Yeremiya 30:7 - BIBELE Mahungu Lamanene

⁷ Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Xitsonga (Bibele)

⁷ Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

Yeremiya 30:7 Referans Kwoze

Daniele 12:1

Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Varhoma 11:26

Hi mukhuva wolowo tiko hinkwaro ra Israele ri ta ponisiwa, hilaha ku tsariweke hakona va ku: “Muponisi ú ta huma eSiyoni, a endla leswaku Yakobo a tshika tindlela ta yena to fularhela Xikwembu.

Marka 13:19

Hikuva eminkarhini yoleyo, ku ta va ni nhlomulo lowu nga si tshamaka wu humelela, hi mpfhuka Xikwembu xi tumbuluxa hinkwaswo, ku fikela namuntlha; naswona nhlomulo lowo tano wu nga ka wu nga ha vi kona.

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Pisalema 34:19

Munhu wo lulama u hlangana ni miringo leyo tala, kambe HOSI Xikwembu xi n'wi hlulela yona hinkwayo;

Nhlavutelo 6:17

Hikuva siku lerikulu ra vukari bya vona ri fikile, kutani i mani loyi a nga ri tiyelaka xana?”

Timhaka 2:20

Dyambu ri ta hundzuka munyama, ni n'weti wu ta tshwuka kukota ngati, siku lerikulu ro vangama ra Hosi ri nga si fika.

Yuwele 2:31

Dyambu ri ta fihliwa hi munyama, ni n'weti wu ta tshwuka ku fana ni ngati, siku lerikulu ro chavisa ra mina ri nga si fika.

Swirilo 4:6

Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

Swirilo 2:13

We Yerusalema, xana ndzi nga vula yini hi wena ke? Khombo ra wena ndzi nga ri fanisa ni ra mani xana? A nga kona la tshamaka a vaviseka ku fana na wena, loyi ndzi nga ku tiyisaka hi ku ku komba yena. Wena Siyoni, nhwana wo saseka, ku onhaka ka wena i kukulu kukotisa lwandle, ku hava loyi a nga tlhelaka a ku pfuxa.

Pisalema 25:22

We Xikwembu, kutsula Vaisraele emaxangwini hinkwawo lawa va nga ka wona!

Genesa 32:7

Kutani Yakobo a chava swinene, a sungula ku rhurhumela, kutani a avanyisa vanhu lava a a ri na vona, ni swifuwo leswitsongo ni leswikulu, ni tikamela, ku huma mintlawa mimbirhi,

Esaya 20:6

Kutani esikwini rero, vanhu lava vo tshama eribuweni ra lwandle, va ta ku: ‘Langutani leswi swi humeleleke vanhu lava a hi tshemba vona, lava a hi tsutsumela eka vona leswaku va hi ponisa eka hosi ya Asiriya! Xana hi ta ya kwihi sweswi ke?’ ”

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Yeremiya 2:28

Xana swi kwihi swikwembu swa n'wina leswi mi tiendleleke swona xana? Pfuxani swona, hi vona loko swi nga mi pfuna loko mi ri ekhombyeni! Swikwembu swa n'wina va ka Yuda i swinyingi, swi ringana ni miti ya n'wina hi ku tala.”

Yeremiya 14:8

Vaisraele va tshemba wena ntsena, enkarhini wa khombo, u mukutsuri wa vona. Hikwalaho ka yini u tiendla xi-ta-xi-famba, muhundzi wa ndlela wo xwa vusiku byin'we ntsena ke?

Yuwele 1:2

Yingisani mhaka leyi, n'wina vakulukumba, hinkwenu vaaki va tiko, rhiyani tindleve! Hi mpfhuka xa loko mi velekiwile, kumbe eminkarhini ya vatata wa n'wina, xana mhaka yo fana ni leyi yi tshama yi humelela xana?

Yuwele 1:15

Yo! Siku ra kona! Siku ra HOSI ri le kusuhi; ra ta siku leri Xikwembu-xa-matimba-hinkwawo xi nga ta herisa swilo ha rona.

Zakariya 14:7

Masiku ya kona ma ta hambana na man'wana, ma ta tiva hi HOSI Xikwembu ntsena: A ma nga kombi vusiku kumbe nhlekanhi, hambi ri perile, ku ta va ku ri ni ku vonakala.

Mikiya 4:9

N'wina vaaki va Siyoni, mi rilela yini xana? Hikwalaho ka yini mi khomiwa hi switlhavi wonge mo va wansati loyi a nga ku tintshunxeni? Xana swi vangiwa hi leswi mi pfumalaka hosi, ni leswi vatsundzuxi va n'wina va feke, xana?

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.