Yeremiya 3:4 - BIBELE Mahungu Lamanene

⁴ A hi khale u ndzi vurile tata wa wena, naswona u ndzi vurile nakuloni ku sukela evuntshweni bya wena.

Xitsonga (Bibele)

⁴ Ni sweswi, wa ha vitana eka mina, u ku: ‘Tatana, u nakulorhi wa vuntshwa bya mina!

Yeremiya 3:4 Referans Kwoze

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Yeremiya 3:19

HOSI Xikwembu xi ri: “A ndzi ri ni makungu ya ku ku tlakusa exikarhi ka vana va mina va xinuna, ndzi ku nyika tiko ro tsakisa ri va ra wena, tiko ro saseka ku tlula matiko man'wana hinkwawo. A ndzi anakanya leswaku u ta ndzi vula tata wa wena, u nga ha ndzi landzuli.

Hosiya 2:15

Ndzi ta n'wi tlherisela mitanga ya yena ya vhinyo kwale mananga, ndzi hundzula ni Nkova wa Akora wu va ‘Nyangwa-ya-ku-Tshemba’. Ú ta vulavula na mina ku fana ni loko a ha bomba xinhwana, eminkarhini leyi a humeke ha yona etikweni ra Egipta.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Swivuriso 2:17

la tshikeke loyi a n'wi tekeke evuntshweni bya yena, a tshova ntwanano wa yena ni Xikwembu xa yena.

Pisalema 71:17

We Xikwembu, u ndzi dyondzisile ku sukela evuntshweni bya mina, hikokwalaho ni sweswi ndza ha twarisa mintirho ya wena leyo hlamarisa.

Malakiya 2:14

Kutani n'wina mi vutisa mi ku: “Hikwalaho ka yini HOSI Xikwembu xi nga ha swi amukeli xana?” Nhlamulo hi leyi: Hi leswi HOSI Xikwembu xi nga va mbhoni exikarhi ka wena ni nsati loyi u n'wi tekeke wa ha ri jaha. Wena a wu tshembekanga eka yena, hambileswi a a ri nsati wa wena wa xitekwa, loyi a wu tihlawulerile yena.

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Swivuriso 1:4

Swivuriso swi tlharihisa lavo pfumala mano, swi nyika lavantshwa vutivi ni mianakanyo leyinene.

Pisalema 119:9

Xana munhu lontshwa a nga hanya hi mukhuva wihi, loko a lava ku famba endleleni leyo tenga xana? Hi loko a landzelela leswi u swi vulaka.

Pisalema 71:5

Ndzi tshemba wena, we N'wini wanga, ndzi ku tshembile ku sukela evuhlangini bya mina we HOSI.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

Yeremiya 31:22

N'wina vanhu vo ka va nga tshembeki, tshikani ku kanakana, hikuva HOSI Xikwembu xi tumbuluxile leswintshwa etikweni: Wansati ú ta tilavela wanuna!