Yeremiya 3:10 - BIBELE Mahungu Lamanene

¹⁰ Etimhakeni leti hinkwato, Yuda lowa mukanganyisi makwavo wa Israele a nga hundzukanga a vuyela eka mina hi mbilu ya yena hinkwayo; ú lo tisola hi nomo ntsena. Ndzi vula sweswo mina HOSI.”

Xitsonga (Bibele)

¹⁰ Hambiswiritano, Yuda, makwavo la nga tshembekangiki, a nga ha vuyanga eka mina hi mbilu hinkwayo kambe byi va hi vunwa, ku vula Yehovha.”

Yeremiya 3:10 Referans Kwoze

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.

Yeremiya 12:2

U va simekile, va mila timitsu, va kula va veka mihandzu. Va vulavula ngopfu hi wena, kambe etimbilwini va le kule na wena.

Esaya 10:6

Ndzi va rhumile ku ya ba vanhu lava nga riki na mhaka na mina, ndzi va lerisa ku ya lwa ni lava va ndzi hlundzukiseke, va va hlasela, va phangha swa vona, va va kandziyela kukota ndzhope emagondzweni.”

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Pisalema 18:44

Kan'we kan'we loko va twa ta mina, va tinyiketa eka mina, vanhu vambe va ta eka mina va tilondlile,

2 TIKRONIKA 34:33

Kutani Yosiyasi a herisa swilo hinkwaswo swa manyala leswi a swi ri etikweni hinkwaro ra Israele, a lerisa vaaki hinkwavo va tiko ku gandzela HOSI Xikwembu xa vona. Loko Yosiyasi a ha hanya, Vaisraele a va tshikanga ku famba etindleleni ta HOSI, Xikwembu xa vakokwa wa vona.

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Yeremiya 11:10

Va tlhelele eswidyohweni swa vatata wa vona lava nga ala ku ndzi yingisa; va tinyiketile eka swikwembu swin'wana, va swi tirhela. Vaisraele swin'we na vona va ka Yuda va tshovile ntwanano lowu ndzi wu endleke ni vatata wa vona.

Amosi 4:9

“Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Malakiya 2:11

Va le Yuda a va tshembekanga, va endlile manyala layo chavisa etikweni ra Israele ni le Yerusalema. Va le Yuda va onhile yindlu leyo hlawuleka ya HOSI Xikwembu, leyi xi yi rhandzaka, hikuva va yile va ya teka vavasati lava khongelaka swikwembu swimbe.