Yeremiya 34:9 - BIBELE Mahungu Lamanene

⁹ Hinkwavo a va tibohile ku ntshunxa mahlonga ya vona ya xinuna ni ya xisati lama nga Vaheveru-kulobye, ni ku vona leswaku ku nga tshuki ku va ni munhu ni un'we wa tiko ra Yuda loyi a endliwaka hlonga hi warikwavo.

Xitsonga (Bibele)

⁹ un'wana ni un'wana a tshunxa nandza wa yena wa xinuna kumbe wa xisati, va nga Vaheveru va xinuna ni va xisati, leswaku va tifambela, leswaku ku nga tshuki ku va ni Muyuda la fuwaka makwavo.

Yeremiya 34:9 Referans Kwoze

Vafilipiya 3:5

Ndzi yimbisiwile ndza ha ri n'wana wa masiku ya 8 ntsena; ndzi wa rixaka ra Israele, wa nyimba ya Benjamini; ndzi Muheveru n'wana wa Vaheveru; hi tlhelo ra ku hlayisa Nawu, a ndzi ri Mufarisi;

2 Vakorinto 11:22

Xana i Vaheveru? Na mina ndzi Muheveru. Xana i Vaisraele? Na mina ndzi Muisraele. Xana i vatukulu va Abrahama? Na mina ndzi ntukulu wa yena.

1 Vakorinto 6:8

Kasi hi n'wina mi dyohelaka van'wana, hi n'wina mi va dyelelaka, kutani sweswo mi swi endla ni le ka vamakwenu eHosini!

Yeremiya 34:10

Kutani varhangeri hinkwavo ni vaaki hinkwavo va Yerusalema va rhange va hlayisa ku tiboha ka vona, va ntshunxa mahlonga ya vona ya xinuna ni ya xisati, va ma humesa evuhlongeni.

Yeremiya 30:8

“Mina HOSI ya matimba hinkwawo ndzi ri, enkarhini wolowo ndzi ta tshova majoko lama nga tinhan'wini ta vona, ndzi tsema ni tintambhu leti ti va boheke, kutani vamatiko va ta tshika ku va endla mahlonga.

Yeremiya 27:7

Vanhu va matiko hinkwawo va ta n'wi tirhela, yena ni vana va yena ni vatukulu va yena, ku kondza ku fika nkarhi wa ku biwa ka tiko ra yena, kutani ri ta fumiwa hi tinxaka tin'wana leto tala ni tihosi tin'wana ta matimba.

Yeremiya 25:14

Vanhu lava na vona va ta hundzuka mahlonga ya matiko man'wana ni ya tihosi tin'wana leta matimba. Ndzi ta va ba hikwalaho ka mintirho ya vona ni swifaniso swa swikwembu leswi va nga tiendlela swona.”

1 SAMIELE 14:11

Kutani ha vumbirhi bya vona va tikomba eka vuthu ra Vafilista; vona va va hlekula va ku: “Langutani Vaheveru, hi lavaya va humaka emabakweni lomu a va tumberile kona.”

1 SAMIELE 4:9

Pfukani mi tiya n'wina Vafilista, mi tikomba leswaku mi vavanuna. Loko swi nga ri tano, mi ta hundzuka mahlonga ya Vaheveru, mi va tirhela tani hi leswi na vona va nga va mahlonga ya hina va hi tirhela. Tikombeni leswaku mi vavanuna, mi lwa swinene!”

1 SAMIELE 4:6

Vafilista va twa huwa leyi ya ntsako, kutani va vutisana va ku: “Huwa leyikulu leyi twalaka emixaxeni va Vaheveru, xana yi nga va yi ri ya yini ke?” Kutani loko va twa leswaku Areka ya HOSI yi fikile emixaxeni,

Duteronoma 15:12

“Loko u xaviseriwa Muheveru wa ka n'wina, wa xinuna kumbe wa xisati, ú ta ku tirhela malembe ya 6, kutani hi lembe ra vu-7, n'wi ntshunxe a tifambela.

Eksoda 3:18

Vakulukumba va Israele va ta pfumela leswi u nga ta va byela swona, kutani va ta ya na wena eka hosi ya Egipta, mi ku ka yona: ‘HOSI Xikwembu, xi nga Xikwembu xa Vaheveru, xi tikombile eka hina, kutani sweswi hi kombela ku teka riendzo ra masiku manharhu, hi ya emananga hi ya humesela HOSI Xikwembu xa hina emagandzelo.’

Eksoda 2:6

Loko a xi funungula, a vona xihlangi xa mufana; xihlangi lexi a xi ri karhi xi rila, kutani n'wana Faro a xi twela vusiwana, a ku: “Loyi hi un'wana wa vana va Vaheveru!”

Genesa 40:15

Etikweni ra Vaheveru, a ndzi sukanga hi ku swi lava, kambe ndzi lo yiviwa kunene; kasi na kona kwala, ndzi lo pfaleleriwa xilo lexi ndzi nga xi endlangiki.”

Genesa 14:13

Munhu un'wana loyi a poneke enyimpini, ú yile a ya byela Abrama lowa Muheveru leswi humeleleke. Abrama a a tshama eminkuhlwini ya ka Mamre lowa Muamori, makwavo wa Exikolo na Anere, lava a va yima na Abrama.