Yeremiya 23:6 - BIBELE Mahungu Lamanene

⁶ Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Xitsonga (Bibele)

⁶ Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Yeremiya 23:6 Referans Kwoze

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Yeremiya 33:16

Enkarhini wa kona, va ka Yuda va ta ponisiwa, na wona muti wa Yerusalema wu ta tshama wu hlayisekile, wu ta hamba wu vuriwa ‘HOSI-mulweri-wa-hina’!”

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Yeremiya 32:37

Yingisani! Vanhu va wona ndzi ta va hlengeleta va huma ematikweni hinkwawo lawa ndzi va hangalaseke va ya eka wona, siku ndzi va hlundzukeleke ni ku va karihela; ndzi ta va vuyisa exivandleni lexi, ndzi va nyika ku tshamiseka eka xona.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Zakariya 3:10

“Esikwini rolero, mi ta rhambana hinkwenu, mi titshamela emindzhutini ya mirhi ya n'wina ya vhinya ni ya minkuwa. Ndzi vurisa sweswo mina HOSI ya matimba hinkwawo.”

Sofoniya 3:13

Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Obadiya 1:21

Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.

Hosiya 2:18

Hi siku rero, ndzi ta endla ntwanano exikarhi ka wena ni swiharhi swa nhova, ni tinyanyana, ni swikokovi; ndzi ta herisa tinyimpi etikweni hi ku tekela tinhenha evurha ni fumu, kutani u ta etlela u nga ha chavi nchumu!

Hosiya 1:7

Kambe vanhu va tiko ra Yuda vona, ndzi ta va tsetselela mina HOSI Xikwembu xa vona, ndzi va ponisa. A ndzi nga ha va ponisi hi swa tinyimpi swo fana ni vurha, kumbe fumu, kumbe tihanci, hambi va ri vagadi va tihanci.”

Esaya 54:17

hikokwalaho, matlhari hinkwawo lama endleriweke ku ku dlaya, a ma nga pfuni nchumu, u ta kaneta ni vanhu hinkwavo lava va ku lumbetaka ehubyeni. Leyi hi yona ndzhaka ya malandza ya mina HOSI, ndzi ta va lwela hi ndlela yoleyo. Ndzi vurisa sweswo, mina HOSI.”

Esaya 35:9

Gondzo leri a ri nga vi na tinghala, swiharhi leswi dlayaka a swi nga yi eka rona, ni xin'we xa swona a xi nga tshineli, eka rona ku ta famba vanhu lava HOSI Xikwembu xi va kutsuleke.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Esaya 33:22

Tintambhu ta tingalava leti nga tshukaka ti hundza hi kona, ti ta debya, timhandze ta tona a ti nga tiyi, maseyila ma ta va ma nga vambekanga. Kutani hi ta phangha swilo swa vona hinkwaswo hi avelana swona, hambi swi ri swilema, swi ta ya eku phangheni. HOSI Xikwembu hi xona xi nga ta va mulweri ni mufumi wa hina, xi ta va hosi ya hina leyi nga ta hi ponisa.

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

1 TIHOSI 4:25

Enkarhini hinkwawo wa ku fuma ka Solomoni, vanhu va Yuda na Israele a va hanya hi ku rhula va hlayisekile, ku sukela eDani ku fikela eBerexeba, un'wana ni un'wana a titshamele endzhutini wa murhi wa yena wa vhinya, kumbe endzhutini wa nkuwa wa yena.

Esaya 42:6

“Hi mina HOSI Xikwembu! Ndzi ku vitanerile ku ta tirha leswo lulama, ndzi ku khomile hi voko ndzi ku hlayisa; ndzi ta tirhisa wena ku endla ntwanano ni vanhu hinkwavo, hi wena u nga ta tisa ku vonakala ematikweni.

Yeremiya 29:11

Makungu lawa ndzi nga na wona ehenhla ka n'wina, ma tiviwa hi mina ntsena. Mina HOSI ndzi ri, makungu ya kona i ya ku mi katekisa, ku nga ri ku mi vangela makhombo; ndzi mi tshembisa leswaku ma ha ta vona minkarhi leyi taka.

Yeremiya 33:15

Emasikwini walawo ni le minkarhini ya kona, ndzi ta mirisela Davhida ehluke lerinene, yi nga hosi leyi nga ta fuma tiko hi ku lulama ni ku tshembeka.

Ezekiele 21:27

Muti wa Yerusalema ndzi ta wu endla rhumbi hakunene, wu ta hundzuka rhumbi lerikulu. Kambe leswi swi ta humelela ntsena loko loyi ndzi n'wi hlawuleke ku ta ba muti lowu a ta va a fikile, kutani ndzi ta n'wi nyiketa wona.

Ezekiele 28:26

Va ta tiakela tindlu va rima ni masimu ya vhinya, va titshamerile hi ku rhula. Leswi swi ta humelela loko ndzi ta va ndzi bile vamatiko hinkwavo lava akelaneke ni Vaisraele, lava va va sandzaka, kutani Vaisraele va ta tiva leswaku HOSI Xikwembu xa vona, hi mina!”

Ezekiele 38:14

“Wena munhu, vulavula na Gogo u n'wi byela leswaku mina HOSI N'wini wa hinkwaswo ndzi ni rito eka yena leri nge: ‘Enkarhini lowu Vaisraele vanhu va mina va ha titwaka va tshamisekile va nga chavi nchumu, wena Gogo u ta pfuka,

Ezekiele 48:35

Rirhangu hinkwaro leri rhendzelaka muti matlhelo ya mune, ri ta va ri lehile 9 000 m. Eminkarhini leyi taka, muti wa Yerusalema wu ta thyiwa vito lerintshwa ra “Vukona-bya-HOSI-Xikwembu”!

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Eksoda 9:26

Muganga lowu xihangu xi nga wangiki eka wona, a wu ri wa le Goxeni ntsena, laha Vaisraele a va tshama kona.

Pisalema 45:5

We hosi, miseve ya wena yi tontswile, yi tlhava timbilu ta valala; vanhu va matiko va wela emilengeni ya wena.

Esaya 32:1

Vonani, ku ta hosi leyi nga ta fuma hi ku lulama, tindhuna ta yona ti ta avanyisa timhaka hi ndlela leyinene.

Esaya 32:18

Vanhu va ka hina va ta tshama endhawini leyi rhuleke, va ta aka miti leyi tiyeke, va wisa laha ku miyeleke.

Esaya 33:5

HOSI Xikwembu xa dzunisiwa, hikuva xi le henhla ka hinkwaswo, xi ta funengeta muti wa Siyoni hi milawu leyinene, leyi lulameke.

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’