Yeremiya 4:11 - BIBELE Mahungu Lamanene

¹¹ Enkarhini wolowo, HOSI Xikwembu xi ta tivisa vanhu lava ni va le Yerusalema, xi ku ka vona: “Moya wo hisa wa le mananga wu ta ta, wu huma hi le henhla ka switsunga wu hunga ehenhla ka vanhu va mina. A wu nga vi moya lowutsanana wo hahisa mungu!

Xitsonga (Bibele)

¹¹ Enguveni yoleyo ku ta byeriwa tiko leri na Yerusalema, leswaku moya lowu hisaka wu huma eswitsungeni swa xivandzawulo, wa hungela endleleni ya nhwanyana wu tiko ra mina; ku nga ri ku peperha, ni loko ku ri ku hlungula.

Yeremiya 4:11 Referans Kwoze

Hosiya 13:15

Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Ezekiele 17:10

Hambileswi wu byariweke khale, a wu nga ha hluki, wu ta biwa hi moya wa le vuxeni, kutani wu ta vuna, wu omela kwala wu byariweke kona!”

Luka 3:17

Rihlelo ri le vokweni ra yena; ú ta hlela swinene hinkwaswo leswi nge xivuyeni xa yena a heta: kutani mavele ú ta ma chela enguleni; kambe mungu wona, ú ta wu hisa endzilweni lowu nga timekiki.”

Matewu 3:12

Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Hosiya 13:3

Hikokwalaho, va ta fana ni hunguva nimixo, kumbe mberha leyi hatlisaka ku dzudzeka; va ta fana ni mungu lowu hahisiwaka hi moya exivuyeni, kumbe musi lowu tuvikaka wu huma endlwini.

Ezekiele 19:12

Kambe vanhu va tihanyi va simurile murhi lowu, va wu cukumeta ehansi, wu omisiwa hi moya wa le vuxeni, mihandzu ya wona yi dzudzeka, na wona nsinya wa kona lowukulu wu oma, wu hisiwa hi ndzilo.

Swirilo 4:6

Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

Swirilo 4:3

Timhungubye ti hlayisa vana va tona, ti va mamisa, kambe vanhu va ka hina va ni tihanyi ku fana ni tiyimbhu ta le mananga.

Swirilo 3:48

mahlo ya mina ma halata mihloti onge i nambu, hikwalaho ka ku lovisiwa ka vanhu va ka hina.

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Yeremiya 23:19

Vukari bya HOSI Xikwembu bya vonaka, hi lebyi! Byi fana ni xihuhuri lexi hungaka xi ba lavo homboloka.

Yeremiya 14:17

Xikwembu xi ndzi lerisile ku tivisa vanhu xirilo xa mina lexi nge: Mihloti ya mina yi khuluka yi nga yimi vusiku ni nhlekanhi, hikuva vanhu va ka hina va humeleriwe hi khombo lerikulu, va boxiwe mbanga yo chavisa.

Yeremiya 9:7

Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Esaya 64:6

Hinkwerhu hi fana ni munhu loyi a nga tengangiki, hambi yi ri mintirho ya hina leyo lulama yi fana ni xiambalo lexi nyamisiweke. Hi fana ni matluka lama vuneke, swidyoho swa hina i moya lowu hungaka, wu hi rhwala wu famba na hina.

Esaya 41:16

mi ta swi peperha, moya wu swi hahisa, xihuhuri xi ta swi hangalasa, kutani mi ta kuma ku tsaka eka mina HOSI, mi va mi dzuneka eka mina Muhlawuleki wa Israele.

Esaya 27:8

HOSI Xikwembu a xi va banga ku tlula mpimo, xi lo va yisa evukhumbini, xi va rhwarile hi moya wa xona wa matimba wo fana ni xidzedze xo huma evuxeni.

Esaya 22:4

Hikokwalaho, ndzi kombela leswaku mi nga ndzi languti, ndzi tshikeni ndzi rila hi xiviti, va ka hina va herile, mi nga tikarhati hi ku ndzi khongotela.

Swirilo 4:10

Vamanana lava a va tiviwa va ri ni tintswalo, namuntlha va tiswekela vana va vona, va tlhela va dya, hikuva muti wa ka hina wu hlasele hi ndlala.

Pisalema 11:6

Lavo homboloka, yi va nisela mpfundze ni xivavula, mpandzwa wa vona i moya lowu hisaka.

Yeremiya 4:12

Moya lowu humaka eka mina wu ta va ni matimba ngopfu, hi mina HOSI ndzi nga ta vulavula, ndzi avanyisa vanhu va mina.”

Yeremiya 13:24

Ndzi ta ku hahisa ku fana ni mungu loko ku hunga moya wa le mananga.

Habakuku 1:6

Ndzi yingiseni ke: Ndzi karhi ndza pfuxa Vakalediya, rixaka leri ro leva, ra xihatla. Va handzula mananga ma sala ma hlangana, va ya phangha matiko lama nga riki ya vona.

Habakuku 1:11

Kutani va hundzela emahlweni ku fana ni xihuhuri, va nyamalala. Va ni nandzu vanhu lava; matimba ya vona, va ma endla xikwembu xa vona.”

Hosiya 4:19

Va ta khumbumetiwa hi xihuhuri, magandzelo ya vona ma ta va khomisa tingana.