Yeremiya 33:3 - BIBELE Mahungu Lamanene

³ ‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Xitsonga (Bibele)

³ Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Yeremiya 33:3 Referans Kwoze

Yeremiya 29:12

Loko mi ta ku ta vulavula na mina ni ku ndzi gandzela, ndzi ta mi yingisa.

Esaya 65:24

Loko va khongela, ndzi ta va hlamula va nga si heta, ndzi ta va twa va ha vulavula.

Vaefesa 3:20

Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Esaya 48:6

“Mi swi twile leswi ndzi swi vuleke, vonani, hinkwaswo swi humelerile; kutani n'wina, swi twariseni! Kambe namuntlha, ndzi mi tivisa swilo leswintshwa, leswi a mi nga swi tivi, hikuva a swa ha tumberile.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Duteronoma 4:29

“Loko mi ri exikarhi ka vanhu lava, mi ta lava HOSI Xikwembu xa n'wina, kutani loko mi xi lava hi timbilu ta n'wina hinkwato ni moya wa n'wina hinkwawo mi ta xi kuma.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Pisalema 145:18

HOSI Xikwembu xi le kusuhi ni hinkwavo lava va xi khongelaka, va nga lava va xi khongelaka hi mbilu hinkwayo.

Duteronoma 4:7

Xana rixaka rin'wana ri kona emisaveni, leri swikwembu swa rona swi nga kusuhi na rona ku fana ni HOSI Xikwembu xa hina xana? Nkarhi wihi na wihi loko hi huwelela eka xona, xa hi hlamula.

Timhaka 2:21

Kutani un'wana ni un'wana loyi a nga ta huwelela eka Hosi, ú ta ponisiwa.’

Amosi 3:7

Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Esaya 45:3

Ndzi ta ku nyika xuma lexi tumbetiweke, lexi fihliweke swinene, kutani u ta tiva leswaku hi mina HOSI Xikwembu xa Israele, lexi xi ku vitaneke hi vito.

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Matewu 13:35

leswaku ku ta endleka rito ra muprofeta la nga te: “Ndzi ta vulavula hi swifaniso, ndzi twarisa timhaka leti a ti fihliwile, hi mpfhuka misava yi tumbuluka.”

Mikiya 7:15

Endla mahlori emahlweni ka hina, kukota eminkarhini leyi u humeke na hina etikweni ra Egipta.

Yuwele 2:32

Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

1 Vakorinto 1:2

hi tsalela kereke ya Xikwembu leyi nge Korinto, va nga lava vitaniweke ku va vahlawuriwa va Xikwembu ni ku basisiwa eka Kriste Yesu; hi tsalela ni hinkwavo lava nge matikweni hinkwawo, lava khongelaka vito ra Hosi ya hina Yesu Kriste yi nga Hosi ya vona ni ya hina, hi ri:

Yeremiya 23:35

Kambe mi fanele ku vutisana n'wina vini mi ku: ‘HOSI Xikwembu xi nyika nhlamulo yihi xana?’ kumbe mi ku: ‘HOSI Xikwembu xi ri yini xana?’

Yeremiya 32:17

‘We HOSI N'wini wanga, u tumbuluxile matilo ni misava hi ntamu lowukulu ni mintirho ya wena ya matimba. A wu tsandziwi hi nchumu!

Yeremiya 32:27

“Mina HOSI, ndzi Xikwembu xa swilo hinkwaswo leswi hanyaka, a ndzi tsandziwi hi nchumu.

Daniele 2:18

A va byela ku khongela, va kombela Xikwembu leswaku xi va twela vusiwana, xi va boxela xihundla lexi, va ta ka va nga herisiwi kun'we ni tintlhari ta le Babilona.

Daniele 2:22

xi paluxa swilo hinkwaswo leswi nga xihundleni; hi xona xi tivaka leswi nga xinyamini, hikuva laha xi nga kona, ku lo nghéé!

Daniele 2:23

We Xikwembu xa vatata wa hina, ndza ku nkhensa ni ku ku dzunisa, hikuva u ndzi nyikile vutlhari ni matimba; leswi hi nga swi kombela eka wena, u ndzi paluxerile swona, mhaka ya hosi, u hi tivisile yona.”