Yeremiya 33:2 - BIBELE Mahungu Lamanene

² “HOSI Xikwembu lexi endlaka makungu, lexi vumbeke misava xi tlhela xi yi tiyisa, vito ra xona i HOSI, kutani xi vurisa sweswo xi ri:

Xitsonga (Bibele)

² “Ku vula Yehovha la nga ta endla swoleswo, Yehovha la swi lunghisaka leswaku a swi tirha, loyi Yehovha ri nga vito ra yena.

Yeremiya 33:2 Referans Kwoze

Esaya 37:26

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela minkarhini leyi hundzeke, xana? Kutani sweswi, makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

Eksoda 15:3

HOSI i nhenha hakunene, vito ra yona i HOSI Xikwembu.

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Nhlavutelo 21:10

Moya wu ndzi tela, kutani ntsumi yi ndzi yisa entshaveni leyikulu leyo tlakuka; yi ndzi komba muti lowo hlawuleka wa Yerusalema, wu ri karhi wu xika hi le tilweni wu huma eka Xikwembu,

Esaya 62:7

Mi nga tshiki HOSI Xikwembu xi wisa, ku kondza loko xi ta va xi nyikile Yerusalema xiyimo lexintshwa, wu va muti lowu dzunisiwaka emisaveni hinkwayo.

Esaya 43:21

Vanhu lava, ndzi va vumbile leswaku va ndzi dzunisa vona vinyi.

Esaya 43:1

N'wina va ka Yakobo, HOSI Xikwembu lexi xi mi tumbuluxeke, xona muvumbi wa n'wina Vaisraele, xi vurisa sweswo xi ri: “Mi nga chavi, hikuva ndzi ta mi kutsula, ndzi mi vitanile hi mavito ya n'wina, mi va mina.

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Pisalema 102:16

hikuva yi ta aka muti wa Siyoni hi vuntshwa, yi ta tikomba eku kwetsimeni ka yona;

Pisalema 87:5

Kambe loko wu ri muti wa Siyoni, va ta ku: ‘I kaya ra munhu un'wana ni un'wana, hikuva Xikwembu xa le henhla-henhla hi xona xi wu tiyisaka!’ ”

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Vaheveru 11:10

Mhaka hileswaku a a langutela muti lowu nga ni masungulo lamanene, lowu muaki ni muendli wa wona xi nga Xikwembu.

Amosi 9:6

Xikwembu xi aka tindlu ta xona ta le henhla ematilweni, xi khubumeta misava hi tilo ra xona; xi vitana mati ya lwandle xi ma humesa, xi cheleta misava ha wona: Vito ra xona i HOSI.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Yeremiya 32:18

Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

Yeremiya 16:21

HOSI Xikwembu xi ri: “Enkarhini lowu, ndzi ta tivisa vanhu va tinxaka timbe matimba ya mina lamakulu, ndzi va komba wona, kutani va ta tiva leswaku vito ra mina, hi mina HOSI!”

Yeremiya 51:19

Xikwembu xa va ka Yakobo a xi fani ni swikwembu leswi, hikuva hi xona xi vumbeke swilo hinkwaswo, kutani xi ni vanhu lava nga va xona hi xiviri; vito ra xona i HOSI ya matimba hinkwawo.

Esaya 42:8

Mina, ndzi HOSI Xikwembu, hi rona vito ra mina, ku hava xikwembu xin'wana lexi ndzi nga xi nyikaka ku dzuneka ka mina; swifaniso leswi vatliweke swa swikwembu, ndzi nge swi nyiki ku twala ka mina.