Yeremiya 26:11 - BIBELE Mahungu Lamanene

¹¹ Hiloko vaprista ni vaprofeta va mangalela Yeremiya emahlweni ka varhangeri ni ntshungu hinkwawo, va ku: “Munhu loyi ú fanele ku fa, hikuva ú tiendlile muprofeta a vulavula swo biha ehenhla ka muti lowu, hilaha mi swi tweke hakona.”

Xitsonga (Bibele)

¹¹ Vaprista ni vaprofeta va byela vakulukumba ni tiko hinkwaro, Va ku: “Munhu yeloyi u lulamela hi rifu, hikuva u profetile hikwalaho ka muti lowu hilaha mi swi tweke hakona hi tindleve ta n'wina.”

Yeremiya 26:11 Referans Kwoze

Yeremiya 38:4

Kutani vakulukumba va ya byela hosi Sedekiyasi va ku: “Wanuna loyi ú fanele ku dlawa, hikuva ku vulavula ka yena ku lolohisa masocha hinkwawo lama saleke emutini, ni vanhu van'wana hinkwavo. Munhu loyi ú va navelela leswo biha ematshan'wini ya leswo saseka.”

Matewu 26:66

Va hlamula, va ku: “Ú fanekele ku fa.”

Duteronoma 18:20

Kambe muprofeta loyi a vulavulaka hi vito ra mina, ndzi nga n'wi rhumanga, kumbe loyi a vulavulalaka swikwembu swa hava, ú ta dlayiwa.’

Timhaka 22:22

Va n'wi yingisela ku ya fika loko a vula sweswo, kutani va tlakusa rito, va ku: “Munhu lowo tano a a susiwe emisaveni, a a dlawe! A nga faneriwanga hi ku hanya!”

Yohane 19:7

Vayuda va n'wi hlamula, va ku: “Hi ni nawu, kutani hi nawu wa hina ú fanele ku fa, hikuva ú tiendlile N'wana wa Xikwembu.”

Yohane 18:30

Va hlamula va ku ka yena: “Loko munhu loyi a nga dyohanga, a hi nga ta n'wi nyiketa eka wena.”

Yeremiya 18:23

We HOSI, makungu ya vona ya ku ndzi dlaya, u ma tiva hinkwawo. U nga tshuki u va rivalela ku dyoha ka vona, milandzu ya vona u nga yi veki kule na wena. A va wele hansi emahlweni ka wena, u va ba wa ha hlundzukile.”

Yeremiya 26:16

Kutani varhangeri va tiko ni ntshungu hinkwawo va vulavula ni vaprista ni vaprofeta, va ku: “A ku na nandzu lowu munhu loyi a fanelaka ku dlayiwa hikwalaho ka wona, hikuva leswi a nga hi byela swona swi huma eka HOSI Xikwembu xa hina.”

Vaavanyisi 6:30

Hiloko vavanuna va muti va ku ka Yowasi: “Tisa n'wana wa wena hi ta n'wi dlaya, hikuva ú mbundzumuxile alitari ya Baali, a tlhela a tsema ni mhandze ya Axera leyi a yi ri etlhelo ka yona, yi wela hansi.”