Yeremiya 3:8 - BIBELE Mahungu Lamanene

⁸ U vonile leswaku ndzi tshikile Israele la nga tshembekiki hikwalaho ka vunghwavava bya yena. Kambe Yuda lowa mukanganyisi a nga chavisiwanga hi swona; na yena ú lo ya emahlweni a tilavela swigangu.

Xitsonga (Bibele)

⁸ Hambi ndzi tshikile Israele muhundzuki, hikwalaho ka mikhuva ya yena hinkwayo ya vuoswi, kutani ndzi n'wi nyikile papila ra ku n'wi tshika, hambiloko swi ri tano Yuda, makwavo la nga tshembekangiki, a nga chavanga; na yena a famba, a ya oswa.

Yeremiya 3:8 Referans Kwoze

Duteronoma 24:1

“Wanuna a nga tshuka a teka nsati a tshama na yena, kambe endzhaku ka nkarhi a nga ha n'wi tsakeli, hikuva a kumile swin'wana eka yena leswi khomisaka tingana; kutani a tsala papila ro n'wi ntshunxa, a n'wi tamerisa rona, a n'wi hlongola emutini wa yena.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Ezekiele 23:9

Hikokwalaho ndzi n'wi nyiketile emavokweni ya swigangu swa yena, va nga Vaasiriya lava a rhandzanaka na vona.

Ezekiele 16:47

A wu kolwanga hi manyala lawa miti ya kona yi hanyeke ha wona, kambe hi nkarhinyana wo koma u endlile leswo homboloka ku tlula yona, emintirhweni ya wena hinkwayo.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Duteronoma 24:3

nuna loyi wa vumbirhi a nga tshuka na yena a n'wi nyenya, a tsala papila ro n'wi ntshunxa, a n'wi tamerisa rona, a n'wi hlongola emutini wa yena; kumbe wanuna loyi a nga tshuka a fa.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Yeremiya 33:24

“U swi twile leswaku ku ni vanhu lava va ndzi sandzaka va ku: ‘HOSI Xikwembu xi tshikile va ka Yuda ni va ka Levhi, va nga vanhu lava a xi va hlawurile!’ Vasandzi lava va hlekula vanhu va mina, va va langutela hansi.

Ezekiele 16:46

Muti wa Samariya ni swimitana swa wona en'walungwini i hosi ya wena ya xisati; kasi muti wa Sodoma ni swimitana swa wona i ntsongwana ya wena ya xisati edzongeni.

Ezekiele 16:51

Loko swi ri swidyoho swa Samariya swona, a swi endli hafu ya swidyoho swa wena. Wena u endlile swilo swo tala swa manyala ku tlula vamakwenu, kutani va vonaka va lulamile loko va ringanisiwa na wena, hikuva manyala lawa u ma endleke, ma tele ngopfu.

2 TIKRONIKA 21:11

Yehoramu ú pfuxile mintirho ya le switsungeni leswo hlawuleka emagangeni ya Yuda, a dyohisa vanhu va tiko ra Yuda ni lava akeke eYerusalema.

Yeremiya 5:7

HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Ezekiele 23:44

Vamatiko va fana ni vavanuna lava tsakelaka ku endzela tinghwavava, va ha kongoma eka Ohola na Oholiba, vavasati lava va mintirho ya manyala!