Yeremiya 4:4 - BIBELE Mahungu Lamanene

⁴ N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Xitsonga (Bibele)

⁴ Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Yeremiya 4:4 Referans Kwoze

Duteronoma 10:16

Hikokwalaho, mi fanele ku hundzuka, mi tshika ku tinonon'hwisa.

Vakolosa 2:11

Eka yena mi yimbisiwile, ku nga ri hi mavoko ya vanhu, kambe hi ku yimbisiwa ka Xikriste, loku ku hi ntshunxaka eka miri lowu wu dyohaka.

Duteronoma 30:6

HOSI Xikwembu xa n'wina xi ta hundzuluxa timbilu ta n'wina ni ta vana va n'wina, mi ta kota ku xi rhandza hi timbilu ta n'wina hinkwato ni mimoya ya n'wina hinkwayo, leswaku mi ta kuma vutomi.

Yeremiya 9:26

Ndzi vula lava akeke etikweni ra Egipta, ni ra Yuda, ni ra Edomu, ni ra va ka Amoni, ni ra Mowabu, ndzi ba ni hinkwavo lava tshamaka emananga lava byewulaka malebvu lomu matlhelo. Vanhu lava hinkwavo, swin'we ni Vaisraele hinkwavo, va fana ni lava nga yimbangiki, hikuva etimbilwini ta vona a va na mhaka na mina.”

Yeremiya 21:12

“N'wina va ka Davhida, ndzi yingiseni, hikuva mina HOSI ndzi ri: “Avanyisani timhaka hi ku lulama, siku rin'wana ni rin'wana. Lava tekeriweke swilo swa vona, va kutsuleni eka lava va va xanisaka. Loko swi nga ri tano, ndzi ta mi herisa hi vukari bya mina lebyi pfurhaka; ndzilo wa kona wu ta pfumala vatimi, hikuva leswi mi swi endlaka swi bihile ngopfu.”

Amosi 5:6

Lavani HOSI leswaku mi ta hanya loko swi nga ri tano, yi ta rhumela ndzilo ehenhla ka n'wina, va ka Yosefa; wu ta herisa ni muti wa Betele, ku nga ri na loyi a nga ta wu tima!

Sofoniya 2:2

mi nga si hlongoriwa, mi nyamalala kukota mungu, mi nga si hisiwa hi vukari lebyi pfurhaka bya HOSI Xikwembu, siku ra ku kariha ka xona ri nga si mi fikela.

Ezekiele 20:33

“Mina HOSI N'wini wa hinkwaswo ndza tiyisa hi ku hlambanya leswaku ndzi ta mi fuma hi ntamu lowukulu ni mintirho ya mina ya matimba, ndzi chululela vukari bya mina ehenhla ka n'wina.

Ezekiele 24:13

Thyaka rero i mintirho ya wena ya manyala, we Yerusalema. Ndzi ringetile ku ku basisa, kambe thyaka ra wena a ri suki, kutani a wu nga ha tlheli u basa, ku kondza ndzi heta ku ku ba eku hlundzukeni ka mina.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Ezekiele 24:8

Ngati leyi va yi halateke eribyeni yi nga seleteriwanga, ndzi yi tshikile kona, leswaku yi pfuxa vukari bya mina, yi ndzi tsundzuxa ku tirihisela.

Ezekiele 16:38

Ndzi ta ku ba ku fana ni loko va ba wansati la osweke kumbe la dlayeke munhu. Eku hlundzukeni ka mina ni le ku vavisekeni ka mina, ndzi ta halata ngati ya wena ndzi ku dlaya.

Ezekiele 8:18

Hikokwalaho ndzi ta va ba; ndzi nga ka ndzi nga va rivaleli, a ndzi nga va tweli vusiwana. Va ta rila va ba huwa etindleveni ta mina, kambe a ndzi nga va hingisi.”

Ezekiele 6:12

Lava nga ya tumbela kule va ta fa hi ntungu, lava lwaka kusuhi ni muti va ta dlawa hi matlhari; kutani lava nga ta sala emutini va rhendzeriwe hi valala, vona va ta fa hi tindlala. Hi swona leswi ndzi nga ta va vangela swona eku hlundzukeni ka mina,

Yeremiya 36:7

Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Yeremiya 23:19

Vukari bya HOSI Xikwembu bya vonaka, hi lebyi! Byi fana ni xihuhuri lexi hungaka xi ba lavo homboloka.

Yeremiya 21:5

Kutani mina hi xiviri xa mina ndzi ta lwa na n'wina; ndzi ta tlakusa voko ra mina ndzi mi ba hi nkhavi lowukulu; ndzi ta mi ba ndzi hlundzukile ngopfu, vukari bya mina byi karhi byi pfurha.

Esaya 51:17

We Yerusalema, suka u yima! Yima, wena u nweke vukari bya HOSI Xikwembu exinwelweni lexi xi ku nyikeke xona; u nwile u heta, u pyopyiwa.

Levhitika 26:28

na mina ndzi ta endla leswi mi nga ta ka mi nga swi lavi; ndzi ta mi ba ndzi hlundzukile, ndzi mi ba ka 7 ku tlula leswo sungula, hikwalaho ka swidyoho swa n'wina.

Ezekiele 21:17

kutani na mina HOSI ndzi ta hlundzuka swinene, ndzi pfurhisa vukari bya mina. Ndzi vula sweswo mina HOSI.”

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Varhoma 2:25

Swa twala leswaku ku yimba ka pfuna, loko u hlayisa Nawu; kambe loko u tlula Nawu, ku yimba ka wena ku to fana ni loko u nga yimbanga.

Levhitika 26:41

kutani na mina ndzi endla leswi va nga swi laviki, ndzi va yisa ematikweni ya valala va vona. Naswona, vanhu lava va nga tlhela va hundzuka hi ku hetiseka, va hambana ni mikhuva ya vona leyo biha.

Esaya 10:17

Loyi a nga ku vonakala ka Vaisraele ú ta hundzuka ndzilo, Muhlawuleki wa vona ú ta va langavi leri nga ta hisa mitwa ni swigatlu swa Vaasiriya, swi hela hi siku rin'we.

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Yeremiya 9:25

HOSI Xikwembu xi ri: “Yingisani, ku nga ri khale ndzi ta ba vanhu hinkwavo lava yimbisiweke enyameni, kambe etimbilwini va nga ri na mhaka na mina.

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Ezekiele 44:7

Mi pfumelela vamatiko lava nga yimbangiki, lava nga riki na mhaka na mina, leswaku va nghena eTempeleni ya mina, va yi nyamisa, loko n'wina mi ri karhi mi ndzi humesela swakudya hi magandzelo, ku katsa ni mafurha ni ngati, kutani mi tshovile ntwanano exikarhi ka mina na n'wina hi swilo hinkwaswo swa manyala leswi mi swi endleke.

2 TIKRONIKA 34:25

Va ndzi fularhele; va hisile mirhi ya risuna va hisela swikwembu swimbe. Va ndzi hlundzukisile ngopfu hi mintirho ya vona hinkwayo. Hikokwalaho ndzi ta chululela vukari bya mina endhawini leyi, ku ta pfumaleka ni loyi a nga byi timaka.”

Yeremiya 15:14

Ndzi ta mi hundzula mahlonga ya valala va n'wina etikweni leri mi nga ri tiviki, hikuva ndzilo wa vukari bya mina wu le ku pfurheni, wu ta pfurha wu nga heli!”