Yeremiya 32:10 - BIBELE Mahungu Lamanene

¹⁰ Ndzi tsala vito ra mina emapapileni ya vun'wini, ndzi fungha rin'we emahlweni ka timbhoni, kutani ndzi pima silivhere exikalwini.

Xitsonga (Bibele)

¹⁰ Ndzi tsala tsalwa ra nxavo, ndzi ri tiyisa, ndzi teka timbhoni ndzi ringanisa mali exikalweni.

Yeremiya 32:10 Referans Kwoze

Yeremiya 32:44

Etikweni ra ka Benjamini, ni le mitini leyi rhendzelaka Yerusalema, ni le mitini ya le magangeni ni ya le timbaleni ni ya le dzongeni, vanhu va ha ta humesa mali va xava masimu; va ha ta tsala mavito ya vona epapileni ra vun'wini, va ri fungha emahlweni ka timbhoni, hikuva mina HOSI ndzi tiboha ku tlhela ndzi va katekisa.”

Yeremiya 32:12

kutani ndzi ma nyika Baruku n'wana Neriya wa Mahaseya, emahlweni ka makwerhu Hanamele, ni le mahlweni ka timbhoni leti nga tsala mavito ya tona emapapileni lawa, ni le mahlweni ka va ka Yuda hinkwavo lava a va ri exivaveni xa varindzi.

Yeremiya 32:25

Hambiswiritano we HOSI N'wini wanga, wa ndzi byela ku humesa mali ndzi xava nsimu, ndzi tilavela ni timbhoni, kasi Vakalediya hi lava, va le kusuhi ni ku teka muti lowu!’ ”

Esaya 44:5

Un'wana ú ta ku: ‘Ndzi wa HOSI Xikwembu’, un'wana ú ta tithya vito ra Yakobo, un'wana ú ta tsala vito ra Hosi Xikwembu evokweni ra yena, a tivitana hi xivongo xa Israele.”

Ntirho 14:17

A wu ta rhungelela ku homboloka ka mina enkwameni, u tumbeta kona swidyoho swa mina.

Duteronoma 32:34

HOSI Xikwembu xi ri: “Swilo leswi hinkwaswo, ndzi swi hlayisile, ndzi swi vekile evuhlayiselweni bya xuma xa mina,

Nhlavutelo 9:4

Ti lerisiwa leswaku ti nga onhi byanyi bya misava, hambi ximila xihi na xihi xa rihlaza, kumbe murhi wihi na wihi, kambe ti yela vanhu lava nga riki na mfungho wa Xikwembu emimombyeni ya vona.

Nhlavutelo 7:2

Kutani ndzi vona ntsumi yin'wana yi tlhandluka hi tlhelo ra vuxa yi tamele xifungho xa Xikwembu lexi hanyaka. Yi vitana, hi rito leri tlakukeke, tintsumi leti ta mune leti Xikwembu xi ti nyikeke matimba yo onha misava ni lwandle.

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Vaefesa 1:13

A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

2 Vakorinto 1:22

Xi hi funghile, xi vekile Moya wa xona etimbilwini ta hina, wu va xitiyiso xa leswa ha taka.

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Yohane 3:33

Munhu la amukelaka vumbhoni bya yena, ú tiyisa leswaku Xikwembu xa tshembeka.

Daniele 8:26

Timhaka ta xivono xa magandzelo ya mixo na madyambu, leti u hlamuseriweke tona we Daniele, ti tiyile, kambe u nga vulavuli hi tona sweswi, hikuva ti ta hlwela ku humelela.’

Esaya 30:8

HOSI Xikwembu xi ku ka mina: “Teka ribye ra xiphepherhele, u tsala swilo leswi emahlweni ka vanhu lava, u swi tsala ni le bukwini, leswaku byi ta va vumbhoni hilaha ku nga heriki.

Risimu ra Tinsimu 8:6

Ndzi veke embilwini ya wena, ndzi va mfungho kona, u tlhela u ndzi endla mfungho wa voko ra wena, hikuva rirhandzu ri ni matimba ku fana ni rifu, ku navela ku ni tihanyi tanihi hi sirha. Malangavi ya kona i ndzilo lowu vuvumelaka, lowu hisaka swinene.

Yoxuwa 18:9

Kutani vavanuna lava va khoma ndlela va ya rhendzeleka ni tiko hinkwaro va ri karhi va tsala tindhawu ta tiko ra kona ebukwini, va ri avanyisa hi swiphemu swa 7, hi ku ya hi miti ya rona; kutani va tlhelela eka Yoxuwa emixaxeni le Xilo.

Matewu 27:66

Kutani va ya, va ya tiyisa ribye hi mfungho wa vona, va veka ni valanguteri leswaku va sala va rindza.

Genesa 23:16

Hiloko Abrahama a nkhenselana na Efroni, a n'wi pimela tisilivhere leti a ti vuleke emahlweni ka Vahiti, ti nga tisilivhere ta 400 hi ku landza mpimo lowu vekiweke hi vamabindzu.

Genesa 23:20

Hi mukhuva lowu, Vahiti va nyika Abrahama nsimu leyi ni bako ra yona leswaku yi va ndhawu ya yena yo lahlela eka yona.

Rhuti 4:1

Bowazi a tlhandlukela ehubyeni ya muti, a fika a tshamisa kona. Endzhaku ka nkarhinyana ko ta fika mudyandzhaka, yena loyi Bowazi a a vulavurile hi yena. Bowazi a n'wi vitana a ku: “Ndzi na wena tatana, hambukela haleno, u ta tshamisa na mina.” Munhu loyi a hambuka a ya tshamisa na Bowazi.