Yeremiya 39:3 - BIBELE Mahungu Lamanene

³ kutani tindhuna hinkwato ta hosi ya le Babilona ti nghena, ti ya tshama kusuhi ni Nyangwa-ya-le-Xikarhi; a ku ri na Nergala-Sarezere, na Samigara-Nebo, na Sari-Sekimi ndhunankulu, na Nergala-Sarezere lowa xandla xa hosi, ni tindhuna tin'wana hinkwato ta hosi ya le Babilona.

Xitsonga (Bibele)

³ Tindhuna hinkwato ta hosi ya Babilona ti ta yima enyangweni ya le xikarhi, a nga Nergala-Sarezere na Samigara-Nebo, na Sari-Sekimi, ndhuna ya valanguteri, Nergala-Sarezere, ndhuna ya lavo tlhariha, ni tindhuna tin'wana hinkwato ta hosi ya Babilona.

Yeremiya 39:3 Referans Kwoze

Yeremiya 38:17

Kutani Yeremiya a ku ka Sedekiyasi: “HOSI Xikwembu xa matimba hinkwawo, xona Xikwembu xa Israele, xi vula leswaku loko u huma eYerusalema u ya tinyiketa eka tindhuna ta hosi ya le Babilona, u ta ponisa vutomi bya wena, na wona muti lowu a wu nga hisiwi; u ta pona wena ni ndyangu wa wena hinkwawo.

Yeremiya 21:4

marito ya HOSI Xikwembu xa Israele lawa ya nge: ‘Yingisani! Mavuthu ya n'wina lama lwaka ni hosi ya Babilona ni Vakalediya, ma karhi ma susumetiwa hi valala emahlweni ka rirhangu ra muti. Mavuthu lawa ndzi ta ma sindzisa ku tsutsuma ma fularhela valala, ma vuyela emutini.

Yeremiya 39:13

Hiloko Nebuzaradani ndhuna ya vasirheleri, na Nebuxazibani ndhunankulu, na Nergala-Sarezere xandla xa hosi, ni tindhuna tin'wana hinkwato ta hosi ya le Babilona

Yeremiya 1:15

Mina HOSI ndzi le ku vitaneni ka vanhu va matiko hinkwawo ya le n'walungwini. Ndzi vula sweswo mina HOSI. Va ta ta, kutani hosi yin'wana ni yin'wana ya vona yi ta fuma etinyangweni ta muti wa Yerusalema. Va ta rhendzela muti lowu ni rirhangu ra wona, va fuma ni miti hinkwayo leyi nga tikweni ra Yuda.

2 TIHOSI 17:30

Vanhu lava humeke hi le Babilona va fika va vatla swifaniso swa Sukoti-Benoti, va le Kuta va vatla swa Nergala, ni va le Hamata va vatla swa Axima.

Ezekiele 26:10

Ritshuri leri pfuxiwaka hi tihanci leto tala ta Nebukadnetsara ri ta ku funengeta; huwa ya vagadi ni vuntswikiri-ntswikiri bya mavhilwa ya makalichi swi ta ninginisa rirhangu ra wena; va ta nghena hi tinyangwa ta wena, ku fana ni loko ku ngheniwa emutini lowu hlaseriweke khale.