Yeremiya 32:5 - BIBELE Mahungu Lamanene

⁵ Kutani Nebukadnetsara ú ta famba na Sedekiyasi le Babilona. Sedekiyasi ú ta tshama kona ku kondza ndzi n'wi avanyisa. Ndzi vula sweswo mina HOSI. Hakunene, loko mi lwa ni Vakalediya, va ta mi hlula.”

Xitsonga (Bibele)

⁵ Kutani u ta teka Sedekiyasi, a n'wi yisa eBabilona a ya tshama kona, ndzi kondza ndzi n'wi endzela, ku vula Yehovha; loko mi lwa ni Vakalediya, a mi nga pfuni nchumu.’ ”

Yeremiya 32:5 Referans Kwoze

Ezekiele 17:15

Kambe hosi ya le Yerusalema yi tiarisile hi ku rhuma vanhu va ya kombela masocha layo tala ni tihanci etikweni ra Egipta. Xana munhu loyi ú ta humelela emakungwini ya yena xana? Loko a endla mhaka yo tano a tshova ni ntwanano, xana a nga pona xana? E-e!

Yeremiya 39:7

Sedekiyasi yena va n'wi boxa mahlo, va n'wi boha milenge hi tinketani, kutani va n'wi yisa eBabilona.

Yeremiya 27:22

swi ta tekiwa swi yisiwa eBabilona. Swi ta tshama kona ku kondza ku fika nkarhi lowu ndzi nga ta swi landza. Mina HOSI ndzi ri, ndzi ta tlhela ndzi swi vuyisa ni ku swi veka etindhawini ta swona.”

Ezekiele 12:13

Mina ndzi ta tlharamula ritavala ndzi n'wi phasa ha rona, ndzi n'wi yisa emutini wa Babilona etikweni ra Vakalediya, kutani yena ú ta ya fela etikweni rero a nga ha ri na mahlo.

Yeremiya 37:10

Hambiloko mi nga hlula mavuthu hinkwawo ya Vakalediya lava lwaka na n'wina, ku sala ntsena lava tlhaviweke enyimpini va etlele emintsongeni ya vona, siku rin'wana va ta pfuka, va ta va ta hisa muti lowu.’ ”

Yeremiya 2:37

U ta vuya hi le tikweni ra Egipta u rhwele mavoko, hikuva vanhu lava u va tshembaka, mina HOSI ndza va nyenya; ku ya le ka vona a swi nga ku pfuni nchumu.”

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

2 TIKRONIKA 24:20

Kutani Zakariya n'wana muprista Yoyada a nghena hi moya wa Xikwembu, a suka a yima emahlweni ka vanhu, a vulavula na vona a ku: “HOSI Xikwembu xi vurisa sweswo xi ri: ‘A ndzi nga mi katekisi, hikuva mi tlurile milawu ya mina; ndzi ta mi fularhela, hikuva hi n'wina mi nga rhanga mi ndzi fularhela.’ ”

2 TIKRONIKA 13:12

Swi tiveni ke, Xikwembu xi na hina, hi xona xi hi fambisaka. Vaprista va xona va ta ba timhalamhala, va hi vitana enyimpini leswaku hi ta lwa na n'wina. N'wina Vaisraele, mi nga ringeti ku lwa ni HOSI, Xikwembu xa vatata wa n'wina, hikuva mi nga ka mi nga poni.”

Tinhlayo 14:41

Kambe Muxe a ku: “Xana mi tlulela yini xileriso xa HOSI Xikwembu, leswi mi nga ta ka mi nga humeleli ke?

Yeremiya 32:6

Yeremiya ú ri: “Siku rin'wana HOSI Xikwembu xi vulavurile na mina,

Yeremiya 32:24

Valala va le ku fumbeteleni ka misava yo khandziya ha yona erirhangwini ra muti; va le Yerusalema va le kusuhi ni ku tinyiketa eka Vakalediya lava, hikuva va hluriwa hi matlhari ni tindlala ni mintungu. Leswi u nga tshama u swi vula, swi le ku humeleleni, na wena wa swi vona.

Yeremiya 39:5

Kambe mavuthu ya Vakalediya ma va hlongorisa, ma ya kuma Sedekiyasi erivaleni ra Yeriko. Loko Vakalediya va n'wi khomile, va n'wi yisa eka Nebukadnetsara hosi ya le Babilona, loyi a a ri eRibila etikweni ra Hamata, kutani Nebukadnetsara a n'wi vona nandzu.

Swirilo 1:14

“N'wini wa hinkwaswo ú bohelerile swidyoho swa mina hi voko ra yena, swi hundzuka joko, a ri tlhandleka enhan'wini ya mina, a ndzi heta matimba; a ndzi nyiketa emavokweni ya lava ndzi va chavaka.

Ezekiele 12:12

Hosi ya Yerusalema yi ta huma emutini yi pakatsile nhundzu emakatleni, yi tifambela nivusiku, yi huma hi mbhovo leyi va yi boxeke ekhumbini; murhangeri loyi ú ta famba a tisivile mahlo, a nga voni laha a yaka kona.

Yeremiya 39:4

Loko Sedekiyasi hosi ya Yuda ni masocha ya yena hinkwawo va vona leswi humelelaka, va baleka nivusiku hi ndlela leyi hundzaka hi le ntangeni wa hosi, va huma emutini hi nyangwa leyi nga xikarhi ka makhumbi mambirhi, kutani va tsutsuma va kongomile enkoveni wa Yordani.