Yeremiya 3:21 - BIBELE Mahungu Lamanene

²¹ Ku twakala xirilo eswitsungeni; i xa Vaisraele lava tisolaka hi mihloti, hikuva va hambukile endleleni ya ntiyiso, va rivala HOSI Xikwembu xa vona.

Xitsonga (Bibele)

²¹ Rito ri twakala etintshaveni leti tlakukeke, i ra swirilo ni mikhongelo ya vana va Israele, hikuva va hombolokisile tindlela ta vona, va rivele Yehovha, Xikwembu xa vona.

Yeremiya 3:21 Referans Kwoze

2 Vakorinto 7:10

Loko ku vaviseka ku rhwariwa hi mukhuva lowu tsakeriwaka hi Xikwembu, ku tisa ku hundzuka, kutani ku hundzuka loku ku yisa eku ponisiweni, a ku khomisi tingana; kasi ku vaviseka hi mhaka ya swa misava, ku vanga rifu.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Yeremiya 3:2

Tlakusa mahlo u languta eswitsungeni. Xana yi kona ndhawu leyi u nga endlangiki swa vugangu bya wena eka yona xana? U tshamerile swigangu etindleleni ku fana ni Muarabu la tumbelelaka vanhu emananga. Vunghwavava bya wena lebyo chavisa byi nyamisile tiko hinkwaro.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Esaya 17:10

N'wina Vaisraele, mi rivarile Xikwembu lexi xi mi ponisaka, Ribye leri mi tumbelaka eka rona, a mi ri tsundzukanga; hikuva mi tsakela ku endla mintanga, mi simeka ni swirhabyana eka yona, mi simekela swikwembu swimbe.

Esaya 15:2

Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Hosiya 8:14

Vanhu va tiko ra Israele va rivala Muvumbi wa vona. Va tiakela miti leyikulu; vanhu va tiko ra Yuda vona va aka miti leyi sirheleriweke; kambe mina ndzi ta hoxa ndzilo emitini leyi, wu ta herisa ni makhokholo ya kona.

Ezekiele 23:35

Hikokwalaho ndzi ri, leswi u ndzi tshikeke u ndzi fularhela, u fanele ku rhwala nandzu wa manyala ya wena ni wa vunghwavava bya wena.”

Ezekiele 7:16

Lava poneke ku fa, va ta tsutsuma va ya etintshaveni, va ri karhi va rila hinkwavo kukota matuva ya le minkoveni, hinkwavo va tisola hi leswi va dyoheke.

Swivuriso 19:3

Munhu ú lahla hi vuphukuphuku bya yena, kambe a lumbeta HOSI Xikwembu.

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.

Ntirho 33:27

Ú ta suma risimu, a tivisa vanhu a ku: ‘A ndzi dyohile ndzi tshika leswi lulameke, kambe Xikwembu a xi ndzi tshikanga.

Tinhlayo 22:32

Kutani ntsumi ya HOSI Xikwembu yi ku ka yena: “Sweswi mbhongolo leyi ya wena, u yi ba ra vunharhu; xana u yi bela yini xana? Tiva leswaku hi mina ndzi hingakanyaka tindlela ta wena, hikuva ti hambanile ni makungu ya mina.

Esaya 57:11

“Loko mi kala mi vulavula mavunwa, i ncini lexi a xi mi chavisa ni ku mi rhurhumerisa xana? Mina mi ndzi rivarile, a ma ha ri na mhaka na mina. Xana leswi ku nga khale ndzi miyerile, mi to tshika ku ndzi chava xana?

Yeremiya 7:29

“ ‘Byewulani misisi mi yi cukumeta kule, tlhavani mukhosi mi rila mi ri eswitsungeni, hikuva HOSI Xikwembu xi tshikile rixaka leri, eku hlundzukeni ka xona lokukulu, xi ri fularherile.’ ”

Yeremiya 12:12

Vahlaseri va tile hi le switsungeni leswi omeke swa le mananga, va rhumiwa hi HOSI Xikwembu ku herisa vanhu va xona hi matlhari, ematlhelweni hinkwawo ya tiko, ku ri hava na un'we loyi a ponaka.

Yeremiya 13:25

Lexi hi xona xiphemu xa wena, we Yerusalema, lexi mina HOSI ndzi nga ku avela xona, hikuva u ndzi rivarile, u tshemba swikwembu swa mavunwa.

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.