Yeremiya 39:5 - BIBELE Mahungu Lamanene

⁵ Kambe mavuthu ya Vakalediya ma va hlongorisa, ma ya kuma Sedekiyasi erivaleni ra Yeriko. Loko Vakalediya va n'wi khomile, va n'wi yisa eka Nebukadnetsara hosi ya le Babilona, loyi a a ri eRibila etikweni ra Hamata, kutani Nebukadnetsara a n'wi vona nandzu.

Xitsonga (Bibele)

⁵ Kambe nyimpi ya Vakalediya yi va landza, yi kuma Sedekiyasi emananga ya Yeriko. Va n'wi khoma, va n'wi tisa eka Nebukadnetsara, hosi ya Babilona eRibila, etikweni ra Hamata a avanyisiwa kona.

Yeremiya 39:5 Referans Kwoze

2 TIHOSI 23:33

Faro Neko a boha Yowahazi hi tinketani eRibila etikweni ra Hamata, leswaku a nga ha fumi eYerusalema. Neko a sindzisa tiko ku humesa ndzuvo wa silivhere yo tika ku tlula tithani ta 4, ni wa nsuku wo tika ku tlula 40 kg.

Yoxuwa 5:10

Vaisraele va endlile nkhuvo wa Paseka erivaleni ra Yeriko, hi minkarhi ya madyambu hi siku ra vu-14 ra n'hweti leyi a va govile eGiligala.

Yeremiya 38:23

Yeremiya a engeta a ku ka Sedekiyasi: “Vasati va wena ni vana va wena va xinuna na vona va ta humesiwa emutini va yisiwa eka Vakalediya. Loko u ri wena, u nga ka u nga poni emavokweni ya vona: Hosi ya le Babilona yi ta ku khoma, kutani muti wa Yerusalema wu ta hisiwa.”

Yeremiya 38:18

Kambe loko u ala ku ya tinyiketa eka tindhuna ta hosi ya le Babilona, muti wa Yerusalema wu ta wela emavokweni ya Vakalediya; va ta wu hisa, kutani na wena a wu nga phonyoki emavokweni ya vona.”

Yoxuwa 4:13

Lava hundzeke emahlweni ka HOSI Xikwembu va kongoma erivaleni ra Yeriko va hlomile matlhari va tiyimiserile ku lwa nyimpi, a va ri kwalomu ka 40 000.

Swirilo 4:20

Muhlawuriwa wa HOSI Xikwembu, yena mufambisi wa hina, va n'wi khomile ku fana ni xiharhi lexi weleke ekheleni, kasi a hi languterile leswaku ú ta hi sirhelela exikarhi ka vamatiko.

Swirilo 1:3

Yuda ú yisiwile evukhumbini, emaxangwini ni le ku vavisekeni lokukulu; sweswi ú hanya exikarhi ka vamatiko, a nga kumi laha a nga tshamisekaka kona; lava va n'wi hlongorisaka, va n'wi kumile, a nga ha koti ku phonyoka.

Yeremiya 4:12

Moya lowu humaka eka mina wu ta va ni matimba ngopfu, hi mina HOSI ndzi nga ta vulavula, ndzi avanyisa vanhu va mina.”

2 TIKRONIKA 33:11

Hikokwalaho HOSI Xikwembu xi rhuma tindhuna ta Vaasiriya ni mavuthu ya tona, va hlasela tiko ra Yuda, va khoma Manase, va n'wi hulela muhalo, va n'wi yisa eBabilona a bohiwile hi tinketani.

2 TIHOSI 25:6

Vakalediya va khoma hosi Sedekiyasi, va n'wi yisa eka hosi ya Babilona eRibila, kutani yona yi n'wi vona nandzu.

2 TIHOSI 17:24

Hosi ya le Asiriya yi tisa vanhu vo huma hi le Babilona, ni le Kuta, ni le Avha, ni le Hamata, ni le Safari-Vhayimi, yi va veka emitini ya tiko ra Samariya, etindhawini ta vanhu va Israele. Kutani vanhu lava va teka tiko ra Samariya, va tshama emitini ya rona.

2 SAMIELE 8:9

Loko Toyi hosi ya le Hamata a twa leswaku Davhida ú hlurile mavuthu hinkwawo ya Hadadi-Ezere,

Vaavanyisi 3:3

Vamatiko va kona hi lava: Tihosi ta ntlhanu ta Vafilista, ni Vakanana hinkwavo, ni Vasidoni, ni Vahivhi lava akeke etintshaveni ta Lebanoni, ku sukela entshaveni ya Baala-Herimoni, ku ya fika exiphandzeni xa Hamata.

Yoxuwa 13:5

ni tiko ra Vagebali, ni ndhawu hinkwayo ya Lebanoni hi tlhelo ra le vuxeni, ku sukela eBaali-Gadi ehansi ka ntshava ya Hermoni, ku ya fika exiphandzeni xa Hamata.

Tinhlayo 13:21

Kutani va suka va famba va ya valanga tiko ku sukela emananga ya Sini ku ya fikela eRehobo, kusuhi ni xiphandze xa Hamata.

Yeremiya 21:7

Mina HOSI ndzi ri, endzhaku ka sweswo ndzi ta tshika Sedekiyasi hosi ya Yuda, ni malandza ya yena, ni vaaki va muti, va nga hinkwavo lava poneke ku dlawa hi mintungu ni matlhari ni tindlala, kutani va ta wela emavokweni ya Nebukadnetsara hosi ya Babilona. Ndzi ta va nyiketa eka valala va vona, lava tiyimiseleke ku va vangela rifu. Kutani valala lava va ta herisa va le Yerusalema hi matlhari, va nga va tweli vusiwana kumbe ku va tsetselela; va ta va dlaya hinkwavo.’ ”

Yeremiya 24:8

“Kambe loko a ri Sedekiyasi hosi ya Yuda ni tindhuna ta yena ni vanhu va Yerusalema lava saleke etikweni leri, swin'we ni lava balekeke va ya tshama etikweni ra Egipta, mina HOSI ndzi ri, ndzi ta va cukumeta ku fana ni makuwa lama boleke lama nga dyiwiki hi munhu.

Yeremiya 44:30

Sedekiyasi hosi ya Yuda, ndzi n'wi nyiketile emavokweni ya Nebukadnetsara hosi ya Babilona loyi a a ri nala wa yena, naswona a lava ku n'wi dlaya. Hi mukhuva wolowo, ndzi ta nyiketa Faro Hofira hosi ya Egipta emavokweni ya valala va yena lava lavaka ku n'wi dlaya. Ndzi vurisa sweswo mina HOSI!’ ”

Yeremiya 49:23

Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

Ezekiele 23:24

Va ta ta hi le n'walungwini ku ta lwa na wena, va ri ni makalichi ya nyimpi ni tigolonyi ni masocha layo tala; va ta ta va khomile switlhangu leswikulu ni leswitsongo, va ambarile ni swihuku, kutani va ta ku hlasela hi matlhelo hinkwawo. Ndzi ta ku nyiketa emavokweni ya vona, kutani vona va ta ku avanyisa hi ku landza mikhuva ya ka vona.

Habakuku 1:7

Vanhu lava va chavisa hakunene, va tshukisa ngopfu. Va avanyisa timhaka ni ku fambisa vuhosi bya vona va nga vutisanga munhu.

Esaya 22:3

Varhangeri va n'wina hinkwavo lava a va baleke swin'we, va lo khomiwa kunene, a va copiwanga hi nseve; hinkwavo va ka n'wina lava kumiweke, va khomiwile, hambileswi a va tsutsumele kule.