Yeremiya 26:2 - BIBELE Mahungu Lamanene

² “Yima exivaveni xa Tempele laha vanhu hinkwavo va ka Yuda va taka ku ta khongela, u va tivisa timhaka hinkwato leti ndzi ku lerisaka tona; u nga va fihleli nchumu!

Xitsonga (Bibele)

² “Yehovha u vula, a ku: Famba, u yima erivaleni ra yindlu ya Yehovha, u byela va miti hinkwayo ya Yuda, lava nghenaka ku ya khinsama endlwini ya Yehovha marito hinkwawo lawa ndzi ku lerisaka ku va byela wona; u nga va fihleli rito, hambi ri ri rin'we.

Yeremiya 26:2 Referans Kwoze

Duteronoma 4:2

Eka leswi ndzi mi lerisaka swona, mi nga engeteli nchumu, naswona mi nga hunguti nchumu; hlayisani swileriso swa HOSI Xikwembu xa n'wina, leswi ndzi mi lerisaka swona.

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Yeremiya 19:14

Kutani Yeremiya a vuya hi le Tofete, laha HOSI Xikwembu a xi n'wi rhumile kona ku ya vula rito ra xona, a ya yima erivaleni ra Tempele, a vulavula ni Vaisraele hinkwavo, a ku:

Yeremiya 1:17

“Wena Yeremiya, tilulamise! Suka u yima, u ya va byela hinkwaswo leswi ndzi ku lerisaka swona. U nga va chavi, hikuva loko wo va chava, a ndzi nga ku pfuni.

Timhaka 20:20

Ma swi tiva leswaku a ndzi mi fihlelanga nchumu xa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n'wina.

Timhaka 5:42

Kutani masiku hinkwawo, a va nga rhuteli ku dyondzisa ni ku twarisa Evhangeli eTempeleni ne mindyangwini ya vanhu, va ku: “Mesiya, hi yena Yesu.”

Yohane 18:20

Yesu a n'wi hlamula, a ku: “Ndzi vulavurile erivaleni emahlweni ka vanhu hinkwavo. Ndzi dyondzisile minkarhi hinkwayo emasinagogeni ni le Tempeleni, laha Vayuda hinkwavo va hlengeletanaka kona, a ndzi vulanga nchumu exihundleni.

Ezekiele 3:10

A engeta a ku ka mina: “Rhiya ndleve we Ezekiele, u yingisa hinkwaswo leswi ndzi ku byelaka swona, u swi hlayisa embilwini ya wena.

Yeremiya 36:10

Kutani Baruku a yima eTempeleni emahlweni ka yindlu ya Gemariya n'wana Xafani lowa matsalani; yindlu ya kona a yi ri exivaveni xa le henhla xa Tempele, kusuhi ni nyangwa leyi vuriwaka “Nyangwa Leyintshwa”, kutani Baruku a hlayela vanhu hinkwavo marito ya Yeremiya lama tsariweke ebukwini, va ma twa hinkwawo.

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Yeremiya 7:2

ku ya yima enyangweni ya Tempele, a vulavula ni va ka Yuda hinkwavo lava nghenaka ku ya gandzela eka yona. Leri hi rona rito ra HOSI leri a va khongoteleke ku yingisa rona:

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Nhlavutelo 22:19

Ni loko un'wana a nga susa swin'wana eka marito ya vuhlavuteli bya buku leyi, Xikwembu xi ta n'wi sivela ku dya mihandzu ya murhi wa vutomi, ni ku tshama emutini lowo hlawuleka, swi nga swilo leswi hlamuseriweke ebukwini leyi.

Timhaka 5:25

Kambe ku fika munhu un'wana, a va byela mahungu, a ku ka vona: “Maswivo, vavanuna lava mi va ngheniseke ekhotsweni, va le Tempeleni, va karhi va dyondzisa vanhu.”

Yohane 8:2

Nimixo, a hubuta a vuyela eTempeleni; vanhu hinkwavo va ta eka yena, kutani a tshama hansi, a sungula ku va dyondzisa.

Luka 19:47

Yesu a a dyondzisa eTempeleni masiku hinkwawo. Kambe vaprista lavakulu ni vatsari swin'we ni vakulukumba va tiko, a va lava ku n'wi dlaya.

Yeremiya 42:4

Muprofeta Yeremiya a va hlamula a ku: “Ndzi mi twile; ndzi ta khongela HOSI Xikwembu xa n'wina hilaha mi kombeleke hakona, kutani nhlamulo leyi xi nga ta mi nyika yona, ndzi ta mi tivisa yona. A ndzi nga mi fihleli nchumu.”

Duteronoma 12:5

HOSI Xikwembu xa n'wina xi ta hlawula ndhawu leyi vito ra xona ri nga ta gandzeriwa eka yona; xi ta yi hlawula exikarhi ka tinyimba ta n'wina hinkwato; endhawini leyi, hi kona laha mi nga ta ya mi ya hlangana na xona kona.

Yeremiya 7:27

“We Yeremiya, u ta va byela marito lawa hinkwawo, kambe a va nga yingisi; u ta va vitana, kambe a va nga hlamuli.

Ezekiele 33:7

“Na wena Ezekiele, ndzi ku vekile ku va mulanguteri wa Vaisraele. Nkarhi wihi na wihi, u ta fanela ku va tshinya hi vito ra mina, loko ndzi ta va ndzi vulavurile na wena.

Ezekiele 40:4

Wanuna loyi a ku ka mina: “Wena munhu, pfula mahlo u rhiya ni ndleve, u ringeta ku tsundzuka hinkwaswo leswi ndzi nga ta ku komba swona, hikuva hi xona xikongomelo xa ku tisiwa ka wena haleno; kutani u ta ya tivisa Vaisraele hinkwaswo leswi u swi vonaka kwala.”

Yoxuwa 8:35

Yoxuwa a nga tlulanga hambi ri ri rito ni rin'we ra lawa Muxe a ma leriseke. Ú hlayerile ntshungu hinkwawo wa Vaisraele. Vavasati, ni vana, ni vanhu lava luveleke exikarhi ka Vaisraele, na vona a va ri kona.

Yeremiya 1:7

Kambe HOSI Xikwembu xi ku ka mina: “U nga vuli leswaku wa ha ri ntsongo, hikuva u ta ya eka vanhu hinkwavo lava ndzi nga ta ku rhuma eka vona, u ya va byela hinkwaswo leswi ndzi nga ta ku lerisa swona.

Yeremiya 25:2

Kutani muprofeta Yeremiya a ya vulavula ni vanhu hinkwavo va ka Yuda ni vaaki hinkwavo va Yerusalema, a ku ka vona:

Yeremiya 28:5

Kutani muprofeta Yeremiya a hlamula muprofeta Hananiya ni vaprista, vanhu hinkwavo lava a va ri eTempeleni va ri karhi va swi twa,