Yeremiya 24:8 - BIBELE Mahungu Lamanene

⁸ “Kambe loko a ri Sedekiyasi hosi ya Yuda ni tindhuna ta yena ni vanhu va Yerusalema lava saleke etikweni leri, swin'we ni lava balekeke va ya tshama etikweni ra Egipta, mina HOSI ndzi ri, ndzi ta va cukumeta ku fana ni makuwa lama boleke lama nga dyiwiki hi munhu.

Xitsonga (Bibele)

⁸ “Kutani kukotisa sweswi endliwaka eka makuwa layo biha, lama nga dyiwiki hikuva ma bihile, ku vula Yehovha, ndzi ta endla sweswo eka Sedekiyasi, hosi ya Yuda, ni ka tindhuna ta yena, ni ka nsalo wa Yerusalema, lowa ha seleke etikweni lero, ni ka lava akeke etikweni ra Egipta.

Yeremiya 24:8 Referans Kwoze

Yeremiya 43:1

Kuteloko Yeremiya a hetile ku byela vanhu hinkwavo marito lawa hinkwawo, ma nga lawa HOSI Xikwembu xa vona xi n'wi leriseke ku ya va tivisa wona,

Yeremiya 37:17

Kambe siku rin'wana, hosi Sedekiyasi a rhuma vanhu va ya teka Yeremiya, va vuya na yena entsindza; kutani Sedekiyasi a vitanela muprofeta endlwini ya yena, a vulavula na yena exihundleni, a n'wi vutisa a ku: “Xana u na wona mahungu lama humaka eka HOSI Xikwembu xana?” Yeremiya a hlamula a ku: “Ina, ma kona. Mahungu ya kona hileswaku wena u ta nyiketiwa eka hosi ya le Babilona!”

Yeremiya 24:2

Endzeni ka xirhundzu xin'we, a ku ri ni makuwa layo saseka swinene yo fana ni ya matatana; kasi exirhundzwini lexin'wana a ku ri ni makuwa lama boleke, lawa ku nga riki na munhu loyi a nga navelaka ku ma dya.

Yeremiya 37:10

Hambiloko mi nga hlula mavuthu hinkwawo ya Vakalediya lava lwaka na n'wina, ku sala ntsena lava tlhaviweke enyimpini va etlele emintsongeni ya vona, siku rin'wana va ta pfuka, va ta va ta hisa muti lowu.’ ”

Yeremiya 24:5

“Mina HOSI Xikwembu xa Israele ndzi vurisa sweswo ndzi ri: Vanhu va tiko ra Yuda lava ndzi va yiseke evukhumbini etikweni ra Vakalediya kule ni xivandla lexi, ndzi va vona va ri lavanene, ku fana ni makuwa lamanene lawa.

Yeremiya 21:10

Mina HOSI ndzi ri, ndzi tiyimiserile ku ba muti lowu, ku nga ri ku wu katekisa. Wu ta wela emavokweni ya hosi ya Babilona, yona yi ta wu hisa.”

Yeremiya 44:1

Yeremiya a ya vulavula ni va ka Yuda hinkwavo lava tshamaka etikweni ra Egipta, eMigidolo ni le Tahapanese ni le Nofu ni le matlhelweni ya Patroso, a va tivisa marito ya HOSI Xikwembu lama nge:

1 TIKRONIKA 3:15

Vana va Yosiyasi hi ku tlhandlamana ka vona hi lava: Yohanani, na Yoyakimi, na Sedekiyasi, na Xalumi; hinkwavo i mune.

Yeremiya 13:7

Hiloko ndzi suka ndzi ya handza le Yufrata, laha a ndzi fihlile vamba kona, kutani ndzi kuma leswaku a ri onhakile, ri nga ha pfuni nchumu.