Yeremiya 3:19 - BIBELE Mahungu Lamanene

¹⁹ HOSI Xikwembu xi ri: “A ndzi ri ni makungu ya ku ku tlakusa exikarhi ka vana va mina va xinuna, ndzi ku nyika tiko ro tsakisa ri va ra wena, tiko ro saseka ku tlula matiko man'wana hinkwawo. A ndzi anakanya leswaku u ta ndzi vula tata wa wena, u nga ha ndzi landzuli.

Xitsonga (Bibele)

¹⁹ Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Yeremiya 3:19 Referans Kwoze

Yeremiya 3:4

A hi khale u ndzi vurile tata wa wena, naswona u ndzi vurile nakuloni ku sukela evuntshweni bya wena.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Esaya 63:16

Tata wa hina, hi wena HOSI, hikuva Abrahama a nga ha hi tivi, hambi a ri Yakobo, ú hi rivarile. Hi wena tata wa hina, ku sukela khale, hi ku thyile vito ra ‘Mukutsuri’!

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.

Vaefesa 1:5

Hikwalaho ka rirhandzu ra xona, xi lulamisile khale leswaku, ha Yesu Kriste, xi ta hi tshineta kusuhi na xona, xi hi endla vana va xona. Leswi, a ku ri ku rhandza ka xona ni makungu ya xona,

Vagalatiya 3:26

Hikuva eka Kriste Yesu hinkwenu mi vana va Xikwembu hi mhaka ya ku pfumela.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Daniele 11:45

Ú ta dzima mintsonga ya yena ya vuhosi exikarhi ka lwandle ni ntshava leyo hlawuleka etikweni lero saseka ra Israele, hambiswiritano ú ta dlayiwa, ku ri hava ni loyi a nga n'wi lamulelaka.”

Daniele 11:41

Ú ta fika ni le tikweni leri tlulaka matiko hinkwawo hi ku saseka a dlaya vanhu va madzana-dzana eka rona; lava nga ta pona i va le Edomu ntsena, ni va le Mowabu, ni lavo chaviseka exikarhi ka Vaamoni.

Daniele 11:16

Kutani mufumi wa le n'walungwini ú ta endla leswi a swi rhandzaka hi valala va yena, a nga siveriwi hi munhu; ú ta fika ni le tikweni leri tlulaka matiko hinkwawo hi ku saseka, a ri teka hinkwaro ri va ra yena.

Daniele 8:9

“Kutani eka leritsongo ra timhondzo leti ta mune, ku mila rimhondzo rin'wana lerintshwa, ri kula ku tlula mpimo, ri kongoma edzongeni, ni le vuxeni, ni le tikweni leri tlulaka matiko hinkwawo hi ku saseka.

Ezekiele 20:6

Enkarhini wolowo ndzi va tshembisile hi ku hlambanya leswaku ndzi ta va humesa etikweni ra Egipta, ndzi va yisa etikweni leri ndzi nga va hlawulela rona, ri nga tiko ro khuluka ntswamba ni vulombe, leri sasekeke ku tlula matiko man'wana hinkwawo.

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Yeremiya 12:10

Varhangeri va matiko va onhile nsimu ya mina ya vhinya, va kandziyerile tiko ra mina; a ri sasekile swinene, kambe va ri hundzule mananga.

Yeremiya 5:7

HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.

Swivuriso 3:35

Ku dzunisiwa i swa lavo tlhariha, tingana i ta swiphunta.

Pisalema 106:24

Va nyenyile tiko ro saseka ngopfu, va nga pfumeli leswi Xikwembu xi va tshembiseke swona,

1 Petro 1:17

Loko mi khongela, ma n'wi vula “Tatana”, yena loyi a avanyisaka munhu un'wana ni un'wana, a nga yi hi nghohe kambe hi mintirho ya munhu; hikokwalaho, hanyani hi xichavo, enkarhini hinkwawo wa ku xwa ka n'wina laha misaveni.

Pisalema 16:6

Ndzi averiwile vutshamo etindhawini leti tsakisaka, ina, ndzi nyikiwile ndzhaka yo saseka ngopfu.

Pisalema 89:26

Yena ú ta ku ka mina: ‘U tata wa mina ni Xikwembu xanga, khokholo leri ndzi tumbelaka eka rona!’

Yeremiya 3:17

Eminkarhini yoleyo, muti wa Yerusalema wu ta vuriwa ‘Xiluvelo xa HOSI Xikwembu’, kutani vanhu va matiko hinkwawo va ta khitikana va ya eka wona, hikwalaho ka vito ra HOSI leri wu thyiweke rona. A va nga ha tiarisi, va ta va va hambanile ni mianakanyo ya vona ya khale leyo biha.

Yeremiya 33:9

Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Duteronoma 14:1

“N'wina mi vanhu va HOSI Xikwembu xa n'wina, kutani loko ku tshuka ku lovile munhu, mi nga tlhaveli tinhlanga kumbe ku byewula nhloko,