Yeremiya 23:5 - BIBELE Mahungu Lamanene

⁵ “Mina HOSI ndzi ri, yingisani! Nkarhi wa ta, lowu ndzi nga ta mirisela Davhida ehluke lerinene. Hluke ra kona i hosi leyi nga ta fuma hi ku twisisa, yi avanyisa timhaka hi ku lulama ni ku tshembeka.

Xitsonga (Bibele)

⁵ “Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Yeremiya 23:5 Referans Kwoze

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

Esaya 52:13

HOSI Xikwembu xi ri: “Vonani, nandza wa mina ú ta kateka; ú ta tlakusiwa, a va munhu wo chaviseka swinene.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Zakariya 3:8

HOSI Xikwembu xi ri: “We Yoxuwa muprista lonkulu, yingisa! Yingisani na n'wina vaprista-kulobye lava mi tshameke na yena: Hakunene, mi vanhu lava hlolaka leswinene; vonani, ndzi ta mi rhumela nandza wa mina loyi va nge i Hluke.

Esaya 53:2

Nandza wa HOSI Xikwembu ú kurile emahlweni ka xona tanihi ximilana, a kota rimitsu ra murhi wa le misaveni leyi omeke; xivumbeko xa yena a xi nga hi tsakisi, a xi nga hi koki mahlo, naswona a hi nga n'wi naveli, hikuva a a nga sasekanga.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Nhlavutelo 19:11

Endzhaku ka swona, ndzi vona tilo ri pfuriwile, kutani, hi nomu lo, ku vonaka hanci yo basa. Loyi a gadeke yona, mavito ya yena va ri i “Mutshembeki”, ni “Ntiyiso”. Ú avanyisa ni ku lwa hi ku lulama.

Amosi 9:11

“Hi siku ra kona, ndzi ta pfuxa yindlu ya Davhida leyi weke, ndzi ta siva timfa ta yona, ndzi pfuxa ni makhumbi ya yona, ndzi tlhela ndzi yi aka ku fana ni khale.

Yeremiya 30:9

Va ta tirhela mina HOSI Xikwembu xa vona, va tirhela na Davhida hosi ya vona loyi ndzi nga ta n'wi hlawula exikarhi ka vona.”

Yeremiya 30:3

hikuva nkarhi wa ta lowu ndzi nga ta tlhela ndzi katekisa vanhu va mina, va nga vona Vaisraele ni va ka Yuda. Ndzi ta va vuyisa etikweni leri ndzi ri nyikeke vatata wa vona, kutani va ta ri teka ri va ra vona; ndzi vula sweswo mina HOSI.”

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Vaheveru 8:8

Hikuva Xikwembu xi vona ku hoxa eka vanhu va xona, loko xi ku: “Masiku ma ta, ku vula Hosi, lawa ndzi nga ta endla ntwanano lowuntshwa ni Vaisraele, hambi va ri va ka Yuda.

Yohane 1:45

Filipi a kuma Nataniele, a ku ka yena: “Hi kumile loyi Muxe a tsaleke timhaka ta yena eNawini; na vona vaprofeta va ti tsarile: I Yesu wa Nazareta n'wana Yosefa.”

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Yeremiya 31:27

HOSI Xikwembu xi ri: “Yingisani! Nkarhi wa ta lowu ndzi nga ta tlhela ndzi tata tiko ra Israele ni ra Yuda hi vanhu ni swifuwo.

Yeremiya 22:3

Mina HOSI ndzi ri, avanyisani timhaka hi ku lulama ni ku tshembeka. Lava tekeriweke swilo swa vona, va kutsuleni eka lava va va xanisaka; naswona mi nga tshuki mi karhata kumbe ku tshikelela valuveri, ni vana lava feriweke hi vatswari, ni tinoni; n'wina mi tshamaka exivandleni lexi, mi nga tshuki mi dlaya vanhu lava nga riki na nandzu.

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Yohane 1:49

Nataniele a n'wi hlamula, a ku: “Rabi, u N'wana wa Xikwembu, u Hosi ya Israele.”

Matewu 2:2

ti ku: “Yi kwihi Hosi ya Vayuda leyi velekiweke xana? Hikuva hi vonile nyeleti ya yona le vuxeni, kutani hi tile ku ta yi gandzela.”

Ezekiele 34:29

Ndzi ta va nyika masimu lama tivekaka hi ku saseka ka wona, kutani a ku nga ha vi ni ndlala etikweni ra vona, naswona a va nga ha hlekuriwi hi vanhu va matiko man'wana.

Pisalema 80:15

ximila lexi u xi byaleke hi voko ra wena, a nga n'wana loyi u nga tiwundlela yena.

Pisalema 45:4

Eku chavisekeni ka wena u ta humelela; famba u ya yimela ntiyiso, u avanyisa hi musa ni ku lulama; voko ra wena ra xinene a ri ku pfune ku endla leswo hlamarisa.

Yeremiya 22:30

xi ri: “Munhu loyi a a tsariwe entlaweni wa lava pfumalaka vana! Evutomini bya yena a nga ka a nga kateki; a nga ka a nga kumi mudyandzhaka loyi a nga ta n'wi landza exiluvelweni xa Davhida, a fuma tiko ra Yuda.”

Yeremiya 22:15

We Yoyakimi, xana u lava ku tikomba leswaku u hosi hi ku tirhisa mapulangi ya murhi wa kedari xana? Tsundzuka leswaku tata wa wena a a dya a xurha, kambe ú fumile hi nawu ni ku lulama, kutani a va munhu wa minkateko.

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Esaya 42:6

“Hi mina HOSI Xikwembu! Ndzi ku vitanerile ku ta tirha leswo lulama, ndzi ku khomile hi voko ndzi ku hlayisa; ndzi ta tirhisa wena ku endla ntwanano ni vanhu hinkwavo, hi wena u nga ta tisa ku vonakala ematikweni.

Yeremiya 29:11

Makungu lawa ndzi nga na wona ehenhla ka n'wina, ma tiviwa hi mina ntsena. Mina HOSI ndzi ri, makungu ya kona i ya ku mi katekisa, ku nga ri ku mi vangela makhombo; ndzi mi tshembisa leswaku ma ha ta vona minkarhi leyi taka.

Ezekiele 21:27

Muti wa Yerusalema ndzi ta wu endla rhumbi hakunene, wu ta hundzuka rhumbi lerikulu. Kambe leswi swi ta humelela ntsena loko loyi ndzi n'wi hlawuleke ku ta ba muti lowu a ta va a fikile, kutani ndzi ta n'wi nyiketa wona.

Ezekiele 45:8

Hi mukhuva lowu, tihosi ti ta averiwa muganga lowu nga ta va wa tona etikweni ra Israele; kutani a ti nga ha xanisi vanhu va HOSI Xikwembu; ti ta tshika Vaisraele va va ni miganga ya vona hi voxe hi ku ya hi tinyimba ta vona.

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

2 SAMIELE 23:3

Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Esaya 9:5

Tintanghu hinkwato leti masocha ma nga ya enyimpini ha tona, ni swiambalo hinkwaswo leswi tlhambukeleke hi ngati, swi ta hoxiwa endzilweni swi tshwa.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Esaya 33:5

HOSI Xikwembu xa dzunisiwa, hikuva xi le henhla ka hinkwaswo, xi ta funengeta muti wa Siyoni hi milawu leyinene, leyi lulameke.

Esaya 45:24

Va ta vulavula hi mina, va ku: ‘La nyikaka matimba ni ku hlula, i HOSI Xikwembu ntsena!’ ” Hinkwavo lava a va lwa na HOSI Xikwembu, va ta ta eka xona va ri ni tingana.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Mikiya 5:3

Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.