Yeremiya 30:8 - BIBELE Mahungu Lamanene

⁸ “Mina HOSI ya matimba hinkwawo ndzi ri, enkarhini wolowo ndzi ta tshova majoko lama nga tinhan'wini ta vona, ndzi tsema ni tintambhu leti ti va boheke, kutani vamatiko va ta tshika ku va endla mahlonga.

Xitsonga (Bibele)

⁸ “Siku rolero ku vula Yehovha wa mavandla, ndzi ta tshovelela joko ra yena enhan'wini ya wena, ndzi tsema tinghole ta wena; vamatiko a va nga ha ku fumi.

Yeremiya 30:8 Referans Kwoze

Ezekiele 34:27

Mirhi yi ta tswala mihandzu leyo tala, misava yi humesa ntshovelo lowo saseka. Vanhu va mina va ta tshamiseka etikweni ra vona va nga chavi nchumu; siku ndzi nga ta tshova joko leri va nga rhwexiwa rona, ndzi ta va kutsula emavokweni ya lava va va xanisaka, kutani va ta tiva leswaku HOSI Xikwembu, hi mina.

Nahume 1:13

Sweswi ke, ndzi ta tshova joko ra Asiriya leri ri ku tikelaka, ndzi ta tsema tinketani leti ti ku bohaka.”

Yeremiya 27:2

“Mina HOSI ndzi ri: Tiendlele tinghole, u vatla ni majoko, kutani u titlhandleka rin'we enhan'wini.

Esaya 9:4

hikuva joko leri a va rhwexiwile rona, ni nhonga leyi vaxanisi va vona a va va ba ha yona, wena HOSI u swi tshovelerile kukota loko u tshovile matimba ya Vamidiyani.

Yeremiya 28:10

Kutani muprofeta Hananiya a teka joko leri a ri ri enhan'wini ya muprofeta Yeremiya, a ri tshova.

Yeremiya 28:13

“Famba u ya tivisa Hananiya leswaku mina HOSI ndzi ri: ‘U tshovile joko ra mhandze, kambe ematshan'wini ya rona, u ta rhwexiwa ra nsimbhi.

Yeremiya 27:7

Vanhu va matiko hinkwawo va ta n'wi tirhela, yena ni vana va yena ni vatukulu va yena, ku kondza ku fika nkarhi wa ku biwa ka tiko ra yena, kutani ri ta fumiwa hi tinxaka tin'wana leto tala ni tihosi tin'wana ta matimba.

Yeremiya 25:14

Vanhu lava na vona va ta hundzuka mahlonga ya matiko man'wana ni ya tihosi tin'wana leta matimba. Ndzi ta va ba hikwalaho ka mintirho ya vona ni swifaniso swa swikwembu leswi va nga tiendlela swona.”

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Esaya 14:25

Vaasiriya lava nga tikweni ra mina, ndzi ta va tshovelela; ndzi ta va kandziyela, etintshaveni ta mina; joko leri va ri tlhandlekeke Vaisraele, ni ndzhwalo lowu va va rhwexeke emakatleni, swi ta susiwa.”

Esaya 10:27

Enkarhini wolowo, ndzhwalo lowu Vaasiriya va mi rhwexeke wona emakatleni ni joko leri va mi tlhandlekeke rona enhan'wini, swi ta suka. Joko ri ta tshoveka, hikuva mi ta va mi nyuherile.”

Yeremiya 28:4

Naswona Yoyakini n'wana Yoyakimi hosi ya Yuda, ni vanhu hinkwavo va tiko ra Yuda lava yisiweke evukhumbini eBabilona, ndzi ta va vuyisa endhawini leyi. Ndzi vula sweswo mina HOSI, hikuva ndzi ta tshova joko ra hosi ya Babilona.”

Pisalema 107:14

Xi va humesile exinyamini xo chavisa xa le khotsweni, xi tsemile ni tinketani ta vona.

Ezekiele 30:18

Siku ndzi nga ta wisa mfumo wa tiko ra Egipta, va le Tahapanese va ta va exinyamini, kutani matimba lawa Vaegipta va tidzunisaka ha wona ma ta hela; tiko hinkwaro ri ta khubumetiwa hi xinyami, vaaki va rona va ta yisiwa evukhumbini.

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Esaya 14:3

Loko HOSI Xikwembu xi ta va xi mi wisisile eka maxangu ni mpfilumpfilu ni mintirho leyo tika leyi a mi sindzisiwa ku yi endla,