Yeremiya 3:5 - BIBELE Mahungu Lamanene

⁵ U te ka mina: ‘Xana u ta ndzi hlundzukela ni ku ndzi karihela minkarhi hinkwayo xana?’ Sweswo u swi vurile hi nomo ntsena, hikuva u yile emahlweni u endla leswo biha hinkwaswo.”

Xitsonga (Bibele)

⁵ Xana u ta va ni mbitsi hilaha ku nga heriki? Xana u ta hlunama hilaha ku nga heriki-ke?’ Languta, u vule sweswo, kasi u tirha leswo biha u ri karhi u swi hetisa.”

Yeremiya 3:5 Referans Kwoze

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Mikiya 2:1

Va ni khombo vanhu lava kanelaka ku endla leswo homboloka, lava etlelaka va ri karhi va boha makungu layo biha, kutani loko ri xa, va endla leswi va boheke swona nivusiku, hikuva hi vona va fumaka!

Ezekiele 22:6

“Vafambisi hinkwavo va Israele va tshemba ngopfu matimba ya vona, kutani va halata ngati kwala ka wena.

Yeremiya 3:12

Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Esaya 57:16

Ndzi nga ka ndzi nga tshami ndzi ri karhi ndzi karihela vanhu va mina, naswona ndzi nge va hlundzukeli hilaha ku nga heriki, hikuva vanhu va mina lava ndzi va endleke, va nga ta fa va hela.

Esaya 64:9

We HOSI, u nga hi kariheli ku tlula mpimo, u nga tsundzuki ku homboloka ka hina hilaha ku nga heriki; hi kombela leswaku u tsundzuka leswi: Hina hinkwerhu, hi vanhu va wena.

Pisalema 85:5

Xana u ta hi hlundzukela hilaha ku nga heriki xana? Xana u ta ya emahlweni u karihela ni lava va ha taka xana?

2 TIKRONIKA 29:10

Sweswi ndzi ehleketa ku pfuxa ntwanano exikarhi ka hina na HOSI, Xikwembu xa Israele, leswaku ku hlundzuka ka xona ku vohla ku nga hi lovisi.

Pisalema 85:6

Leswi hi nga vanhu va wena, a wu nga tlheli u hi nyika vutomi leswaku hi ta titsakela eka wena xana?

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Yeremiya 8:6

Ndzi va xiyaxiyile, ndzi yingisa swinene, kambe a ndzi twanga ku tisola ka vona. Ku hava na un'we la tivulaka mudyohi, la tisolaka a ku: ‘Ndzi endlile leswo biha!’ Hinkwavo va tiyela lomu va ku rhandzaka, va fana ni tihanci leti chavaka nyimpi, ti tsutsuma.