Yeremiya 23:11 - BIBELE Mahungu Lamanene

¹¹ HOSI Xikwembu xi ri: “Vaprofeta ni vaprista va endla swo fana, hinkwavo va nyamisa tiko; hambi eTempeleni, ndzi kuma swiendlo swa vona leswo biha.

Xitsonga (Bibele)

¹¹ “Hikuva loko va ri vaprofeta ni vaprista, i vasandzi, na kona ndzi kume vumbabva bya vona endlwini ya mina, ku vula Yehovha.

Yeremiya 23:11 Referans Kwoze

Sofoniya 3:4

Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Ezekiele 23:39

Siku va endleke magandzelo hi vana va vona va humesela swikwembu swa hava, va tlhele va nghena eTempeleni ya mina va yi nyamisa; hi swona leswi va swi endleke endlwini ya mina.

Yeremiya 32:34

Va nyamisile yindlu leyi vanhu va ndzi khongelaka eka yona, hi ku nghenisa eka yona swikwembu swa vona swa manyala.

Ezekiele 8:16

HOSI Xikwembu xi ndzi yisa exivaveni xa le ndzeni xa Tempele. Kutani ndzi vona vavanuna va 25 lava yimeke exikarhi ka rikupakupa ni alitari, va fularhela yindlu leyi ya HOSI, va ri kusuhi ni nyangwa ya yona; a va langutile evuxeni va ri karhi va gandzela dyambu loko ri tlhava.

Yeremiya 11:15

Xana varhandziwa va mina va ha lava yini endlwini ya mina, leswi lavo tala exikarhi ka vona va endlaka mintirho leyo biha, xana? Va rhwala tinyama leto hlawuleka, va ti yisa kule na n'wina. Loko khombo ri mi fikela, mi ta tsaka ke?

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 7:30

HOSI Xikwembu xi ri: “Va ka Yuda va endlile mhaka leyo biha emahlweni ka mina: Va nghenisile swilo swa manyala endlwini leyi vito ra mina ri gandzeriwaka eka yona, kutani va yi nyamisa.

2 TIKRONIKA 36:14

Na vona varhangeri va vaprista ni vanhu hinkwavo va tiko va endla swilo swa manyala, va tlhelela eka mikhuva ya vamatiko, va nyamisa ha yona yindlu leyi HOSI Xikwembu a xi tihlawulerile yona eYerusalema.

Ezekiele 8:11

Emahlweni ka swilo leswi, a ku yimile vakulukumba va 70 va Israele, va ri na Yaazaniya n'wana Xafani. Un'wana ni un'wana a a tamele ximbitana xa mirhi ya risuna, musi wa kona wu mbuluka wu ya henhla.

Ezekiele 7:20

Ha swona, va tiendlele vuhlalu lebyo saseka, va tinyungubyisa ha swona; va tivumbele ha swona swikwembu swa manyala leswi swi ndzi hlundzukisaka; hikokwalaho ndzi ta hundzula rifuwo ra vona ri va thyaka ntsena.

Yeremiya 23:15

Hikokwalaho mina HOSI ya matimba hinkwawo ndzi vurisa sweswo ehenhla ka vaprofeta, ndzi ri, yingisani! Ndzi ta mi dyisa leswo bava, ndzi mi chelela vuxungu ematini, mi nwa, hikuva swilo leswi nyamisaka tiko hinkwaro swi vangiwa hi n'wina vaprofeta va le Yerusalema.”

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

2 TIKRONIKA 33:7

Manase a endla xifaniso xa xikwembu xa hava, a xi yimisa eTempeleni; kasi Xikwembu a xi byerile Davhida na Solomoni n'wana wa yena xi ku: “ETempeleni leyi ni le mutini lowu wa Yerusalema, lowu ndzi wu hlawuleke exikarhi ka miti ya tinyimba hinkwato ta Israele, hi kona laha ndzi nga ta gandzeleriwa kona masiku hinkwawo.

2 TIKRONIKA 33:5

Eswivaveni swimbirhi swa yindlu ya HOSI Xikwembu, Manase a aka tialitari to gandzelela eka tona dyambu ni n'weti ni tinyeleti.

Yeremiya 50:6

Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Ezra 10:18

Exikarhi ka vaprista, lava tekeke vasati eka vamatiko hi lava: Maaseya, na Eliezere, na Yaribi, na Gedaliya, va nga va ka Yexuwa ni vamakwavo wa yena, vona vana va Yosadaka.

Ezekiele 44:10

Xikwembu xi ri: “Ndzi ta ba Valevhi, hikuva vona ni Vaisraele lavan'wana va ndzi fularherile va ya gandzela swikwembu swa hava.

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.