Yeremiya 24:6 - BIBELE Mahungu Lamanene

⁶ Ndzi ta va languta hi tintswalo ndzi va katekisa; ndzi ta va vuyisa etikweni leri, ndzi va tiyisa ndzi nga ha va wisi; ndzi ta va simeka ndzi nga ha va tsuvuli.

Xitsonga (Bibele)

⁶ Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Yeremiya 24:6 Referans Kwoze

Yeremiya 42:10

‘Loko mi nga tshama etikweni leri, ndzi ta mi tiyisa ematshan'wini ya ku mi herisa, ndzi ta mi simeka ematshan'wini ya ku mi tsuvula, hikuva swa ndzi vavisa ku anakanya makhombo lawa ndzi mi beke ha wona.

Yeremiya 29:10

“HOSI Xikwembu xi vurisa sweswo xi ri: ‘Loko va le Babilona va ta va va mi fumile malembe ya 70, ndzi ta ta ndzi ta mi pfuna, ndzi hetisa leswi ndzi mi tshembiseke swona, kutani ndzi ta mi vuyisa exivandleni lexi.

Yeremiya 33:7

Va ka Yuda ni Vaisraele, ndzi ta tlhela ndzi va katekisa, ndzi va tiyisa ku fana ni khale.

Yeremiya 32:41

Ndzi ta tsaka ku va katekisa hi mbilu ya mina hinkwayo, ndzi va nyika vutshamo lebyi tiyeke etikweni rorero.

Yeremiya 12:15

Kambe endzhaku ka loko ndzi ta va ndzi va hlongorile, ndzi ta tlhela ndzi va twela vusiwana, ndzi va tlherisela hinkwavo ematikweni lawa ndzi va nyikeke wona leswaku ma va ndzhaka ya vona.

Yeremiya 1:10

Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Yeremiya 32:37

Yingisani! Vanhu va wona ndzi ta va hlengeleta va huma ematikweni hinkwawo lawa ndzi va hangalaseke va ya eka wona, siku ndzi va hlundzukeleke ni ku va karihela; ndzi ta va vuyisa exivandleni lexi, ndzi va nyika ku tshamiseka eka xona.

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,

1 Petro 3:12

Hikuva mahlo ya Hosi ma tsakela lavo lulama, ni tindleve ta yona ti pfulekele swikhongelo swa vona, kambe Hosi yi fularhela lava endlaka swo biha.”

Ezekiele 36:24

N'wina Vaisraele, ndzi ta mi hlengeleta mi huma ematikweni ya vanhu vambe, ndzi mi vuyisa etikweni ra n'wina.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Nehemiya 5:19

We Xikwembu xanga, ndzi tsundzuke, u ndzi katekisa hikwalaho ka hinkwaswo leswi ndzi swi endlelaka vanhu lava.

2 TIKRONIKA 16:9

HOSI Xikwembu a xi tshiki ku hoxa tihlo hala ni ala emisaveni, xi hatla xi ya tiyisa vanhu lava va xi tshembaka. Kambe leswi wena u swi endleke, i vuphukuphuku ntsena! Hikokwalaho, ku sukela sweswi, u ta tshamela ku hlaselana ni vaakelani va wena.”

Duteronoma 11:12

Tiko leri, HOSI Xikwembu xi tikarhatela rona minkarhi hinkwayo, xi ri hlayisa ku sukela loko lembe ri sungula ku kondza ri ya hela.

Yeremiya 21:10

Mina HOSI ndzi ri, ndzi tiyimiserile ku ba muti lowu, ku nga ri ku wu katekisa. Wu ta wela emavokweni ya hosi ya Babilona, yona yi ta wu hisa.”

Pisalema 44:2

Hi wena hi xiviri xa wena u hlongoleke vamatiko, kambe vanhu va wena, u va nyikile vutshamo; u bile vamatiko, kambe vanhu va wena, u va katekisile.

Yeremiya 16:15

Kambe loko va hlambanya va ta ku: ‘Xikwembu xi kona, xona lexi humeseke Vaisraele etikweni ra le n'walungwini, ni le matikweni hinkwawo lawa xi va hlongoleke va ya eka wona!’ Mina HOSI ndzi ta va tlherisela etikweni ra vona, ri nga leri ndzi ri nyikeke vatata wa vona.”

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Yeremiya 31:28

Eminkarhini leyi nga hundza, a ndzi tiyimiserile ku va tsuvula ni ku va handzulela, ndzi va mbundzumuxa ni ku va herisela makumu, ndzi va vangela makhombo; kambe sweswi ndzi tiyimisele ku va aka ni ku va simeka; ndzi vula sweswo mina HOSI.

Yeremiya 33:9

Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Amosi 9:14

Ndzi ta tlhela ndzi katekisa vanhu va mina va Israele, va ta pfuxa marhumbi ya miti ya vona, va tshama eka yona. Va ta byala tivhinya, va nwa vhinyo ya kona, va ta rima mintanga, va dya ntshovelo wa yona.

Genesa 44:21

Hiloko wena u ta ku ka hina malandza ya wena: ‘N'wi tiseni haleno, leswaku ndzi ta n'wi vona.’

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Yeremiya 39:12

“Teka muprofeta, u n'wi hlayisa swinene; u nga tshuki u n'wi xanisa, kambe u n'wi endlela leswi a swi kombelaka.”