Yeremiya 26:8 - BIBELE Mahungu Lamanene

⁸ Kutani loko a hetile ku vula hinkwaswo leswi HOSI Xikwembu xi n'wi leriseke ku ya tivisa vanhu hinkwavo, vaprista ni vaprofeta ni ntshungu hinkwawo va n'wi khoma va ku: “U fanele ku fa!

Xitsonga (Bibele)

⁸ Kuteloko Yeremiya a hetile ku vulavula hinkwako loku Yehovha a n'wi leriseke ku byela tiko hinkwaro, vaprista ni vaprofeta, ni tiko hinkwaro, va n'wi khoma, va ku: “U ta fela makumu!

Yeremiya 26:8 Referans Kwoze

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Timhaka 5:33

Loko va huvo va twa marito lawa, va kariha ngopfu, kutani va tiyimisela ku va dlaya.

Matewu 22:6

van'wana va khoma malandza ya hosi, va ma endla hi tihanyi, va ma dlaya.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

2 TIKRONIKA 36:16

Kambe vanhu va kona va yile emahlweni va sandza malandza ya Xikwembu, va ala ku amukela marito ya xona, va hlekula vaprofeta va xona, ku kondza HOSI Xikwembu xi chululela vukari bya xona ehenhla ka vona, ku pfumaleka ni loyi a ponaka eka byona.

Nhlavutelo 18:24

Eka muti lowu, a ku kumiwa ngati ya vaprofeta, ni ya vahlawuriwa va Xikwembu, ni ya hinkwavo lava nga dlawa laha misaveni.

Matewu 27:20

Kambe vaprista lavakulu ni vakulukumba va hlohlotela ntshungu leswaku va kombela Barabasi, Yesu yena a dlawa.

Yeremiya 18:23

We HOSI, makungu ya vona ya ku ndzi dlaya, u ma tiva hinkwawo. U nga tshuki u va rivalela ku dyoha ka vona, milandzu ya vona u nga yi veki kule na wena. A va wele hansi emahlweni ka wena, u va ba wa ha hlundzukile.”

Yeremiya 32:3

Hosi Sedekiyasi a a khomile Yeremiya hikuva a a vilela loko muprofeta a twarisa mahungu lawa a ma kumeke eka HOSI Xikwembu. Mahungu ya kona hi lawa: “Mina HOSI Xikwembu ndzi ri, yingisani! Ndzi ta nyiketa muti wa Yerusalema emavokweni ya hosi ya Babilona, yi wu hlasela.

Yeremiya 43:1

Kuteloko Yeremiya a hetile ku byela vanhu hinkwavo marito lawa hinkwawo, ma nga lawa HOSI Xikwembu xa vona xi n'wi leriseke ku ya va tivisa wona,

Amosi 7:10

Kutani Amasiya, muprista wa le Betele, a yisa rito eka hosi Yerobuwamu, leri nge: “Amosi ú famba a kucetela vanhu va Israele leswaku va hambana na wena; hinkwaswo leswi a swi vulaka, tiko a ra ha lavi ku swi twa!

Yeremiya 1:19

Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”