Yeremiya 3:22 - BIBELE Mahungu Lamanene

²² Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Xitsonga (Bibele)

²² “Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Yeremiya 3:22 Referans Kwoze

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Hosiya 14:4

Ku tiarisa ka vona, ndzi ta ku tshungula; ndzi ta va rhandza hi mbilu hinkwayo, hikuva sweswi a ndza ha va hlundzukelanga.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Hosiya 13:4

Ku sukela etikweni ra Egipta, mina HOSI ndzi vile Xikwembu xa n'wina; a mi na xin'wana Xikwembu ehandle ka mina, ehandle ka mina ku hava loyi a nga mi pfunaka.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Yeremiya 30:17

Leswi va ku thyeke vito ra ‘Ntshikiwani’, we Siyoni, ni leswi va vulaka leswaku a wu hlayisiwi hi munhu, mina HOSI ndzi ri, ndzi ta ku hanyisa, ndzi ta horisa ni timbanga ta wena.”

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Risimu ra Tinsimu 1:4

Hatlisa u ndzi koka, hi tsutsuma swin'we. Ndzi nghenise endlwini ya wena, we hosi yanga. Hi ta ku dzunisa, hi ku tsakela; hi ta tlangela rirhandzu ra wena, leri tsokombelaka ku tlula vhinyo. Kunene swa fanela leswaku vanhwana va ku rhandza.

Hosiya 14:8

N'wina va ka Efrayimi, a ndza ha lavi ku twa nchumu hi mhaka ya swikwembu swa hava. Hi mina ndzi nga ta hlamula swikhongelo swa n'wina, ndzi mi hlayisa. Ndzi fana ni murhi wa kipresi lowu tshamaka wu ri wa rihlaza, mihandzu ya n'wina yi huma eka mina.

Yeremiya 33:6

Hambiswiritano, ndzi ta tisela va le Yerusalema ku tsaka ni ku hanyisiwa, ndzi ta va horisa, ndzi va avela rifuwo ni ku rhula loku tiyeke.

Esaya 27:8

HOSI Xikwembu a xi va banga ku tlula mpimo, xi lo va yisa evukhumbini, xi va rhwarile hi moya wa xona wa matimba wo fana ni xidzedze xo huma evuxeni.

Esaya 1:2

N'wina matilo, yingisani, na wena misava, rhiya ndleve! HOSI Xikwembu xa vulavula, xi ri: “Ndzi wundlile vana ndzi va kurisa, kambe va ndzi hundzukerile.

Esaya 57:17

Vanhu va mina ndzi va hlundzukerile ndzi va ba, hikwalaho ka xidyoho xa vona xa ku va ni makolo; ndzi va kariherile ndzi tlhela ndzi va fularhela, hambiswiritano a va hundzukanga, va yile mahlweni va endla leswi timbilu ta vona ti tsakelaka swona.

Yeremiya 3:12

Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Ezekiele 18:30

“Hikokwalaho, mina HOSI N'wini wa hinkwaswo ndza mi byela n'wina Vaisraele leswaku ndzi ta avanyisa un'wana ni un'wana wa n'wina hi ku ya hi mintirho ya yena. Hundzukani ke, mi hambana ni mintirho ya n'wina hinkwayo leyo homboloka, leswaku swidyoho swa n'wina swi nga tshuki swi mi vangela ku lova.

Hosiya 14:5

Eka vanhu va tiko ra Israele, ndzi ta fana ni mpfula, va ta hluka va fana ni swiluva, va mila timitsu va tiya ku fana ni ntshava ya Lebanoni.

Yuwele 2:12

HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”