Yeremiya 27:4 - BIBELE Mahungu Lamanene

⁴ Kutani a lerisa varhumiwa va kona ku ya tivisa vini va vona marito lawa mina HOSI ya matimba hinkwawo Xikwembu xa Israele ndzi ma kongomisaka eka vona. Marito ya kona hi lawa:

Xitsonga (Bibele)

⁴ U va lerisa eka tihosi ta vona, u ku: ‘Ku vula Yehovha wa mavandla, Xikwembu xa Israele, mi byela tihosi ta n'wina mi ku:

Yeremiya 27:4 Referans Kwoze

Yeremiya 51:19

Xikwembu xa va ka Yakobo a xi fani ni swikwembu leswi, hikuva hi xona xi vumbeke swilo hinkwaswo, kutani xi ni vanhu lava nga va xona hi xiviri; vito ra xona i HOSI ya matimba hinkwawo.

Yeremiya 25:27

HOSI Xikwembu xi engeta xi vulavula na mina xi ku: “Byela vanhu va matiko lawa leswaku mina HOSI ya matimba hinkwawo Xikwembu xa Israele, ndzi ri: ‘Nwanani, mi pyopyiwa mi tlhela mi hlanta, mi wa mi nga ha pfuki, hikuva ndzi ta vanga tinyimpi exikarhi ka n'wina!’

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

Yeremiya 10:10

Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Yeremiya 27:3

Majoko laman'wana ma fanele ku rhumeriwa eka hosi ya Edomu, ni ya Mowabu, ni ya va ka Amoni, ni ya Tiri, ni ya Sidoni, ma yisiwa hi varhumiwa va tihosi leti. Varhumiwa lava va tile laha Yerusalema eka Sedekiyasi hosi ya Yuda.

Yeremiya 27:5

‘Ndzi tumbuluxile misava hi matimba ya mina lamakulu, ndzi tumbuluxile ni vanhu ni swiharhi leswi nga ka yona, kutani ndzi swi veka emavokweni ya munhu loyi ndzi n'wi tsakelaka.

Yeremiya 28:14

Mina HOSI ya matimba hinkwawo Xikwembu xa Israele ndzi ri: Vanhu lava hinkwavo ndzi ta va tlhandleka majoko ya nsimbhi etinhan'wini. Va ta va malandza ya Nebukadnetsara hosi ya Babilona, va n'wi tirhela; ndzi ta n'wi nyika ni swiharhi leswaku a swi fuma.’ ”