Yeremiya 3:15 - BIBELE Mahungu Lamanene

¹⁵ Ndzi ta mi nyika varisi lava ndzi twananaka na vona, kutani va ta mi risa hi vutivi ni vutlhari.”

Xitsonga (Bibele)

¹⁵ Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

Yeremiya 3:15 Referans Kwoze

Yeremiya 23:4

Ndzi ta va hlawulela varisi lava nga ta va hlayisa; a va nga ha rhurhumeli kumbe ku chavisiwa hi nchumu, naswona a ku nga vi na un'we loyi a nga ta lahleka.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Ezekiele 34:23

Ndzi ta va veka ehansi ka murisi un'we, a nga yena Davhida nandza wa mina, kutani hi yena loyi a nga ta va murisi wa vona, a va hlayisa.

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.

1 Vakorinto 2:6

Hambiswiritano, hi vulavula hi swa vutlhari exikarhi ka lava kuleke emoyeni, byi nga ri vutlhari bya minkarhi leyi, kumbe bya tihosi ta minkarhi leyi, hikuva va le ku herisiweni;

Ezekiele 37:24

“Vaisraele hinkwavo va ta va hansi ka Davhida nandza wa mina, va risiwa hi yena ntsena. Va ta landzelela milawu ya mina, va hlayisa ni swiletelo swa mina.

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

1 Petro 2:2

Tanihi swihlangi leswa ha ku velekiwaka, mi fanele ku navela ntswamba lowu tengeke wa moya, leswaku ha wona mi ta kota ku kula mi ya eku ponisiweni,

1 SAMIELE 13:14

Kambe sweswi vuhosi bya wena a byi nga ha yi emahlweni. HOSI Xikwembu xi tihlawulele munhu loyi xi n'wi tsakelaka, kutani xi n'wi vekile ku va mufambisi wa tiko ra xona, hikuva wena a wu hlayisanga leswi Xikwembu xi ku leriseke swona.”

Yeremiya 31:10

HOSI Xikwembu xi ri: “N'wina vamatiko, yingisani rito ra mina, huwelelani mahungu ya kona ematikweni ya le kule, mi ku: ‘Loyi a hangalaseke Vaisraele, ú ta tlhela a va hlengeleta; ú ta va hlayisa ku fana ni murisi loyi a hlayisaka ntlhambi wa yena.’

Ezekiele 34:2

“Wena munhu, yana u ya tshinya tihosi leti risaka tiko ra Israele; tshinya varisi lava, u va byela leswaku mina HOSI N'wini wa hinkwaswo ndzi ni rito eka vona leri nge: ‘Mi ni khombo n'wina varisi va Israele, hikuva mi le ku tihlayiseni n'wina ntsena! Xana ntirho wa varisi a hi ku hlayisa tinyimpfu xana?