Yeremiya 23:10 - BIBELE Mahungu Lamanene

¹⁰ hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.

Xitsonga (Bibele)

¹⁰ Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 23:10 Referans Kwoze

Pisalema 107:34

ni tiko ro nona ri hundzuka makwandzasi, loko vaaki va kona va endla leswo biha.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Esaya 24:6

Hikokwalaho, misava yi wele hi ndzhukano, lava akeke ka yona va beriwa milandzu ya vona, va fa va hela, ku to sala va nga ri vangani ntsena.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

1 Timotiya 1:10

ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

Yuwele 1:10

Masimu ma onhiwile, misava ya kona yi le nkosini, hikuva mavele ma herisiwile, vhinyo a ya ha kumeki, ni mafurha ma nyamalala.

Yeremiya 14:2

“Tiko ra Yuda ri le ku rileni, miti ya rona ya hela; vanhu va kona va konya va etlele hansi, muti wa Yerusalema wu huwelela wu kombela ku pfuniwa.

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Levhitika 5:1

“Loko munhu a vitaniwa ehubyeni ku ya nyika vumbhoni bya mahaka leyi a yi voneke loko yi humelela kumbe leyi a yi tivaka, kambe a yi fihla, ú ni xidyoho, kutani ú fanele ku rhwala nandzu wa yena.

Esaya 5:18

Va ni khombo vanhu lava rhambaka vubihi va byi koka hi tintambhu, vona lava kokaka vudyoho ku fana ni loko va koka golonyi hi tinghole,

Yeremiya 9:12

Xana i mani munhu wo tlhariha loyi a nga twisisaka swilo leswi xana? Xana i mani loyi HOSI Xikwembu xi vulavuleke na yena, la nga tivisaka leswi xi n'wi byeleke swona xana? Hikwalaho ka yini tiko ri onhakile ri tshwa ri hundzuka mananga, ku nga ha hundzi munhu eka rona, xana?

Yeremiya 12:11

Eku onhakeni ka rona, ri rila eka mina; ri onhakile hinkwaro, kambe a ku na munhu loyi a twaka ku vava ha swona.”

Hosiya 7:4

Hinkwavo va ni tihanyi: Va fana ni ndzilo lowu pfurhaka exitikweni, lowu musweki wa xinkwa a tshikaka ku wu hlanganyeta, ku sukela loko a ha pfuva mapa, ku kondza ma kukumuka.

Ezra 10:18

Exikarhi ka vaprista, lava tekeke vasati eka vamatiko hi lava: Maaseya, na Eliezere, na Yaribi, na Gedaliya, va nga va ka Yexuwa ni vamakwavo wa yena, vona vana va Yosadaka.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Sofoniya 3:4

Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.