Yeremiya 39:16 - BIBELE Mahungu Lamanene

¹⁶ “Yana u ya tivisa Ebede-Meleke lowa Muetiyopiya leswaku ndzi ni mahungu na yena, mina HOSI ya matimba hinkwawo Xikwembu xa Israele. Mahungu ya kona hi lama nge: ‘Yingisa wena Ebede-Meleke, ndzi ta hetisa leswi ndzi swi vuleke ehenhla ka muti lowu wa Yerusalema; ndzi ta wu ba, ku nga ri ku wu katekisa, kutani ku biwa loku ku ta endliwa sweswi-sweswi, u ri karhi u swi vona hi mahlo.

Xitsonga (Bibele)

¹⁶ “Famba u ya byela Ebede-Meleke, Muetiyopiya, u ku: ‘Ku vula Yehovha wa mavandla, Xikwembu xa Israele: Vona, ndzi endlakarisa marito ya mina ehenhla ka muti lowo hi ku biha, byi nga ri vunene, ma ta endlakala emahlweni ka wena siku ro karhi.

Yeremiya 39:16 Referans Kwoze

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Zakariya 1:6

Kambe marito ni swileriso swa mina leswi ndzi swi rhwexeke vaprofeta, malandza ya mina, swi khumbile timbilu ta vatata wa n'wina. “Hikokwalaho, va hundzukile va ku: ‘HOSI Xikwembu xa matimba hinkwawo xi hetisisile makungu ya xona evutomini bya hina; xi hi bile hikwalaho ka swidyoho swa hina!’ ”

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Yeremiya 36:31

Ndzi ta ba Yoyakimi ni vana va yena ni malandza ya yena, hikwalaho ka swidyoho swa vona. Makhombo hinkwawo lawa ndzi ma vuleke ehenhla ka vona, ni le henhla ka vaaki va Yerusalema ni vanhu va ka Yuda, ndzi ta va vangela wona hikuva a va ndzi yingisanga.”

Yeremiya 35:17

Hikokwalaho mina HOSI ya matimba hinkwawo, Xikwembu xa Israele, ndzi vurisa sweswo ndzi ri, tiko ra Yuda ni vaaki hinkwavo va muti wa Yerusalema, ndzi ta va vangela makhombo hinkwawo lawa ndzi ma vuleke, hikuva ndzi vulavurile na vona kambe a va yingisanga; ndzi va vitanile kambe a va ndzi hlamulanga.”

Yeremiya 34:22

Mina HOSI ndzi ta lerisa leswaku va le Babilona va tlhela va vuya emutini lowu, kutani va ta wu hlasela va wu teka, kutani va wu hisa. Miti ya Yuda yi ta hundzuka marhumbi, ku nga ha tshami munhu eka yona.”

Yeremiya 26:20

Ku vile ni muprofeta un'wana, loyi a va ku i Uriya n'wana Xemaya wa muti wa Kiriyata-Yeyarimi; ú vulavurile hi vito ra HOSI Xikwembu, a tshinya Yerusalema ni tiko ra Yuda hi marito lama fanaka swinene ni ya Yeremiya.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 26:15

Kambe tivani leswaku loko mi ndzi dlaya, mi ta va mi halatile ngati leyi nga riki na nandzu, kutani hi n'wina ni vaaki va muti lowu lava mi nga ta va ni nandzu, hikuva loyi a ndzi rhumeke ku mi byela marito hinkwawo lawa mi ma tweke, i HOSI Xikwembu hi xiviri xa xona.”

Yeremiya 5:14

Hikokwalaho HOSI Xikwembu xa matimba hinkwawo xi ku ka Yeremiya: “Leswi Vaisraele va vulavulaka hi ndlela leyi, marito ya mina ma ta huma enon'weni wa wena ma fana ni ndzilo, kutani vanhu lava ndzi ta va endla tihunyi, ndzilo wa kona wu va hisa va hela.”

Pisalema 92:11

Valala va mina, ndzi va langutela hansi; makungu ya lavo biha lava va ndzi hlaselaka, a ndzi ma chavi ni loko ndzi nga ma twa hi tindleve ta mina.

2 TIKRONIKA 36:21

a ku ri kona ku hetiseka ka marito ya HOSI Xikwembu lawa xi ma vuleke hi nomo wa muprofeta Yeremiya, lama nge: “Tiko ri ta hundzuka mananga ku ringana malembe ya 70, masimu ma hundzuka mafusi, ku siva malembe hinkwawo ya Savata lawa ma nga hlayisiwangiki.”

Yeremiya 44:27

Vanhu lava, ndzi ta hatla ndzi va vangela makhombo, ematshan'wini ya ku va katekisa. Vavanuna hinkwavo va ka Yuda lava nga tikweni ra Egipta, va ta dlawa hi matlhari ni tindlala va kondza va hela.

Amosi 9:4

Hambiloko vo tinyiketela ku yisiwa hi valala evukhumbini, ndzi ta lerisa leswaku va dlayeteriwa kwale hi fumu; ndzi ta veka tihlo ehenhla ka vona, ku nga ri ku va hlayisa, kambe ku va herisa.”

Yeremiya 40:3

Kutani xi endlile hilaha xi vuleke hakona. Swilo leswi, n'wina mi lo tivangela, hikuva mi dyoherile HOSI Xikwembu, mi ala ku yingisa marito ya xona.