Yeremiya 23:8 - BIBELE Mahungu Lamanene

⁸ Kambe loko va hlambanya va ta ku: ‘Xikwembu xi kona, xona lexi humeseke Vaisraele etikweni ra le n'walungwini, ni le matikweni hinkwawo lawa xi va hlongoleke va ya eka wona!’ Kutani va ta tshamiseka etikweni ra vona.”

Xitsonga (Bibele)

⁸ Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 23:8 Referans Kwoze

Ezekiele 34:13

Ndzi ta tlhela ndzi ti hlengeleta, ndzi ti humesa ematikweni lawa hinkwawo, kutani ndzi ta ti vuyisa etikweni ra tona ra xiviri. Ndzi ta ti khayima ti ya dya etintshaveni ta Israele laha ku nga na mati, ti nga ha tshami emananga.

Sofoniya 3:20

Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”

Ezekiele 39:28

Vaisraele va ta tiva leswaku hi mina ndzi nga HOSI, Xikwembu xa vona, hikuva ndzi ta va ndzi va hlengeletile, ndzi va vuyisa etikweni ra vona, ku nga sali na un'we wa vona ematikweni ya vanhu vambe, laha a ndzi va yisile evukhumbini kona.

Ezekiele 37:25

Va ta tshama etikweni leri vatata wa vona a va akile eka rona, ri nga tiko leri ndzi ri nyikeke Yakobo nandza wa mina; vona ni vana va vona ni vatukulu va vona va ta tshama eka rona minkarhi hinkwayo, kutani Davhida nandza wa mina ú ta va hosi ya vona hilaha ku nga heriki.

Ezekiele 36:24

N'wina Vaisraele, ndzi ta mi hlengeleta mi huma ematikweni ya vanhu vambe, ndzi mi vuyisa etikweni ra n'wina.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Yeremiya 8:3

Hinkwavo lava poneke ku fa, erixakeni leri ra vanhu lavo homboloka, va nga lava ndzi nga ta va hangalasa ni matiko, va ta phirhiwa hi vutomi va navela rifu ntsena. Ndzi vula sweswo mina HOSI ya matimba hinkwawo.”

Yeremiya 16:15

Kambe loko va hlambanya va ta ku: ‘Xikwembu xi kona, xona lexi humeseke Vaisraele etikweni ra le n'walungwini, ni le matikweni hinkwawo lawa xi va hlongoleke va ya eka wona!’ Mina HOSI ndzi ta va tlherisela etikweni ra vona, ri nga leri ndzi ri nyikeke vatata wa vona.”

Yeremiya 30:3

hikuva nkarhi wa ta lowu ndzi nga ta tlhela ndzi katekisa vanhu va mina, va nga vona Vaisraele ni va ka Yuda. Ndzi ta va vuyisa etikweni leri ndzi ri nyikeke vatata wa vona, kutani va ta ri teka ri va ra vona; ndzi vula sweswo mina HOSI.”

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Yeremiya 31:8

Ndzi ta va vuyisa va suka etikweni ra le n'walungwini, ndzi ta va hlengeleta va huma evugimamusi; exikarhi ka vona, ku ta va ni lavo-fe-mahlo ni swilema, vamanana lava tikeke ni vatswedyana, va ta vuya haleno va ri ntshungu lowukulu.

Yeremiya 32:37

Yingisani! Vanhu va wona ndzi ta va hlengeleta va huma ematikweni hinkwawo lawa ndzi va hangalaseke va ya eka wona, siku ndzi va hlundzukeleke ni ku va karihela; ndzi ta va vuyisa exivandleni lexi, ndzi va nyika ku tshamiseka eka xona.

Ezekiele 28:25

HOSI N'wini wa hinkwaswo ú vurisa sweswo ú ri: “Ndzi ta hlengeleta Vaisraele va huma ematikweni lawa va hangalasiweke va ya eka wona; ndzi ta komba ku hlawuleka ka mina exikarhi ka vona, vamatiko va ri karhi va swi vona, kutani va ta tshama etikweni leri ndzi ri nyikeke nandza wa mina Yakobo, ri va ra vona.

Yuwele 3:7

Kambe sweswi, ndzi ta ya va teka lomu mi va xaviseke kona; leswi mi swi endleke, ndzi ta swi vuyisela eka n'wina.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Yeremiya 16:14

HOSI Xikwembu xi ri: “Nkarhi wa ta lowu vanhu va nga ta ka va nga ha hlambanyi va ku: ‘Xikwembu xi kona, xona lexi humeseke Vaisraele etikweni ra Egipta!’

Ezekiele 36:35

Kutani va ta ku: ‘Tiko leri, a ri hundzukile mananga, kambe sweswi ri fana ni ntanga wa Edeni; miti ya rona a yi hirimuxiwile yi hundzuka marhumbi layo chavisa, kambe sweswi yi ni vanhu, i makhokholo!’

Mikiya 7:15

Endla mahlori emahlweni ka hina, kukota eminkarhini leyi u humeke na hina etikweni ra Egipta.