Yeremiya 23:9 - BIBELE Mahungu Lamanene

⁹ Lawa i mahungu ehenhla ka vaprofeta: Ndzi le ku karhatekeni lokukulu, miri wa mina hinkwawo wa rhurhumela; ndzi fana ni munhu la pyopyiweke, la dedelekisaka hi vhinyo; ndzi karhatiwa hi marito layo hlawuleka lawa HOSI Xikwembu xi ndzi byeleke wona,

Xitsonga (Bibele)

⁹ Mbilu yanga yi tshovekile exikarhi ka mina; marhambu ya mina hinkwawo ma karhi ma ngundzangundza, ndzi kotisa munhu la pyopyiweke ni munhu la hluriweke hi vhinyo, hikwalaho ka Yehovha, ni hikwalaho ka marito ya ku kwetsima ka yena.

Yeremiya 23:9 Referans Kwoze

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Swirilo 3:15

Ú ndzi dyisa leswo bava ndzi ko ndzi hlamba timbilu, a ndzi nwisa nyongwa ndzi kala ndzi hlanta.

Esaya 51:21

Rhiyani ndleve, n'wina mi xanisiwaka, n'wina mi pyopyiweke mi nga nwanga vhinyo:

Pisalema 60:3

Vanhu va wena u va kombile maxangu. U hi sindzisile ku nwa vhinyo leyo bava leyi yi hi dedelekisaka.

Varhoma 7:9

Khale, a ndzi ri la hanyaka, ndzi nga ri ehansi ka Nawu; kambe hi ku ta ka xileriso, ku dyoha ku pfuka ku hanya, kutani mina ndzi fa.

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Esaya 29:9

Dadavalani, mi tiendla madadada, pfalani mahlo, mi tiendla lavo-fe-mahlo! A mi nwanga vhinyo, kambe mi pyopyiwile, ma dedeleka, kambe a mi nwanga byalwa!

Esaya 28:1

Yi ni khombo, harhi leyi swidakwa swa ka Efrayimi swi tinyungubyisaka ha yona: Swiluva swa yona swi ta vuna! Wu ni khombo muti wa vanhu vo hluriwa hi hinyo, lowu akiweke enhlohlorhini ya ntshava, lowu langutanaka ni masimu layo nona:

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Pisalema 69:20

Va ndzi rhuketele ku kondza mbilu ya mina yi vava, kutani ndzi hela ntamu. Ndzi lavile wo ndzi twela vusiwana, kambe a ndzi n'wi kumanga, ndzi pfumarile ni muchaveleri.

Yeremiya 8:18

Gome leri ri ndzi khomeke a ri heli, mbilu ya mina yi vava ngopfu.

Yeremiya 20:9

Loko ndzi ku: “A ndzi nga ha vulavuli nchumu hi HOSI Xikwembu, kumbe ku dyondzisa hi vito ra xona”, endzeni ka mina ku pfurha ndzilo lowukulu, mbilu ya mina ya tshwa ha wona, kutani ndzi karhala ku wu tiyisela, ndzi tsandzeka ku miyela.

Yeremiya 36:16

Loko va twile timhaka ta kona hinkwato, va tshuka ngopfu, va langutana, kutani va ku ka Baruku: “Mahungu lawa hinkwawo, hi fanele ku ya ma vikela hosi!”

Ezekiele 13:3

Mina HOSI N'wini wa hinkwaswo ndzi ri, va ni khombo vaprofeta lava va maphuphula, hikuva va pfumela ku fambisiwa hi miehleketo ya vona, va nga nyikiwanga xivono.