Yeremiya 4:1 - BIBELE Mahungu Lamanene

¹ HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Xitsonga (Bibele)

¹ “Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.

Yeremiya 4:1 Referans Kwoze

Yuwele 2:12

HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Ezekiele 43:9

Loko Vaisraele va hambana ni vukhongeri bya vona bya hava, ni loko va tshika ku lahla tihosi ta vona kwala Tempeleni, ndzi ta tshama exikarhi ka vona hilaha ku nga heriki.

Yeremiya 25:5

va mi tisela marito ya xona lama nge: ‘Hinkwenu hundzukani sweswi mi tshika mikhuva ya n'wina leyo homboloka, ni swiendlo swa n'wina leswo biha; kutani mi ta tshama hilaha ku nga heriki etikweni leri mina HOSI ndzi mi nyikeke rona, n'wina ni vatata wa n'wina ku sukela khale.

Yeremiya 3:12

Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Genesa 35:2

Hiloko Yakobo a byela va ndyangu wa yena ni hinkwavo lava a a ri na vona a ku: “Cukumetani swikwembu swa vamatiko leswi nga xikarhi ka n'wina, mi tlhela mi tibasisa mi ambala swiambalo swin'wana,

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Hosiya 2:2

“Khongotelani mana wa n'wina, hikuva a nga ha ri nsati wa mina, na mina a ndza ha ri nuna wa yena; n'wi khongoteleni leswaku a hambana ni vunghwavava, a tshika ni timhaka ta vugangu;

2 TIKRONIKA 33:8

Naswona, loko Vaisraele va ndzi yingisa hi xichavo ni loko va hanya hi swileriso swa mina hinkwaswo, va hlayisa milawu ni swiletelo leswi ndzi va leriseke swona hi nomo wa Muxe, ndzi nga ka ndzi nga va tsendzelekisi va ya kule ni tiko leri ndzi ri nyikeke vatata wa vona.”

2 TIKRONIKA 15:8

Loko Asa a kuma marito lama vuriweke hi muprofeta wa ka Odede, a titwa a tiyile, kutani a susa swifaniso swa manyala swa swikwembu swimbe etikweni hinkwaro ra Yuda ni ra Benjamini, ni le mitini leyi a a yi tekile emagangeni ya Efrayimi; naswona a aka hi vuntshwa alitari ya HOSI Xikwembu leyi langutanaka ni rikupakupa ra Tempele.

2 TIHOSI 23:24

Naswona, Yosiyasi a herisa lava vhumbhaka, ni lava hlahluvaka, ni swifaniso swa swikwembu swa ndyangu kumbe swa swikwembu swimbe, a herisa ni swilo swa manyala hinkwaswo leswi a swi vonaka etikweni ra Yuda ni le mutini wa Yerusalema, ku ri ku tiyisa marito ya Nawu lama tsariweke ebukwini leyi muprista Hilkiya a yi kumeke endlwini ya HOSI Xikwembu.

2 TIHOSI 23:13

Yosiyasi a nyamisa switsunga leswo hlawuleka leswi a swi lulamisiwile hi Solomoni hosi ya Israele; a swi ri evuxeni bya muti wa Yerusalema, edzongeni ra Ntshava ya Mitlhwari, swi lulamiseriwile vugandzeri bya ndzhukano bya Astarte, xikwembukazi xa Vasidoni, ni bya Kemoxi xikwembu xa le Mowabu, ni vugandzeri bya manyala bya Milikomo xikwembu xa Vaamori.

1 SAMIELE 7:3

Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

Vaavanyisi 10:16

Hiloko Vaisraele va cukumeta swikwembu swa vamatiko leswi a swi ri exikarhi ka vona, kutani va tirhela HOSI Xikwembu. Hiloko HOSI Xikwembu xi vavisekela Vaisraele hikwalaho ka maxangu ya vona.

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.

Ezekiele 18:13

loko a lombisa mali, ú lava ntswalo wa yona, a bindzula ha yona. Xana munhu wo tano a nga kuma ku hanya xana? E-e, a nge hanyi, ú ta fa hakunene, hikuva ú endlile swilo leswi hinkwaswo swa manyala; rifu ra yena, ú ta va a lo tivangela yena n'winyi.

Ezekiele 11:18

Loko va fika etikweni rero, va ta susa swilo hinkwaswo leswo nyangatsa swa manyala leswi endliwaka eka rona.

Yeremiya 36:3

Kumbexana va ka Yuda va nga hundzuka loko va twa makhombo lawa ndzi lavaka ku va vangela wona, kutani mina ndzi ta va rivalela swidyoho swa vona ni ku homboloka ka vona.”

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Yeremiya 15:4

Vanhu lava, ndzi ta va hundzula xihlambanyiso lexo chavisa emahlweni ka vanhu va matiko hinkwawo, hikwalaho ka leswi Manase n'wana Hezekiya hosi ya Yuda a swi endleke eYerusalema.”

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Yeremiya 3:14

HOSI Xikwembu xi ri: “N'wina vanhu va mina vo ka va nga tshembeki, vuyani, hikuva ndzi N'wini wa n'wina. Emutini wun'wana ni wun'wana ndzi ta hlawula munhu un'we, ni ka nyimba yin'wana ni yin'wana ndzi ta hlawula vambirhi, kutani ndzi ta mi tlherisela emutini wa Siyoni.

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

Duteronoma 27:15

“ ‘A a rhukaniwe, munhu loyi a tivatlelaka kumbe ku tivumbela xifaniso xa xikwembu a xi gandzela exihundleni, kasi i xilo lexi a xi endleke hi mavoko ya yena, lexi vengiwaka hi HOSI Xikwembu.’ Kutani Vaisraele hinkwavo va ta hlamula va ku: ‘Amen!’

Duteronoma 4:30

Loko mi sungula ku xaniseka, ni loko timhaka leti hinkwato ti mi humelela enkarhini lowu taka, mi ta tlhelela eka HOSI Xikwembu xa n'wina, mi xi yingisa;

Yeremiya 7:3

“Mina HOSI ya matimba hinkwawo, Xikwembu xa Israele, ndzi ri: Lulamisani mahanyelo ya n'wina mi tshika ni mintirho ya n'wina leyo biha, kutani ndzi ta mi tshamisisa endhawini leyi.

Yeremiya 7:5

A hi swona! Rhangani mi lulamisa mahanyelo ya n'wina mi tshika ni mintirho ya n'wina leyo biha. Loko ku ri ni timhaka exikarhi ka n'wina, ti avanyiseni hi ku lulama.

Yeremiya 7:7

Kutani hi kona ndzi nga ta mi tshamisisa endhawini leyi, etikweni leri ndzi ri nyikeke vatata wa n'wina khale leswaku ri va ra vona hilaha ku nga heriki.

Yeremiya 15:19

HOSI Xikwembu xi ndzi hlamula xi ku: “Loko u vuyela eka mina, ndzi ta tlhela ndzi ku amukela, kutani u ta ya emahlweni u ndzi tirhela. Loko u vulavula leswi twalaka, u tshika ku jamuka, wa ha ta va nomo wa mina. Vanhu va ta vuyela eka wena, a hi wena u nga ta ya eka vona.

Yeremiya 18:11

Hikokwalaho we Yeremiya, byela vanhu va ka Yuda ni vaaki va Yerusalema marito ya mina lama nge: ‘Yingisani, ndzi le ku vumbeni ka makhombo lawa ndzi nga ta mi ba ha wona; ndzi le ku boheni ka makungu ya kona. Hundzukani hinkwenu mi tshika mahanyelo ya n'wina layo biha, mi lulamisa tindlela leti mi hanyaka ha tona!’

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

2 TIKRONIKA 34:33

Kutani Yosiyasi a herisa swilo hinkwaswo swa manyala leswi a swi ri etikweni hinkwaro ra Israele, a lerisa vaaki hinkwavo va tiko ku gandzela HOSI Xikwembu xa vona. Loko Yosiyasi a ha hanya, Vaisraele a va tshikanga ku famba etindleleni ta HOSI, Xikwembu xa vakokwa wa vona.