Yeremiya 39:4 - BIBELE Mahungu Lamanene

⁴ Loko Sedekiyasi hosi ya Yuda ni masocha ya yena hinkwawo va vona leswi humelelaka, va baleka nivusiku hi ndlela leyi hundzaka hi le ntangeni wa hosi, va huma emutini hi nyangwa leyi nga xikarhi ka makhumbi mambirhi, kutani va tsutsuma va kongomile enkoveni wa Yordani.

Xitsonga (Bibele)

⁴ Kuteloko Sedekiyasi, hosi ya Yuda ni tinhenha hinkwato va va vona, va tsutsuma, va huma emutini ni vusiku hi gondzo ra ntanga wa hosi, hi nyangwa ya le xikarhi ka marhangu mambirhi, va huma hi ndlela ya rivala.

Yeremiya 39:4 Referans Kwoze

Amosi 2:14

Lava nga ni rivilo, va nge kumi nkarhi wo tsutsuma, ni lava nga ni matimba, va ta heleriwa ha wona; hambi yi ri nhenha, yi nga ka yi nga tiponisi.

2 TIKRONIKA 32:5

Hezekiya a nghena hi matimba entirhweni wa ku pfuxa rirhangu ra muti hinkwako laha a ri wile kona, a aka ni swihondzo ehenhla ka rona, kutani a aka rirhangu ra vumbirhi ri rhendzela lero sungula, a tiyisa muti wa Davhida laha va nge hi le “Milo”; naswona a tilavela matlhari layo tala ni switlhangu leswo tala.

Ezekiele 12:12

Hosi ya Yerusalema yi ta huma emutini yi pakatsile nhundzu emakatleni, yi tifambela nivusiku, yi huma hi mbhovo leyi va yi boxeke ekhumbini; murhangeri loyi ú ta famba a tisivile mahlo, a nga voni laha a yaka kona.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Esaya 22:11

Exikarhi ka makhumbi mambirhi ya rirhangu, mi cerile khele ro hlayisa mati lama humaka eka Xihlovo-xa-Khale. Kambe a mi vulanga nchumu hi Xikwembu lexi endleke leswaku swilo leswi hinkwaswo swi va kona; a mi tsundzukanga leswaku makungu ya kona xi ma endlile khale.

Yeremiya 32:4

Sedekiyasi hosi ya Yuda a nga ka a nga chupuki emavokweni ya Vakalediya; hakunene ú ta nyiketiwa eka hosi ya Babilona, a yisiwa emahlweni ka yona, yi n'wi tengisa hi yoxe.

Ezekiele 12:4

U ta sungula hi ku humesa nhundzu ya wena ninhlekanhi vanhu va ri karhi va swi vona, onge hiloko u yisiwa evukhumbini, kutani nimadyambu u ta suka va ri karhi va ku vona, u engeta u tifananisa ni vanhu lava yisiwaka evukhumbini.

Esaya 22:3

Varhangeri va n'wina hinkwavo lava a va baleke swin'we, va lo khomiwa kunene, a va copiwanga hi nseve; hinkwavo va ka n'wina lava kumiweke, va khomiwile, hambileswi a va tsutsumele kule.

Esaya 29:2

kutani mina HOSI, ndzi ta vangela muti wa Ariele emaxangu, eka wona, ku ta twala nkosi ni swirilo ntsena, muti lowu, ndzi ta wu endla “Ariele” hakunene.

Yeremiya 32:5

Kutani Nebukadnetsara ú ta famba na Sedekiyasi le Babilona. Sedekiyasi ú ta tshama kona ku kondza ndzi n'wi avanyisa. Ndzi vula sweswo mina HOSI. Hakunene, loko mi lwa ni Vakalediya, va ta mi hlula.”