xafani, yena loyi hosi ya Babilona yi n'wi hlawuleke ku va mulanguteri wa miti ya Yuda. Famba u ya tshama na yena exikarhi ka varikwenu; kumbe u ya lomu u tsakelaka ku ya tshama kona.” Kutani ndhuna ya vasirheleri yi longela Yeremiya etimbuva, yi n'wi tamerisa ni nyiko yin'wana, kutani yi n'wi tshika a tifambela.
Vafambisi hinkwavo va mavuthu lava a va ha tumberile enhoveni ni masocha ya vona, va twa leswaku hosi ya Babilona yi vekile Gedaliya n'wana Ahikama ku va mulanguteri wa tiko ra Yuda, a fuma vavanuna ni vavasati ni vana va vona, va nga vanhu va swisiwana lava a va nga yisiwanga evukhumbini le Babilona.