Yeremiya 3:1 - BIBELE Mahungu Lamanene

¹ HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Xitsonga (Bibele)

¹ Va te: “Kungakuloko wanuna, a tshika nsati wa yena, kutani nsati yeloyi a suka eka yena, a ya tekiwa hi nuna un'wana, xana nuna wa yena a nga tlhela a n'wi teka xana? Tiko leri ri nga ka ri nga nyamisiwi hi ku endla sweswo-ke? Loko u ri wena, u tinyiketile vuoswi ni swigangu leswo tala xana u ta tlhelela eka mina-ke?” ku vula Yehovha.

Yeremiya 3:1 Referans Kwoze

Ezekiele 16:26

U tinyiketile eka swigangu swa wena leswo hlamarisa, va nga Vaegipta vaakelani va wena, kutani u ndzi hlundzukisile hi ku andzisa mintirho ya wena ya vunghwavava.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Hosiya 1:2

Loko HOSI Xikwembu xi sungula ku rhwexa Hosiya marito ya xona, xi te ka yena: “Leswi tiko ri endlaka vunghwavava lebyikulu hi ku fularhela mina HOSI, na wena yana u ya titekela nsati loyi a nga nghwavava, a ta ku velekela vana vo fana na yena.”

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Yeremiya 3:9

Ú tinyamisile, a nyamisa ni tiko, hikuva ú tekile vunghwavava byi nga ri vudyoho, kutani a gandzela maribye ni misinya.

Yeremiya 2:23

“Mi nga vuli mi ku: ‘A hi tinyamisanga, a hi khongelanga swikwembu swa Baali!’ Tsundzukani hilaha mi dyoheke hakona eminkoveni, anakanyani leswi mi swi endleke: A mi tsutsuma mi ya hala ni hala ku fana ni kamela ya ntswele leyi lavaka nkuzi.

Vaavanyisi 19:2

Kutani Mulevhi a holova ni nsati loyi wa yena, kutani nsati a lan'wa a ya karikwavo eBetlehema, a ya tshama kona ku ringana mune wa tin'hweti.

Mikiya 2:10

Sukani mi famba, leyi a ya ha ri ndhawu yo wisela ka yona, hikuva yi nyamisiwile, kutani mi tivangele ku herisiwa hi ndlela leyi vavisaka ngopfu.

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Yeremiya 2:7

Kutani ndzi mi fikisile etikweni leri noneke, leswaku mi tidyela mihandzu ya rona mi tiphina ha yona; kambe mi lo na nghena, mo nyamisa tiko ra mina, mi onhetela ndzhaka ya mina.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Duteronoma 22:21

ú fanele ku yisiwa eka vona, a fika a yimisiwa enyangweni, kutani vavanuna va muti wolowo va fanele ku n'wi khandla hi maribye a fa, hikuva ú ta va a endlile mhaka ya vuphukuphuku etikweni ra Israele hi ku va ni mahanyelo ya vunghwavava, loko a ha ri eka vona. Vubihi byo tano, mi fanele ku byi susa exikarhi ka n'wina.

Matewu 5:31

“Ku vuriwile, va te: ‘Loyi a tshikaka nsati wa yena, a a n'wi nyike papila ra ku n'wi tshika.’

Pisalema 106:38

Va halatile ngati leyi nga riki na nandzu ya vana va vona va xinuna ni va xisati, va humesa ha yona magandzelo va nyika swikwembu swa Vakanana, va nyamisisa sweswo tiko ra vona.

Yeremiya 22:20

HOSI Xikwembu xi ri: “We Yerusalema, khandziya ntshava ya Lebanoni u ba nkalanga, yana etikweni ra Baxani u ri karhi u huwelela; rila u ri etintshaveni ta Abarimi, hikuva vanghana va wena hinkwavo va herisiwile.

Swirilo 1:2

Nivusiku Yerusalema ú rila hi xiviti, mihloti yi xiririka emarhameni. Exikarhi ka lava khale a a rhandzana na vona, ku pfumaleka ni un'we wo n'wi miyeta; hinkwavo lava khale a va ri vanghana va yena, namuntlha va hundzuke valala eka yena, va n'wi xisa.

Hosiya 2:2

“Khongotelani mana wa n'wina, hikuva a nga ha ri nsati wa mina, na mina a ndza ha ri nuna wa yena; n'wi khongoteleni leswaku a hambana ni vunghwavava, a tshika ni timhaka ta vugangu;

Yeremiya 31:22

N'wina vanhu vo ka va nga tshembeki, tshikani ku kanakana, hikuva HOSI Xikwembu xi tumbuluxile leswintshwa etikweni: Wansati ú ta tilavela wanuna!

Ezekiele 16:30

“Mina HOSI N'wini wa hinkwaswo ndzi ri, a wu tshwa hi ku navela loko u ri karhi u endla swilo leswi hinkwaswo, u hanya kukota nghwavava yo kala ripfalo.

Ezekiele 16:35

Xikwembu xi ri: “Wena Yerusalema nghwavava ndziwena, yingisa rito ra mina.