Yeremiya 4:19 - BIBELE Mahungu Lamanene

¹⁹ Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Xitsonga (Bibele)

¹⁹ Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 4:19 Referans Kwoze

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Esaya 22:4

Hikokwalaho, ndzi kombela leswaku mi nga ndzi languti, ndzi tshikeni ndzi rila hi xiviti, va ka hina va herile, mi nga tikarhati hi ku ndzi khongotela.

Esaya 16:11

Ndzi rhurhumela kukota tingoti ta xipendana hikwalaho ka tiko ra Mowabu, muti wa Kiri-Herexe wu ndzi twisa mbilu ku vava.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Esaya 21:3

Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Vagalatiya 4:19

Vana vanga, ku fana na manana la nga kusuhi na ku veleka n'wana, ndzi twa ku vava nakambe hikwalaho ka n'wina, ku fikela loko xivumbeko xa Kriste xi vonaka exikarhi ka n'wina ...

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 7:15

Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Esaya 15:5

Tiko ra Mowabu ri ndzi twisa mbilu ku vava. Vanhu va rona va balekela eSowara ni le Egilata-Xelixiya. Van'wana va ta hi le xiphandzeni xa Luhiti va ri karhi va rila; lava khomeke gondzo ro ya eHoronayimi va ba nyandayeyo.

Pisalema 116:7

Sweswi ndzi ni ku rhula, hikuva HOSI Xikwembu xi ndzi katekisile ngopfu.

Varhoma 10:1

Vamakwerhu, ku navela ka mbilu ya mina ni xikhongelo lexi ndzi va khongelelaka ha xona eka Xikwembu, hileswaku va ponisiwa.

Amosi 3:6

Xana loko ku biwa nyandayeyo emutini, vanhu va nga tshika ku tsemeka nhlana xana? Khombo rona, xana ri nga wela muti, loko ri nga rhumeriwanga hi HOSI ke?

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Yeremiya 23:9

Lawa i mahungu ehenhla ka vaprofeta: Ndzi le ku karhatekeni lokukulu, miri wa mina hinkwawo wa rhurhumela; ndzi fana ni munhu la pyopyiweke, la dedelekisaka hi vhinyo; ndzi karhatiwa hi marito layo hlawuleka lawa HOSI Xikwembu xi ndzi byeleke wona,

Yeremiya 20:9

Loko ndzi ku: “A ndzi nga ha vulavuli nchumu hi HOSI Xikwembu, kumbe ku dyondzisa hi vito ra xona”, endzeni ka mina ku pfurha ndzilo lowukulu, mbilu ya mina ya tshwa ha wona, kutani ndzi karhala ku wu tiyisela, ndzi tsandzeka ku miyela.

Yeremiya 13:17

Loko mi ala ku yingisa, ndzi ta ya rila exihundleni hikwalaho ka ku tikurisa ka n'wina; ndzi ta rila hi xiviti ndzi halata mihloti, hikuva vanhu va HOSI Xikwembu va yisiwile evukhumbini.

Yeremiya 4:21

Xana ndzi ta hlalela mijeko ya valala ku fikela rini, ndzi ta twa mhalamhala ya nyimpi ku ya fika rini xana?

Yeremiya 4:5

Banani mhalamhala hinkwako etikweni, huwelelani hi rito leri tlakukeke mi byela vanhu va Yuda ni va le Yerusalema leswaku va hatla va hlengeletana, va ya tumbela emitini ya makhokholo.

Pisalema 146:1

Dzunisani HOSI! Ndzi lava ku dzunisa HOSI Xikwembu ndzi vuyelela.

Pisalema 119:136

Mahlo ya mina ma tenga-tenga mihloti, hikuva vanhu a va hlayisi nawu wa wena.

Pisalema 119:53

Lavo homboloka va ndzi hlundzukisa ngopfu, hikuva a va na mhaka ni nawu wa wena.

Pisalema 103:1

Ndzi lava ku nkhensa HOSI Xikwembu ndzi vuyelela, ndzi tlangela vito ra xona lero hlawuleka hi mbilu ya mina hinkwayo.

Pisalema 16:2

Eka HOSI, ndzi ri: “Hi wena n'wini wa mina, a ndzi kumi ntsako loko ku nga ri ha wena ntsena.”

Vaavanyisi 5:21

Va dyiwile hi mati ya xinambyana xa Kixoni, xi nga xinambyana lexi hingakanyeke ndlela ya vona, xona xinambyana xa Kixoni. Wena, moya wanga, yana emahlweni, u nga heli matimba!

Tinhlayo 10:9

Loko mi tshuka mi hloma matlhari ku ya lwa ni valala va n'wina lava va mi pfukaka etikweni ra n'wina, mi fanele ku mbvungunyisa timhalamhala, leswaku mina HOSI Xikwembu xa n'wina ndzi ta mi anakanya, ndzi mi lamulela emavokweni ya valala va n'wina.

Genesa 49:6

Wena moya wanga, u nga ngheni eswikungwini swa vona, na wena mbilu ya nga, hambana na vona, hikuva loko va karihile, va heta vanhu, va hungasa hi ku lamata swifuwo.

1 Vakorinto 14:8

Ni loko mhalamhala yi nga pfumi swinene, i mani la nga ta hloma matlhari ya nyimpi xana?

Yeremiya 6:24

Vaaki va muti va ri: “Mahungu ya vanhu lava hi ma kumile, ma hi heta matimba. Hi ni switlhavi, ha xaniseka ku fana ni wansati la nga kusuhi ni ku tintshunxa.

Yeremiya 8:21

Ndzi hela ntamu loko ndzi vona ku vaviseka ka vanhu va ka hina; ndza rila, ndzi khomiwa hi gome.

Yeremiya 42:14

kutani mi vula leswaku mi lava ku ya titshamela etikweni ra Egipta, laha mi nga ta ka mi nga ha voni tinyimpi kumbe ku twa timhalamhala kumbe ku xanisiwa hi tindlala.

Yeremiya 49:2

Hikokwalaho mina HOSI ndzi ri, ku nga ri khale ndzi ta vanga huwa ya tinyimpi, ndzi lwa ni muti wa Rhaba ntsindza wa Vaamoni; muti lowu wu ta hundzuka rhumbi, swimitana swa wona swi ta tshwa swi hela, kutani Vaisraele va ta tlhela va kuma swa vona leswi Vaamoni va nga va tekela swona, ku vula mina HOSI.

Yeremiya 50:22

Etikweni hinkwaro, ku twakala huwa ya tinyimpi, leswo tala swa karhi swa onhaka.

Daniele 4:19

Kutani Daniele la thyiweke vito ra Beltexatsara, a miyela nkarhi wo leha a chava ku boxa mhaka. Kutani hosi Nebukadnetsara a ku: “We Beltexatsara, norho ni nhlamuselo ya wona swi nga ku pfilunganyisi miehleketo.” Daniele a hlamula a ku: “N'wini wanga, norho lowu a wu kongome eka lava va ku vengaka, ni nhlamuselo ya wona a yi kongomisiwe eka valala va wena!

2 TIHOSI 4:19

Kambe o tshuka a keta, a ku ka tata wa yena: “Yo! Nhloko ya minoo! Nhloko ya minoo!” Kavaloko tata wa yena a lerisa nandza a ku: “Tlakula n'wana, u n'wi yisa eka mana wa yena.”

2 TIHOSI 8:11

Kavaloko munhu xa Xikwembu a khanyanisa mombo, a honokela Hazaele a ko a n'wi khomisa tingana; kutani munhu wa Xikwembu a sungula ku rila.

Esaya 21:4

Nhloko ya mina a ya ha twisisi, ndza rhurhumela hi ku chava; ku pela ka dyambu loku a ndzi ku navela, ku lo ndzi pfumata vurhongo ntsena.

Yeremiya 8:18

Gome leri ri ndzi khomeke a ri heli, mbilu ya mina yi vava ngopfu.

Swirilo 1:20

“We HOSI, ndzi langute, hikuva ndzi le maxangwini, moya wa mina wu le ku karhatekeni; ndzi le ku vavisekeni lokukulu, hikuva ndzi tiarisile ngopfu. Ehandle, vana va mina va dlawa hi tlhari, etindlwini, va fa hi ntungu.