Biblia Todo Logo
Bib sou entènèt

- Piblisite -




Yeremiya 4:6 - BIBELE Mahungu Lamanene

6 Yimisani mujeko mi kongoma eSiyoni, tsutsumani mi ya tumbela, mi nga yimi laha mi nga kona, hikuva HOSI Xikwembu xi le ku tiseni ka khombo lerikulu, leri nga ta ta hi le n'walungwini ri onha leswo tala.

Gade chapit la Kopi

Xitsonga (Bibele)

6 Yimisani mujeko hitlhelo ra Siyoni; tsutsumani mi nga yimi, hikuva ndzi ya tlhelo ra n'walungu ku ya teka masangu ni khombo lerikulu.”

Gade chapit la Kopi




Yeremiya 4:6
19 Referans Kwoze  

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.


N'wina valala va Babilona, tlakusani mijeko, mi ba mhalamhala mi vitana vamatiko; va rhambeni va ya hlasela Babilona, mi rhamba ni matiko lawa: Ararata, na Mini, na Axikenazi. Hlawulani mufambisi wa mavuthu, mi tisa ni tihanci, ti tala kukota tinjiya leti hahaka.


Tlakusani mujeko mi komba rirhangu ra Babilona; engetelani varindzi, valanguteri a va hiteke; tumbelelani valala!” Hakunene HOSI Xikwembu xi bohile makungu khale ehenhla ka lava tshamaka eBabilona, kutani sweswi xi le ku hetiseni ka leswi xi swi vuleke.


sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.


HOSI Xikwembu xi ri: “Vonani! Ku ta vanhu hi le n'walungwini; ntshungu lowu wu hlomile matlhari, wu huma evugimamusi.


N'wina va ka Benjamini, humani emutini wa Yerusalema, tsutsumani mi ya tumbela. Banani mhalamhala mi ri eTekowa, tshivelani ndzilo wa xitsundzuxo le Beta-Hakereme, hikuva valala va ta hi le n'walungwini, va tela ku ta onhetela hinkwaswo.


Xana ndzi ta hlalela mijeko ya valala ku fikela rini, ndzi ta twa mhalamhala ya nyimpi ku ya fika rini xana?


Humani! Humani hi tinyangwa, mi ya lulamisa ndlela ya lava vuyaka. Boxani gondzo mi ri khulela, mi susetela ni maribye, yimisani ni mujeko leswaku vamatiko va ta wu vona.


HOSI Xikwembu xi vula sweswo, xi ri: “Esikwini rero, huwa yi ta twala eYerusalema hi tlhelo ra Nyangwa-ya-Tinhlampfi; laha ku vuriwaka ‘Ndhawu Leyintshwa’, va ta tlhava mukhosi, eswitsungeni ku ta twala mpfumawulo lowukulu wa tinyimpi.


Twanani huwa leyi humaka eBabilona, i xirilo lexikulu xa lava herisiwaka etikweni ra Vakalediya.


Etikweni hinkwaro, ku twakala huwa ya tinyimpi, leswo tala swa karhi swa onhaka.


Mina HOSI ndzi ri, endzhaku ka sweswo ndzi ta tshika Sedekiyasi hosi ya Yuda, ni malandza ya yena, ni vaaki va muti, va nga hinkwavo lava poneke ku dlawa hi mintungu ni matlhari ni tindlala, kutani va ta wela emavokweni ya Nebukadnetsara hosi ya Babilona. Ndzi ta va nyiketa eka valala va vona, lava tiyimiseleke ku va vangela rifu. Kutani valala lava va ta herisa va le Yerusalema hi matlhari, va nga va tweli vusiwana kumbe ku va tsetselela; va ta va dlaya hinkwavo.’ ”


Hikokwalaho we Yeremiya, byela vanhu va ka Yuda ni vaaki va Yerusalema marito ya mina lama nge: ‘Yingisani, ndzi le ku vumbeni ka makhombo lawa ndzi nga ta mi ba ha wona; ndzi le ku boheni ka makungu ya kona. Hundzukani hinkwenu mi tshika mahanyelo ya n'wina layo biha, mi lulamisa tindlela leti mi hanyaka ha tona!’


Ndzi ta ku rhambela vahlaseri, un'wana ni un'wana ú ta ta ni xihloka xa yena; va ta tsema timhandze ta wena leto saseka ta murhi wa kedari, va ti hoxa endzilweni.


Kalichi leyi nga ni tihanci ta ntima yi kongoma etikweni ra le n'walungwini; leyi nga ni tihanci to basa, yi landza leyo sungula hi le ndzhaku; leyi nga ni tihanci ta mavalavala yona yi kongoma edzongeni.”


Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.


Kutani ndzi twa HOSI Xikwembu loko xi ri karhi xi huwelela xi ku: “Tanani, n'wina mi nga ta ba muti wa Yerusalema. Un'wana ni un'wana a a te ni tlhari ra yena!”


Hiloko ndzi vona vavanuna va 6 lava humaka en'walungwini, va ta hi nyangwa ya le henhla ya Tempele, hinkwavo va tamele matlhari ya vona. Exikarhi ka vona, a ku ri na un'wana la ambaleke swiambalo swa ntsembyani, a khweketile ebantini ra yena swo tsala ha swona; kutani va fika va yima kusuhi ni alitari ya koporo.


Swiv nou:

Piblisite


Piblisite