Yeremiya 4:16 - BIBELE Mahungu Lamanene

¹⁶ Tivisa vanhu leswaku valala hi lava! Byela va le Yerusalema leswaku vahlaseri vo huma etikweni ra le kule va ta, va karhi va ba huwa emitini ya le Yuda.

Xitsonga (Bibele)

¹⁶ “Byelani matiko, mi tivisa Yerusalema: ‘Lava taka ku ta n'wi rhendzela va huma etikweni leri nga ekule; va huwelela ku ta lwa ni miti ya Yuda.

Yeremiya 4:16 Referans Kwoze

Ezekiele 21:22

Kutani, hi voko ra yona ra xinene, yi khoma nseve lowu kombaka muti wa Yerusalema. Nseve wa kona wu yi byela ku tilavela timhandze to nhlanhla rirhangu ha tona, ni ku huwelela yi vitana mavuthu eku lweni, ni ku tshova timbanti ta muti, ni ku fumbetela misava yo khandziya ha yona erirhangwini.

Yeremiya 5:15

HOSI Xikwembu xi ri: “N'wina Vaisraele, yingisani! Ndzi ta tisa vanhu lava humaka kule, va ta mi hlasela. Vanhu va kona va tiyile ngopfu, i khale va ri kona; ririmi ra vona a mi ri tivi, loko va vulavula a mi nga twisisi nchumu.

Esaya 39:3

Kutani muprofeta Esaya a ya eka hosi Hezekiya, a ya n'wi vutisa a ku: “Xana vavanuna lava va te yini xana? Xana a va huma kwihi, loko va ta eka wena xana?” Hezekiya a hlamula a ku: “A va huma etikweni ra le kule, emutini wa Babilona.”

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Yeremiya 39:1

[Leswi nga humelela loko valala va teka muti wa Yerusalema, hi leswi:] Hi lembe ra vu-9 ra ku fuma ka Sedekiyasi hosi ya Yuda, hi n'hweti ya vukhume, Nebukadnetsara hosi ya le Babilona a ta ni mavuthu ya yena hinkwawo ku ta hlasela Yerusalema, kutani a rhendzela muti.

Yeremiya 31:10

HOSI Xikwembu xi ri: “N'wina vamatiko, yingisani rito ra mina, huwelelani mahungu ya kona ematikweni ya le kule, mi ku: ‘Loyi a hangalaseke Vaisraele, ú ta tlhela a va hlengeleta; ú ta va hlayisa ku fana ni murisi loyi a hlayisaka ntlhambi wa yena.’

Yeremiya 16:6

Etikweni rero, vanhu lavakulu ni lavatsongo va ta fa enkarhini wun'we; a va nga lahliwi kumbe ku riliwa. Vanhu a va nga byewuli tinhloko kumbe ku tixekelela, ku komba leswaku va le ku rileni.

Yeremiya 6:18

Hikokwalaho yingisani n'wina vamatiko, mi ta tiva leswi nga ta humelela eka vona.

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Yeremiya 4:17

Va ta rhendzela muti wa Yerusalema tanihi varindzi emasin'wini, hikuva vanhu va muti lowu va tiarisile va lwa na mina. Ndzi vula sweswo mina HOSI.

Yeremiya 2:15

Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Esaya 34:1

N'wina vanhu va matiko hinkwawo, tshinelani kusuhi, rhiyani ndleve, mi yingisa! We misava yingisa, ni hinkwaswo leswi nga ka wena, rhiya ndleve we ntumbuluko, ni hinkwaswo leswi hanyaka eka wena.

Yeremiya 1:15

Mina HOSI ndzi le ku vitaneni ka vanhu va matiko hinkwawo ya le n'walungwini. Ndzi vula sweswo mina HOSI. Va ta ta, kutani hosi yin'wana ni yin'wana ya vona yi ta fuma etinyangweni ta muti wa Yerusalema. Va ta rhendzela muti lowu ni rirhangu ra wona, va fuma ni miti hinkwayo leyi nga tikweni ra Yuda.

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Yeremiya 6:19

Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Yeremiya 6:22

HOSI Xikwembu xi ri: “Vonani! Ku ta vanhu hi le n'walungwini; ntshungu lowu wu hlomile matlhari, wu huma evugimamusi.

Yeremiya 6:23

Va khomile vurha ni mafumu; va ni nsele, a va tweli munhu vusiwana. Huwa ya vona yi fana ni lwandle loko ri pfuma; va ta va gadile tihanci, va xaxametile mavuthu ya vona va lava ku ku hlasela, we muti wa Siyoni.”