Yeremiya 34:10 - BIBELE Mahungu Lamanene

¹⁰ Kutani varhangeri hinkwavo ni vaaki hinkwavo va Yerusalema va rhange va hlayisa ku tiboha ka vona, va ntshunxa mahlonga ya vona ya xinuna ni ya xisati, va ma humesa evuhlongeni.

Xitsonga (Bibele)

¹⁰ Kutani ku pfumela vakulukumba hinkwavo, ni tiko hinkwaro ku nghena entwananweni wa ku tshunxa un'wana ni un'wana nandza wa yena wa xinuna ni wa xisati va tifambela, va nga ha fuyiwi; va pfumela sweswo, va va tshiketa va tifambela.

Yeremiya 34:10 Referans Kwoze

Yeremiya 26:16

Kutani varhangeri va tiko ni ntshungu hinkwawo va vulavula ni vaprista ni vaprofeta, va ku: “A ku na nandzu lowu munhu loyi a fanelaka ku dlayiwa hikwalaho ka wona, hikuva leswi a nga hi byela swona swi huma eka HOSI Xikwembu xa hina.”

Yeremiya 26:10

Loko varhangeri va tiko ra Yuda va twa leswi humelelaka, va hatla va suka entsindza, va tlhandlukela eTempeleni, va fika va tshama eswitshan'wini swa vona ehubyeni, kusuhi ni nyangwa ya Tempele leyi vuriwaka “Nyangwa Leyintshwa”.

Marka 6:20

hikuva Heroda a a chava Yohane, hi ku tiva leswaku i munhu wo lulama, la hlawulekeke; kutani a a n'wi lwela. Masiku hinkwawo loko a twa Yohane, a a kanakana swinene; hambiswiritano a a tsakela ku n'wi yingisa.

Yeremiya 38:4

Kutani vakulukumba va ya byela hosi Sedekiyasi va ku: “Wanuna loyi ú fanele ku dlawa, hikuva ku vulavula ka yena ku lolohisa masocha hinkwawo lama saleke emutini, ni vanhu van'wana hinkwavo. Munhu loyi ú va navelela leswo biha ematshan'wini ya leswo saseka.”

Yeremiya 36:12

a rhelela a ya entsindza, a kongoma endlwini ya matsalani, kutani a kuma tindhuna hinkwato ti tshamile ehubyeni. A ku ri na matsalani Elixama, na Delaya n'wana Xemaya, na Elnatani n'wana Akibora, na Gemariya n'wana Xafani, na Sedekiya n'wana Hananiya, ni tindhuna letin'wana hinkwato.

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Yeremiya 34:11

Kambe endzhaku ka nkarhinyana, va hundzuluxa makungu, va tlhela va khoma vavanuna ni vavasati lava a va va humesile evuhlongeni, kutani va va sindzisa ku tlhela va va mahlonga.

Eksoda 21:2

Loko u xava Muheveru ku va hlonga ra wena, ú ta tirha malembe ya 6, kutani hi lembe ra vu-7, n'wi ntshunxe a tifambela, a nga hakelanga nchumu.

Levhitika 25:10

Hi ndlela leyi, mi ta hlawulekisa lembe ra vu-50, mi tivisa vaaki hinkwavo va tiko leswaku va kumile ku ntshunxeka; ri ta va lembe leri vuriwaka ‘ra Jubili’, leri un'wana ni un'wana a nga ta tlhela a kuma masimu lawa a ma ri ya yena khale, a pfumeleriwa ni ku tlhelela endyangwini wa ka vona.