Yeremiya 27:16 - BIBELE Mahungu Lamanene

¹⁶ Kutani mina. Yeremiya ndzi vulavula ni vaprista ni ntshungu hinkwawo, ndzi va tivisa marito ya HOSI Xikwembu lama nge: “Leswi vaprofeta va n'wina va swi vulaka, mi nga swi amukeli, hikuva va hemba loko va mi tivisa leswaku swingolongondzwana leswi susiweke eTempeleni swi yisiwa le Babilona, swi ta hatla swi vuyisiwa.

Xitsonga (Bibele)

¹⁶ Ndzi ya byela vaprista ni tiko leri hinkwaro, ndzi ku: “Ku vula Yehovha, a ku: Mi nga tshuki mi yingisela marito ya vaprofeta va n'wina lava mi profetelaka, va ku: ‘Vonani swibya swa yindlu ya Yehovha swi ta tlherisiwa swi suka eBabilona sweswi,’ kasi va mi profetele vunwa.

Yeremiya 27:16 Referans Kwoze

Yeremiya 28:3

Malembe mambirhi ma nga si hundza, ndzi ta va ndzi vuyisile eTempeleni leyi swingolongondzwana swa yona hinkwaswo leswi Nebukadnetsara hosi ya Babilona a swi phangheke a famba na swona.

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Yeremiya 27:10

kasi va mi byela mavunwa ntsena! Loko mi va yingisa, mi ta yisiwa kule ni tiko ra n'wina; ndzi ta mi hangalasa, mi lovisa sweswo.

Yeremiya 27:14

Hikokwalaho mi nga tshuki mi yingisa vaprofeta lava tshamelaka ku mi tsundzuxa va ku: ‘Mi nga pfumeli ku tirhela hosi ya Babilona!’ hikuva va mi byela mavunwa.

Esaya 9:15

Nhloko, i nkulukumba kumbe munhu wo chaviseka; muprofeta loyi a dyondzisaka mavunwa, hi yena ncila;