Yeremiya 27:10 - BIBELE Mahungu Lamanene

¹⁰ kasi va mi byela mavunwa ntsena! Loko mi va yingisa, mi ta yisiwa kule ni tiko ra n'wina; ndzi ta mi hangalasa, mi lovisa sweswo.

Xitsonga (Bibele)

¹⁰ Hikuva va mi profetela mavunwa leswaku ndzi ta mi susela kule ni tiko ra n'wina, ndzi mi lahla, ndzi mi lovisa.

Yeremiya 27:10 Referans Kwoze

Yeremiya 32:31

Ku sukela loko wu sungurile ku akiwa ku fikela namuntlha, muti lowu wu tivangerile vukari bya mina lebyikulu; hikokwalaho ndzi ta wu fularhela,

Swirilo 2:14

Vaprofeta va wena va ku kanganyisile hi swivono swa mavunwa ni vuxisi; va hlulekile ku paluxa vubihi bya wena leswaku u tlhela u kateka, va ku byerile mahungu ya mavunwa, va ku yenga ha wona.

Yeremiya 28:16

Hikokwalaho HOSI Xikwembu xi nge: ‘Yingisa, ndzi ta ku susa emisaveni. U ta fa lembe reri, hikuva u tiarisile u lwa na mina HOSI.’ ”

Yeremiya 27:14

Hikokwalaho mi nga tshuki mi yingisa vaprofeta lava tshamelaka ku mi tsundzuxa va ku: ‘Mi nga pfumeli ku tirhela hosi ya Babilona!’ hikuva va mi byela mavunwa.

Yeremiya 23:25

Vaprofeta lava mina ndzi nga va rhumangiki, ndzi va twile loko va hemba va ku: ‘Hi lorhile! Hi lorhile!’

Eksoda 22:18

“Mi nga tsetseleli vanyamusoro, va dlayeni.

Duteronoma 18:10

Exikarhi ka n'wina, ku nga tshuki ku va ni loyi a humesaka magandzelo hi ku hisa n'wana wa yena wa xinuna kumbe wa xisati; naswona ku nga tshuki ku va na loyi a tirhisaka swa vungoma, ni loyi a vhumbhaka kumbe ku hlahluva, kumbe ku va nyamusoro,

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Yeremiya 14:14

Hiloko HOSI Xikwembu xi ku ka mina: “Vaprofeta va hemba loko va ku, va vulavula hi vito ra mina. A hi mina ndzi va rhumeke, a ndzi va lerisanga nchumu, hambi ku vulavula na vona a ndzi vulavulanga na vona. Swivono leswi va mi byelaka swona i mavunwa ntsena, i milorho leyi nga pfuniki nchumu; loko va vulavula na n'wina, va anakanya ntsena ku mi kanganyisa.

Yeremiya 23:16

HOSI ya matimba hinkwawo yi vurisa sweswo yi ri: “Mi nga tshuki mi yingisa leswi vaprofeta va mi byelaka swona. Loko va vulavula, va mi tshembisa leswo ka swi nga ri swona. Swivono leswi va mi byelaka swona, swi huma etinhlokweni ta vona, a hi mina ndzi va kombeke swona mina HOSI.

Yeremiya 27:15

HOSI Xikwembu xi ri: ‘Vanhu lava a va rhumiwanga hi mina. Va tivula vaprofeta va mina, kambe va hemba; hikokwalaho n'wina ni vaprofeta va n'wina ndzi ta mi hangalasa, mi lovisa sweswo.’ ”

Yeremiya 27:16

Kutani mina. Yeremiya ndzi vulavula ni vaprista ni ntshungu hinkwawo, ndzi va tivisa marito ya HOSI Xikwembu lama nge: “Leswi vaprofeta va n'wina va swi vulaka, mi nga swi amukeli, hikuva va hemba loko va mi tivisa leswaku swingolongondzwana leswi susiweke eTempeleni swi yisiwa le Babilona, swi ta hatla swi vuyisiwa.

Yeremiya 28:11

Kutani a engeta a vulavula emahlweni ka vanhu hinkwavo, a ku: “HOSI Xikwembu xi vurisa sweswo xi ri: Hi mukhuva wolowo loko ku nga si hundza malembe mambirhi, ndzi ta va ndzi tshovile joko leri Nebukadnetsara hosi ya Babilona a ri rhwexeke vanhu va matiko hinkwawo.” Kavaloko muprofeta Yeremiya a tifambela.

Daniele 4:7

Kutani vangoma, ni vavhumbhi, ni Vakalediya, ni lava tivaka tinyeleti va ta eka mina, leswaku ndzi ta va tivisa norho wa mina, kambe vona a va kotanga ku ndzi hlamusela leswi wu vulaka swona.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Zakariya 10:2

Swifaniso leswi vatliweke swa swikwembu, swona swa hemba; lava hlahluvaka va vona swivono leswi kanganyisaka, milorho leyi va yi lorhaka i mavunwa ntsena, ku khongotela ka vona a ku pfuni nchumu. Hikokwalaho Vaisraele va tsendzeleka kukota tinyimpfu, leti xanisekaka hi ku pfumala murisi.