Yeremiya 34:8 - BIBELE Mahungu Lamanene

⁸ Rito ra HOSI Xikwembu ri tlhela ri ta eka Yeremiya. Enkarhini wolowo, hosi Sedekiyasi a a twananile ni vaaki hinkwavo va Yerusalema leswaku va ta ntshunxa mahlonga ya vona, va ma tivisa leswaku vuhlonga byi herile.

Xitsonga (Bibele)

⁸ Rito ri hume eka Yehovha, ri ta eka Yeremiya, loko hosi Sedekiyasi a endle ntwanano ni tiko hinkwaro leri nge Yerusalema, leswaku va vula mfanelo yoleyo:

Yeremiya 34:8 Referans Kwoze

Levhitika 25:10

Hi ndlela leyi, mi ta hlawulekisa lembe ra vu-50, mi tivisa vaaki hinkwavo va tiko leswaku va kumile ku ntshunxeka; ri ta va lembe leri vuriwaka ‘ra Jubili’, leri un'wana ni un'wana a nga ta tlhela a kuma masimu lawa a ma ri ya yena khale, a pfumeleriwa ni ku tlhelela endyangwini wa ka vona.

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.

2 TIHOSI 11:17

Kutani Yoyada a endla ntwanano exikarhi ka HOSI Xikwembu ni hosi Yowasi, swin'we ni vanhu va yena leswaku va va vanhu va HOSI Xikwembu; naswona a endla ntwanano exikarhi ka hosi Yowasi ni vanhu va yena.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Nehemiya 9:38

“Hikokwalaho ka swilo leswi hinkwaswo, hina Vaisraele hi endla ntwanano lowu hi wu tsalaka kunene; varhangeri va hina, ni Valevhi, ni vaprista va hina va wu tiyisa hi ku fungha.

2 TIKRONIKA 29:10

Sweswi ndzi ehleketa ku pfuxa ntwanano exikarhi ka hina na HOSI, Xikwembu xa Israele, leswaku ku hlundzuka ka xona ku vohla ku nga hi lovisi.

2 TIKRONIKA 23:16

Kutani Yoyada na hosi Yowasi ni tiko hinkwaro va endla ntwanano, va tiboha ku va vanhu va HOSI Xikwembu.

Duteronoma 15:12

“Loko u xaviseriwa Muheveru wa ka n'wina, wa xinuna kumbe wa xisati, ú ta ku tirhela malembe ya 6, kutani hi lembe ra vu-7, n'wi ntshunxe a tifambela.

Esaya 58:6

Leswi ndzi swi tsakelaka loko mi titsona hi leswi: Tsemani tintambhu leti mi boheke van'wana ha tona, mi susa mpingu lowu mi va rhwexeke wona; ntshunxani lava tshikeleriwaka, mi tshova joko rihi na rihi leri va rhwexiweke rona.