Yeremiya 27:7 - BIBELE Mahungu Lamanene

⁷ Vanhu va matiko hinkwawo va ta n'wi tirhela, yena ni vana va yena ni vatukulu va yena, ku kondza ku fika nkarhi wa ku biwa ka tiko ra yena, kutani ri ta fumiwa hi tinxaka tin'wana leto tala ni tihosi tin'wana ta matimba.

Xitsonga (Bibele)

⁷ Matiko hinkwawo ma ta n'wi tirhela, yena, ni n'wana wa yena, ni vatukulu va yena, ku ko ku fika nkarhi lowu tiko ra yena ri nga ta tsongahatiwa hi matiko layo tala ni tihosi letikulu.

Yeremiya 27:7 Referans Kwoze

Yeremiya 52:31

Hi lembe leri Evhili-Merodaka hosi ya le Babilona a sunguleke ku fuma ha rona, ú tsetselerile Yoyakini hosi ya Yuda, a n'wi humesa ekhotsweni; a ri ri lembe ra 37 ra ku yisiwa ka Yoyakini hosi ya Yuda evukhumbini, hi siku ra 25 ra n'hweti ya vu-12.

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

Nhlavutelo 14:8

Ku landza ntsumi yin'wana ya vumbirhi, yi ku: “Ú wile, ú wile Babilona, muti lowukulu, yena loyi a nga nwisa vanhu va matiko hinkwawo evhinyo leyo bava ya vuoswi bya yena!”

Habakuku 2:7

Xana a va nga humeleli siku rin'wana hi xitshuketa, vanhu lava va nga ta mi rihisa, xana? Xana a ku nga pfuki lava va nga ta mi tsekatsekisa, xana?

Esaya 21:9

Vonani! Ku ta vanhu lava gadeke tihanci, va famba hi vambirhi-mbirhi.” Kutani ku twala rito leri nge: “Wu wile muti wa Babilona, wu wile! Swifaniso hinkwaswo swa swikwembu swa vona swi wele hansi swi fayeka.”

Esaya 13:1

Mahungu lawa Esaya n'wana Amotsi a rhwexiweke wona, hi tlhelo ra muti wa Babilona, hi lawa:

Pisalema 37:13

kambe N'wini wa hinkwaswo ú hleka lavo homboloka, hikuva wa swi vona leswaku siku ra ku avanyisiwa ka vona ri le kusuhi.

Yeremiya 27:22

swi ta tekiwa swi yisiwa eBabilona. Swi ta tshama kona ku kondza ku fika nkarhi lowu ndzi nga ta swi landza. Mina HOSI ndzi ri, ndzi ta tlhela ndzi swi vuyisa ni ku swi veka etindhawini ta swona.”

Yeremiya 34:1

Siku rin'wana, Nebukadnetsara hosi ya Babilona a ta ni mavuthu ya yena hinkwawo ku ta hlasela muti wa Yerusalema, ni miti leyi nga kusuhi na wona; naswona a ta ni mavuthu ya matiko hinkwawo lama nga hansi ka yena. Kutani Yeremiya a rhwexiwa rito hi HOSI Xikwembu:

Yeremiya 44:30

Sedekiyasi hosi ya Yuda, ndzi n'wi nyiketile emavokweni ya Nebukadnetsara hosi ya Babilona loyi a a ri nala wa yena, naswona a lava ku n'wi dlaya. Hi mukhuva wolowo, ndzi ta nyiketa Faro Hofira hosi ya Egipta emavokweni ya valala va yena lava lavaka ku n'wi dlaya. Ndzi vurisa sweswo mina HOSI!’ ”

Yeremiya 46:13

Loko Nebukadnetsara hosi ya Babilona a ri karhi a ta ku ta hlasela tiko ra Egipta, HOSI Xikwembu xi byela muprofeta Yeremiya rito ra xona leri nge:

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Daniele 4:22

Norho lowu wu vula wena, we hosi. Vukosi bya wena i byikulu, byi tiyile, byi fika ni le tilweni; misava hinkwayo yi fumiwa hi wena.

Habakuku 2:8

Leswi mi hlaseleke vaaki va matiko layo tala, hinkwavo lava saleke, hi vona lava nga ta mi hlasela, hikwalaho ka vanhu lava mi halateke ngati ya vona, kumbe hi mhaka ya leswi mi xaniseke matiko, ni miti, ku katsa ni vaaki hinkwavo va yona.

Ezekiele 30:24

Ndzi ta tiyisa mavoko ya hosi ya le Babilona, ndzi n'wi tamerisa tlhari ra mina, kambe Faro yena ndzi ta n'wi tshova mavoko. Ú ta konya emahlweni ka hosi ya le Babilona ku fana ni munhu loyi a boxiweke timbanga leto chavisa.