Yeremiya 4:18 - BIBELE Mahungu Lamanene

¹⁸ Swilo leswi mi lo tivangela hi swiendlo swa n'wina ni mahanyelo ya n'wina. Hi kona ku hela ka n'wina. Swa bava hakunene! Maxangu ya n'wina ma hlomula mbilu.”

Xitsonga (Bibele)

¹⁸ “I mikhuva ya wena ni swiendlo swa wena leswi ku humeseleke swilo sweswo; i mihandzu ya ku biha ka wena; kunene swa vava; kunene swi nghenile ku ya fika embilwini ya wena.”

Yeremiya 4:18 Referans Kwoze

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Pisalema 107:17

Van'wana a va hlanganisiwa tinhloko hi mikhuva ya vona leyo homboloka, va xaniseka hikwalaho ka swidyoho swa vona.

Yeremiya 2:17

N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

Yeremiya 6:19

Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Yeremiya 26:19

“Xana Hezekiya hosi ya hina va ka Yuda, ni va ka hina hinkwavo, va dlayile muprofeta loyi xana? E-e! Va chavile ku dyohela HOSI Xikwembu; va komberile hi matimba leswaku xi va tsetselela, kutani xona xi tshikile makungu ya xona lawa xi ma vuleke, xi nga ha va bi; hikokwalaho hi nga tshuki hi tivangela khombo hi ku dlaya munhu loyi.”

Yeremiya 5:19

Loko va ku vutisa we Yeremiya va ku: ‘Hikwalaho ka yini HOSI Xikwembu xa hina xi hi vangela makhombo lawa hinkwawo ke?’ u ta va hlamula u ku: ‘Hi leswi mi xi tshikeke, mi tirhela swikwembu swimbe etikweni ra n'wina. Hikokwalaho mi ta tirhela vanhu vambe etikweni leri nga riki ra n'wina!’ ”

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Yeremiya 5:25

Vubihi bya n'wina byi onhile swilo leswinene leswi, kutani a ma ha nyikiwi swona hikwalaho ka swidyoho swa n'wina.

Ezekiele 39:24

Ndzi va bile hi ndlela leyi ndzi va fularhela, hikuva a va tinyamisile va ndzi dyohela.

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Yeremiya 14:16

Hambi vona lava dyondzisiweke hi vaprofeta lava, va ta dlawa hi matlhari ni tindlala, va cukumetiwa emagondzweni ya Yerusalema, vona ni vasati va vona ni vana va vona va xinuna ni va xisati, va nga lahliwi hi munhu. Mintirho ya vona leyo homboloka, ndzi ta endla leswaku yi vuya hi vona.”

Swirilo 3:15

Ú ndzi dyisa leswo bava ndzi ko ndzi hlamba timbilu, a ndzi nwisa nyongwa ndzi kala ndzi hlanta.