Yeremiya 27:2 - BIBELE Mahungu Lamanene

² “Mina HOSI ndzi ri: Tiendlele tinghole, u vatla ni majoko, kutani u titlhandleka rin'we enhan'wini.

Xitsonga (Bibele)

² “ ‘Ti endlele tinghole ni majoko, u tivehela enhan'wini ya wena’;

Yeremiya 27:2 Referans Kwoze

Amosi 7:4

Kutani HOSI N'wini wa hinkwaswo a tlhela a ndzi komba leswi hi xivono: A a ri karhi a tilulamisela ku tshinya vanhu hi ndzilo, wu phyisa xidziva lexikulu ehansi ka misava, kutani wu sungula ni ku herisa tiko.

Amosi 7:1

Kutani HOSI N'wini wa hinkwaswo a ndzi komba leswi hi xivono: A a ri karhi a vanga tinjiya, ti tlhotlhorhiwa hi nkarhi lowu byanyi a byi sungula ku hluka, endzhaku ka loko byi rhangile byi kutleriwa swifuwo swa hosi.

Yeremiya 27:12

Kutani mina Yeremiya ndzi yisa mahungu yo fana ni layo sungula eka Sedekiyasi hosi ya Yuda, ndzi ku ka yena: “Pfumelani ku tlhandlekiwa joko ra hosi ya Babilona ni ra vanhu va yona mi va tirhela, kutani mi ta hanya.

Yeremiya 27:11

Kambe loko vanhu va tiko rin'wana va pfumela ku tlhandlekiwa joko ra hosi ya Babilona, va nkhensa ku yi tirhela, mina HOSI ndzi ri, ndzi ta va tshamisisa etikweni ra vona, va tirimela masimu, va tiakela ni miti.’ ”

Yeremiya 30:8

“Mina HOSI ya matimba hinkwawo ndzi ri, enkarhini wolowo ndzi ta tshova majoko lama nga tinhan'wini ta vona, ndzi tsema ni tintambhu leti ti va boheke, kutani vamatiko va ta tshika ku va endla mahlonga.

Ezekiele 7:23

“Fulani tinsimbhi mi endla tinketani, hikuva tiko ri tele vadlayi, ni mintirho ya tihayi yi tate Yerusalema.

Ezekiele 30:18

Siku ndzi nga ta wisa mfumo wa tiko ra Egipta, va le Tahapanese va ta va exinyamini, kutani matimba lawa Vaegipta va tidzunisaka ha wona ma ta hela; tiko hinkwaro ri ta khubumetiwa hi xinyami, vaaki va rona va ta yisiwa evukhumbini.

1 TIHOSI 22:11

Un'wana wa vona la vuriwaka Sedekiyasi n'wana Kenana, a a furile timhondzo ta nsimbhi; a ta na tona, a ku ka Akabu: “HOSI Xikwembu xi vurisa sweswo xi ri: ‘Hi timhondzo leti, u ta susumeta Vasiriya va ko va herisiwa.’ ”

Yeremiya 25:21

ni vanhu va le Edomu, ni va le Mowabu, ni Vaamoni;