Yeremiya 39:6 - BIBELE Mahungu Lamanene

⁶ A lerisa leswaku vana va Sedekiyasi va dlayiwa emahlweni ka tata wa vona kwale Ribila, ku dlayiwa ni varhangeri hinkwavo va tiko ra Yuda.

Xitsonga (Bibele)

⁶ Hosi ya Babilona yi dlaya vana va Sedekiyasi emahlweni ka yena eRibila; ni vakulukumba hinkwavo va Yuda, hosi ya Babilona yi va dlaya.

Yeremiya 39:6 Referans Kwoze

Yeremiya 52:10

Hosi ya Babilona yi lerisa leswaku vana va Sedekiyasi va tsemiwa minkolo, yena Sedekiyasi a ri karhi a swi vona, ku dlayiwa ni varhangeri hinkwavo va tiko ra Yuda, kwale Ribila.

Yeremiya 21:7

Mina HOSI ndzi ri, endzhaku ka sweswo ndzi ta tshika Sedekiyasi hosi ya Yuda, ni malandza ya yena, ni vaaki va muti, va nga hinkwavo lava poneke ku dlawa hi mintungu ni matlhari ni tindlala, kutani va ta wela emavokweni ya Nebukadnetsara hosi ya Babilona. Ndzi ta va nyiketa eka valala va vona, lava tiyimiseleke ku va vangela rifu. Kutani valala lava va ta herisa va le Yerusalema hi matlhari, va nga va tweli vusiwana kumbe ku va tsetselela; va ta va dlaya hinkwavo.’ ”

2 TIHOSI 25:7

Va tsema minkolo ya vana va Sedekiyasi a ri karhi a swi vona, kutani va n'wi boxa mahlo, va n'wi boha milenge hi tinketani, va n'wi yisa eBabilona.

Duteronoma 28:34

mi kondza mi hlangana tinhloko hikwalaho ka maxangu lawa mi nga ta va mi ri karhi mi kombiwa wona.

Esaya 13:16

Swihlangi swa vona swi ta phyandlaseriwa va ri karhi va swi vona, leswi nga tindlwini ta vona swi ta phangheteriwa, vasati va vona va ta pfinyeteriwa.”

Estere 8:6

Xana ndzi nga tiya hi ndlela yihi, loko ndzi vona khombo leri lavaka ku humelela varikwerhu, xana? Kumbe ndzi nga tiyiserisa ku yini ku vona maxaka ya mina ma lovisiwa, xana?”

2 TIKRONIKA 34:28

Ndzi ta pfumela leswaku u tietlelela ku fana ni vakokwa wa wena, u latiwa hi ku rhula esirheni ra wena; u nga ka u nga voni makhombo hinkwawo lawa ndzi nga ta ma vangela ndhawu leyi ni vaaki va yona.’ ” Hiloko varhumiwa va tlhelela eka hosi Yosiyasi ni mahungu wolawo.

2 TIHOSI 22:20

Vona, ndzi ta pfumela leswaku u tietlelela ku fana ni vakokwa wa wena, u latiwa hi ku rhula esirheni ra wena; u nga ka u nga voni makhombo hinkwawo lawa ndzi nga ta ma vangela ndhawu leyi.’ ” Hiloko va tlhelela eka hosi Yosiyasi ni mahungu wolawo.

Genesa 44:34

Mina ndzi nga ka ndzi nga swi koti ku tlhelela eka tatana, loko ndzi nga ri na yena mufana loyi. Ndza chava ku vona tatana a ri karhi a xaniseka.”

Genesa 21:16

Kutani a suka laha a ku ri na n'wana a famba mpfhukanyana, a ya fika a tshama ehansi, hikuva a a ku: “A ndzi lavi ku vona ku fa ka n'wananga.” Kuteloko Hagara a ri kwale kule, n'wana a sungula ku rila.

Esaya 34:12

A ku nga ha vi na loyi a nga ta vekiwa ku va hosi etikweni leri, varhangeri hinkwavo va ta nyamalala.

Yeremiya 20:4

HOSI Xikwembu xi ri: ‘Ndzi ta ku endla Muchavisi, u tichavisa wena n'wini, u chavisa ni vanghana va wena hinkwavo. Valala va ta va dlaya hi matlhari emahlweni ka wena. Vanhu hinkwavo va tiko ra Yuda, ndzi ta va nyiketa emavokweni ya hosi ya Babilona, kutani yona yi ta va yisa evukhumbini eBabilona, yi va herisa hi matlhari.

Yeremiya 34:3

Wena Sedekiyasi u nga ka u nga chupuki emavokweni ya hosi ya Babilona; hakunene u ta khomiwa, u nyiketiwa eka yona; yi ta ku tengisa hi yoxe, yi ku langutile. Kutani u ta yisiwa eBabilona.

Yeremiya 38:23

Yeremiya a engeta a ku ka Sedekiyasi: “Vasati va wena ni vana va wena va xinuna na vona va ta humesiwa emutini va yisiwa eka Vakalediya. Loko u ri wena, u nga ka u nga poni emavokweni ya vona: Hosi ya le Babilona yi ta ku khoma, kutani muti wa Yerusalema wu ta hisiwa.”

Ezekiele 23:24

Va ta ta hi le n'walungwini ku ta lwa na wena, va ri ni makalichi ya nyimpi ni tigolonyi ni masocha layo tala; va ta ta va khomile switlhangu leswikulu ni leswitsongo, va ambarile ni swihuku, kutani va ta ku hlasela hi matlhelo hinkwawo. Ndzi ta ku nyiketa emavokweni ya vona, kutani vona va ta ku avanyisa hi ku landza mikhuva ya ka vona.

Ezekiele 24:5

Sweka nyama leyi ya xifuwo lexi noneke; hlanganyeta tihunyi ehansi ka mbita, u virisa mati, ma kaluma, ma vupfisa nyama ni marhambu.’ ”

Sofoniya 1:8

Hi siku ra magandzelo ya kona, HOSI Xikwembu xi ri: “Ndzi ta ba tindhuna ni vana va tihosi, ni hinkwavo lava tekelelaka mikhuva ya vanhu vambe.