Yeremiya 26:21 - BIBELE Mahungu Lamanene

²¹ Hosi Yoyakimi a twa marito ya Uriya a ri ni tinhenha ta yena ni varhangeri va tiko, kutani a ringeta ku n'wi dlaya, kambe Uriya a swi twa, kutani a chava, a tsutsuma a ya tumbela le Egipta.

Xitsonga (Bibele)

²¹ Hosi Yoyakimi, ni tindhuna hinkwato ta yena, ni vakulukumba hinkwavo, loko va twa ku vulavula ka yena, hosi yi lava ku n'wi dlaya, kambe Uriya, loko a swi twile, a chava, a tsutsuma a ya eEgipta.

Yeremiya 26:21 Referans Kwoze

Matewu 10:23

Loko va mi xanisa emutini wun'wana, tsutsumelani eka wun'wanyana, hikuva ndzi tiyisile ndzi ri ka n'wina: N'wana-wa-Munhu ú ta humelela, mi nga si hlanganisa miti hinkwayo ya Israele.

Matewu 14:5

Heroda a a navela ku n'wi dlaya, kambe a a chava vanhu hikuva a va ku: “Yohane i muprofeta!”

Yeremiya 36:26

Kutani hosi Yoyakimi a lerisa Yerahamiele n'wana wa yena, na Seraya n'wana Aziriele, na Xelemiya n'wana Abideli, leswaku va ya khoma matsalani Baruku, va khoma na yena muprofeta Yeremiya; kambe HOSI Xikwembu a xi va tumbetile.

2 TIKRONIKA 16:10

Marito lawa ma tlhontlha vukari bya hosi Asa. Eku hlundzukeni ka yena lokukulu, a lerisa leswaku va boha Hanani mavonakule hi tinsimbhi, va n'wi pfalela ekhotsweni. Asa ú xanisile ni vanhu van'wana va tiko ra yena hi ndlela yeleyo.

Marka 6:19

Herodiya a a hlundzukele Yohane, a navela ku n'wi dlaya, kambe a a tsandzekile,

Matewu 10:39

Loyi a lavaka ku tihlayisela vutomi bya yena, ú ta lahlekeriwa ha byona; kambe loyi a lahlekeriwaka hi vutomi bya yena hikwalaho ka mina, ú ta byi kuma.

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Swivuriso 29:25

Ku chava munhu i ku tirhiyela ntlhamu, kambe loyi a tshembaka HOSI Xikwembu, ú hlayisekile.

Pisalema 119:109

Minkarhi hinkwayo ndzi le kusuhi ni ku dlawa, kambe a ndzi rivali nawu wa wena.

2 TIKRONIKA 24:21

Kavaloko ntshungu wu n'wi tshama xikungu, kutani hi ku lerisiwa hi hosi Yowasi, wu ya n'wi khandla hi maribye exivaveni xa Tempele, wu n'wi dlaya.

Yeremiya 26:10

Loko varhangeri va tiko ra Yuda va twa leswi humelelaka, va hatla va suka entsindza, va tlhandlukela eTempeleni, va fika va tshama eswitshan'wini swa vona ehubyeni, kusuhi ni nyangwa ya Tempele leyi vuriwaka “Nyangwa Leyintshwa”.

Yeremiya 38:4

Kutani vakulukumba va ya byela hosi Sedekiyasi va ku: “Wanuna loyi ú fanele ku dlawa, hikuva ku vulavula ka yena ku lolohisa masocha hinkwawo lama saleke emutini, ni vanhu van'wana hinkwavo. Munhu loyi ú va navelela leswo biha ematshan'wini ya leswo saseka.”

1 TIHOSI 18:10

Ndza tiyisa emahlweni ka HOSI Xikwembu xa wena lexi hanyaka ndzi ri: N'wini wa mina ú rhumerile malandza evanhwini va tinxaka hinkwato ni va mimfumo hinkwayo, ma famba ma ku lava hinkwako. Kutani loko va hlamula Akabu va ku: ‘Eliya a nga kona laha ka hina’, yena a a sindzisa vanhu va mimfumo yoleyo ni va tinxaka toleto leswaku va hlambanya, kutani a va hlambanya va ku: ‘Eliya a hi si n'wi vona haleno.’